Share

CHAPTER 1

"Masyado mo namang ni-literal 'yong pagiging dry mo, teh. Talagang diniligan mo 'yong sarili mo," halakhak ni Cyd.

Lunch time at nandito kami sa student lounge na tinatambayan namin palagi kapag walang klase. Kinikwento ko kasi sa kanila ang kahihiyang nagawa ko kahapon. Para malaman niyo, halos lahat ng pangyayari sa buhay ko lalo na't may koneksyon kay Zim, ay alam nila. Si Zim na lang talaga iyong walang alam tungkol sa nararamdaman ko para sa kaniya, chos!

"Iyon siguro ang tinatawag nilang wet look sa umaga," gatong ni Satana at nagtawanan sila.

Mga walang hiya!

Nakitawa na lang ako sa kabaliwang naisip nila. Hindi ko talaga malimutan iyong katangahan ko kahapon. Hanggang ngayon nagtatakha pa din ako sa sarili ko kung bakit ko naisip iyon. Duh! Nevermind, basta tapos na yon.

"Ano ba kayo! Pang bata lang 'yang mga crush crush na iyan. Dapat deretso na sa jowaan. Oh, may irereto ako sa inyo," Nakangiting wika samin ni Samien sabay taas at baba ng kaniyang kilay.

"Talaga?" Lumiwanag ang mukha naming apat sa sinabi niya. Well, curious lang ako ha, hindi ko alam sa kanila.

"Yes yes, barkada ni Kenneth," sambit niya dahilan para magkainteresado lalo sila.

Si Kenneth iyong boyfriend ni Samien na 1st year college. Pinakilala na ni Samien samin si Kenneth at minsan na din naming nakita ang kaniyang mga barkada kasama siya pero hindi pa talaga kami pormal na nagkakakilala.

"You mean sila Kobe?" Napatingin kami sa naniniguradong tanong ni Cyd sa kaniya.

"Wait. Kilala mo sila?" tanong ni Satana sa kaniya. Tumawa lang si Samien sa kanilang reaksyon.

"Of course! Iyan 'yong nireto sa'kin ni Samien. And, I don't kinda like him," maarteng wika niya at pinabitin ang huling pangungusap.

"Bakit naman?" curious na tanong ko.

"Duh! Dalawang araw pa nga lang kaming nagte-text tapos ang sabi mahal na nIya daw ako? The heck!" Ngumiwi siya sa kanyaang sinabi.

"Kaya niya gi-nhost," halakhak ni Samien.

"Ay, ekis na pala," wika ni Satana.

Kilala namin si Cyd at pati na rin ang mga tipo niya sa lalaki. Ayaw niya raw sa mga lalaking speed masyado. Kaya hindi rin namin siya masisisi kung ayaw kay Kobe. Sabi niya, kapag ganiyan daw ka-straight forward iyong lalaki, mabilis lang din mawala 'yong feelings nila. Marami na daw siyang nakalandian kaya alam niya kung kailan sila seryoso, o hindi.

Sa aming lima, si Samien lang ang biniyayaan na magkaroon ng matagal na relasyon nila ni Kenneth. Kung hindi ako nagkakamali, 2 years na sila at legal both sides. Samantalang sila Rye at Satana, pinakamatagal na sigurong naging relasyon nila is three months or five? Hindi ako sigurado ha. Si Cyd naman, ayaw niya sa comittment kaya landian lang daw muna. While me? Future girlfriend pa lang naman ni Zim. Chos! Kapal ng confidence ampota.

"Subukan niyo muna tapos kung hindi mag work, edi babye," halakhak ni Samien sabay wagayway ng kaniyang kamay.

"Oo nga naman," Pagsang ayon ni Satana sa kaniya kaya kinindatan siya ni Samien.

"Try lang naman. Sige, G ako. Ikaw ba Addie?" tanong ni Rye sakin.

"Kay Zim lang ako kakalampag," ngisi ko kaya napangiwi sila ng sabay.

Ang e-engot ng mga 'to, hindi ko sila ma-gets. Minsan sinusuportahan ako sa kalandian ko kay Zim, minsan din kontrabida. Ang e-epal porket walang nagmamahal. Charot! Hindi pa pala ako mahal ni Zim.

"Mamaya may ganap sa park at nandoon sila. Punta tayo, ipapakilala ko kayo sa kanila," wika ni Samien.

Alas sais magsisimula ang kaganapan mamaya sa park kaya nagsiuwian na agad kami pagkatapos ng klase para makapaghanda. Hindi pa ako sigurado kung makakapunta ba ako kase hindi pa ako nakapagpaalam kay Kuya at hindi rin ako sigurado kung papayag sya.

"Kuya, pupunta ka ba ng park mamaya?" tanong ko. Dahil maaga rin siyang umuwi ay sumabay na ako sa kaniya para iwas pamasahe.

"Ano bang meron don?" Nakakunot ang noo niyang nagtanong sakin. Sinulyapan niya ako saglit bago binalik sa daan ang kaniyang atensyon.

Ngi, bakit hindi niya alam?

"May live band daw do'n mamaya," wika ko at tumango lang siya.

Iyon na 'yon? Wala ba siyang follow up questions man lang? Wala ba siyang balak na pumunta? Ambobo naman ni Kuya, hint ko na nga iyon sa kaniya para magpaalam pero hindi niya nagets, amp! Paano ba kasi magpaalam?

Nagtext na sakin si Satana para ipaalam na 'on the way' na daw sila sa park kasama si Samien at Rye. Kaagad siyang tumawag ng malamang hindi pa ako nakapagpaalam kay Kuya.

[Dadaan nalang kami jan. Kami na magpaalam para sayo] wika ni Satana sa kabilang linya.

"Wag na, ako na bahala, susubukan ko. Pero kung hindi pumayag, sorry nalang talaga," saad ko habang nakahiga saking kama.

[No, no. Dapat kung saan ang barkada nandoon ka din para kumpleto tayo] Rinig kong wika ni Rye dahil siguro nilapit ni Satana ang kanyang cellphone sa kaniya.

[Magbihis ka muna bago magpaalam para siguradong papayagan ka] Saad din ni Samien sa kabilang linya.

"Oh sige, sige na, magpapaalam na ako kay Kuya,"

[Asahan ka namin don ha] wika ni Satana bago ko pinatay ang tawag.

Bumangon na ako at lumabas na sa kwarto para puntahan si Kuya at magpaalam. Hindi ko sinunod ang sinabi sa'kin ni Samien. Baka lalong hindi lang ako payagan no'n kung makikitang nakabihis na ako. Iisipin lang no'n na tatakas ako pag hindi pinayagan.

Sana naman pumayag siya. Hindi naman ito ang first time kong magpaalam sa kanya. Baka lang kasi hindi papayag lalo na't gabi ngayon.

"Wazzup Addie!" Nagulat ako sa biglaang presensya ni King sa bahay namin. Siya 'yong isa sa mga kababata ni Kuya at barkada din sila ni Zim.

Bihis na bihis siya sa suot na t-shirt at jeans at amoy na amoy ko din ang masculine niyang pabango. Ang bango talaga ng perfume ng mga lalaki, pero mas mabango nga lang kay Zim.

"Good evening," ngiting bati niya sakin.

"Good evening, anong ginagawa mo dito?" tanong ko. Hindi niya naman ugaling pumupunta dito ng gabi. 

"Hinintay ko si Chant," sagot niya kasabay din no'n ang paglabas ni Kuya mula sa kwarto niya. Kagaya ni King ay bihis na bihis din sya. May lakad ba sila?

"San kayo pupunta?" tanong ko at bumaling kay Kuya.

"Sa park," si King ang sumagot.

Lumiwanag ang mukha ko dahil sa sinabi niya. Pinanliitan ko ng tingin si Kuya ng maalala ko ang pag-uusap naming kanina na wala raw siyang alam kung anong meron sa park. Hmm.

"Sorry, ngayon lang sinabi ni King sakin," Dipensa niya agad sa iniisip ko. "Magbihis kana. Bilisan mo," Utis niya sakin na parang alam na kung ano ang gusto kong mangyari. 

Napangiti ako at mabilis na tumalikod para bumalik saking kwarto at magbihis.

Kulang nalang ay tumalon talon ako sa tuwa ng marinig ko iyon. Wew! Hindi ko pala kailangan ng madramang paalam dahil pupunta din pala si Kuya doon. 

Hindi ko alam kung anong dapat kong suotin kaya nagtanong nalang ako kay Satana kung anong mga suot nila. Nakashorts lang daw sila ni Samien at off shoulder dress naman kay Rye. Ayoko din namang mag dress kaya at the end, isang kulay puti lang na fitted shirt ang suot ko at pinaresan ko ito ng high waisted shorts. Tinali ko nalang yung mahaba kong buhok bago naglagay ng lip gloss at konting perfume bago lumabas.

"Ba't dimo dinala yung sasakyan mo?" tanong ni Kuya kay King habang nagd-drive. Nasa shotgun seat si King at nasa likod naman nila akong umupo.

"Walang pang gas," halakhak ni King.

"Lokohin mo lelang mo" napailing na sambit nalang ni Kuya.

"Kanina pa sila Zim do'n. Lasing na daw si Sev," napatingin naman ako sa kanila ng banggitin ni King ang pangalan niya.

Oh my, nando'n din si Zim. Aba! Natural Addie, magbabarkada sila ng Kuya mo kaya asahan mo talaga iyon. Bigla tuloy akong na-conscious sa ayos ko, pero may parte sa'kin na natuwa. Kase naman, baka Zim na yarn.

Kinuha ko ang cellphone ko mula sa isang pouch bag na dala ko. Ginawa ko siyang silbing salamin para tignan ang ayos ng mukha ko. Salamat nalang sa mga ilaw ng poste sa dinadaanan namin.

"Buti naisipan mong isama si Addie, Chant. Para may taga bantay ka?" pang aasar ni King kay Kuya.

"Nah. Hinihintay ako ng mga kaibigan ko do'n," wika ko sa kanila. Napatingin naman sa'kin si Kuya mula rear-view mirror.

"Kaya pala nagtanong ka kanina tungkol sa park," Pagtatanto niya bago i-park ang sasakyan sa bakanteng parking lot.

Natawa na lang ako kay Kuya kase ngayon niya pa lang talaga na gets 'yong pinupunto ko kanina.

Lumabas na kaming tatlo sa sasakyan. Nauna silang naglakad habang nakasunod naman ako sa kanila papunta sa table kung saan nandoon na raw sila Zim at ang iba pa nilang barkada.

"Uy Addie! May date ka ngayon no?" Ngising tanong ni King sa'kin. Sumabay siya sa'kin maglakad at hinayaan si Kuya na mauna.

"Lah, wala kaya," Pagtanggi ko. "Kasama ko lang yung mga kaibigan ko,"

"Sayang! Inutusan pa naman ako ni Chant na bantayan ka," wika niya at pinasok ang kaniyang dalawang kamay sa magkabilang bulsa ng kaniyang jeans.

Nagtaas ako ng kilay sa kaniya at natawa. 

"Pero madali naman akong kausap. One chix, hindi kita isusumbong sa Kuya mo," panghahamon niya.

"Ano bang trip mo, King?" Humalakhak ako.

"Seryoso nga," seryosong saad niya pero hindi pa rin ako naniwala.

Wala nga akong kilalang chixx eh. Kung mayroon man, sino naman kayang chixx ang ibibigay ko sa kaniya? Si Satana? Rye? Cyd? Puwede. Pero lol! Wala naman akong kadate ngayon kaya walang retohan na magaganap.

"Yo Chant! King. Uyy Addie kasama ka pala," bati ni Terrence samin at huli niya akong binalingan.

Ngumiti lang ako sa kaniya at sa iba pang bumati sakin na barkada ni Kuya. Ginala ko ang buong tingin sa kanila. There he is, he looks so hot in his plain black v-neck shirt. Nakita ko pang tinanguhan niya si Kuya at si King bago dumapo ang tingin niya sakin. Bahagya pa akong nagulat ng magtagpo ang aming tingin.

Napabusangot ako ng wala man lang akong natanggap na bati mula sa kaniya. Iyon pa naman ang hinihintay ko. Siya lang iyong hindi bumati sakin. Wala man lang ka-effort effort na buksan iyong bibig niya. Ano ba 'yan!

Nag iwas na lang ako ng tingin sa kaniya at binalingan si King na kanina pa may binubulong sa'kin.

Nilapit ko ang tenga ko sa kaniya dahil sa ingay ng tugtog mula sa stage para marinig kung ano man iyong sinasabi niya.

"Ipakilala mo ako sa mga barkada mo," Ngumiti na lang ako at napailing sa sinabi niya.

Hindi ko alam kung bakit niya gusto at naisipang magpakilala sa mga barkada ko. Nakikita niya naman sila pero iyon nga, hindi pa sila pormal na magkakilala. Pero malaki ang kutob ko na may natitipuhan siyang isa sa kanilang tatlo. Well, Samien is not included kasi may Kenneth na.

Hmm. Who would be that lucky girl?

Nagpaalam na ako sa kanila para magpunta sa table ng mga kaibigan ko. Binara naman nila si King nang pagpaalam din ito na sumama sa akin na umalis.

"Ako nalang yung walang lovelife satin pre, kaya this is my night. It's my time to shine!" Sinabayan niya ng paghalakhak.

Kumunot ang noo ko sa sinabi niya. Siya nalang iyong walang lovelife sa barkada? I don't mind their other friends but, how about Kuya and how about...him?

Kusang napatingin ang mga mata ko sa kaniya. I was stun in shock when I realize he already staring at me. Walang bakas sa kahit anong emosyon ang nakikita ko sa mukha niya.

Wala akong alam kung ano na ang ganap tungkol sa buhay pag ibig ni Kuya dahil hindi naman niya kinukwento sa'kin. Wala namang problema sa akin na magkaroon ng girlfriend si Kuya. Ang akin lang, ay mas interesado pa ako ngayon na malaman kung may girlfriend na ba si Zim.

May girlfriend na nga ba sya?

"Buti pa si Chant, malapit ng sagutin no'ng nililigawan niyang pinsan ng girlfriend ni Zim," wika ni King sa tabi ko sabay akbay sa'kin.

Walang nagtanong pero parang sinagot na din ni King ang tanong sa utak ko. It's confirmed, may girlfriend nga siya. 

Nanatili lang ang kaniyang mga mata sa akin na parang wala siyang pakialam sa sinabi ni King. Habang pinag-uusapan ng iba ang tungkol sa mga girlfriend nila. Hindi man lang siya tumutol sa sinabi ni King, kaya possibleng totoo nga.

Kaugnay na kabanata

Pinakabagong kabanata

DMCA.com Protection Status