Share

CHAPTER TWO

Catharyn's POV

HINDI ko alam kung saan ko ibabaling ang aking paningin sa laki ng bahay ni Xannon. Napakabait ng mga kasambahay nila dito. Napaka palakaibigan ng lahat at hindi ako tinatratong iba ngayon pa lang na kakapasok ko sa kanilang ikalawang tahanan. 

"Dito ang magiging higaan mo," wika ng Mayordoma sa akin.

Hindi ko alam kung matatawag ko pa bang bahay itong aking kinatatayuan dahil sa tingin ko ay nararapat itong tawaging mansyon!

Ang maid's quarter pa lang ay parang buong bahay na namin. Iba pa ang sala, kitchen, dirty kitchen, mga kwarto at marami pang iba. 

"Si Xan.. I mean si Sir Xannon lang ho ba ang nakatira dito mag-isa?" tanong ko sa Mayordoma.

"Ngayon, oo" wika niya.

"Eh noon?" tanong ko.

"Hindi ko alam kung ako ba ang dapat magsabi sa 'yo neto pero dahil chismosa ako. Sige sasabihin ko na," turan ng Mayordoma at humagikgik pa.

"Dapat kasi ikakasal na si Sir Xannon kaso no'ng araw na ng kasal nila tumakas si Ma'am Margaret. Umalis siya ng walang pasabi at pinag-antay si Sir Xannon sa simbahan kasama ang mga guests nila. Nakakaawa nga si Sir Xannon eh, napakabait ng batang iyon marahil ay dahil sa pag-iwan sa 'kanya ni Ma'am Margaret kaya ganyan siya kung umakto ngayon," mahabang turan niya.

Marami pang kinwento si Madam MJ sa 'kin na siyang tumatayong Mayordoma dito sa mansyon. Parang unti-unti kong nakilala si Xannon sa pamamagitan ng pag-kwento ni Madam MJ. Nakakatuwa lang isipin, paano nangyaring ang isang masayahing lalaki noon ay naging mas malamig pa sa yelo ang trato sa ibang tao ngayon at higit sa lahat ay naging arogante?

"Oh siya, maiwan na muna kita dyan. Marami pa akong kailangang gawin," turan ni Madam MJ.

Inayos ko muna ang aking mga gamit pagkatapos ay nagbihis ng aking uniporme upang makapag-umpisa na sa mga gawain dito sa mansyon. Noong una ay nangangapa pa ako sa mga gawain pero no'ng nagtagal ay nasanay na rin naman na ako. 

Natigil ako sa paglilinis ng swimming pool nang bigla akong tawagin ni Madam MJ. Agad akong lumingon sa 'kanya at tinanong kung bakit niya ako tinawag.

"Bakit ho?" tanong ko.

"Pinapatawag ka ni Sir Xannon! Ano bang ginawa mong bata ka at pinatawag ka non bigla?" nag-aalalang tanong ni Madam MJ sa 'kin.

"Hindi ko pa nga siya nakikita eh paanong may ginawa ako sa 'kanya na hindi niya nagustuhan?" kibit balikat na tanong ko.

Hindi ko na inantay pa na sumagot si Madam MJ at dahan dahan akong pumunta sa ikatlong palapag kung saan nando'n ang kwarto ni Xannon. 

Nang makarating na ako sa tapat ng kanyang kwarto ay may nakita akong parisukat sa gilid ng kanyang pinto at kulay green na umiilaw sa loob nito. Marahil ay finger print scanner ito kung saan nilalagay ni Xannon ang kanyang daliri upang bumukas ang kanyang pinto. Agad kong hinanap ang intercom upang matawag ko siya at malaman niyang nasa tapat na ako ng kanyang kwarto.

"Sir, si Catharyn po ito," wika ko habang pinipindot ang intercom.

"Come in," wika niya, senyales na maaari na akong pumasok sa kanyang kwarto. 

Nang makapasok ako ay gulat akong napatingin sa kabuuan ng kanyang kwarto. Halos lahat ng kanyang mga gamit ay kulay itim. Magmula sa 'kanyang higaan, ceiling fan, chandelier na gold ang kulay, kulay itim na centralize aircon, 'yong couch niya na kulay itim at maging ang mat sa 'kanyang sahig. Marmol ang kulay ng kanyang sahig at kulay itim ang kanyang dingding. Napaka-manly ng amoy ng kanyang kwarto. Marahil ay heto ang kanyang pabango.

"Sir, ano ho ang kailangan m-mo?" kinakabahang turan ko. 

Alam ko may atraso pa siya sa akin pero iba ang awra ng kanyang mukha ngayong kaharap ko siya. Parang may itim na usok na nakapaligid sa 'kanyang likuran dahilan para mapaatras ako at matutop ko ang aking labi.

"Prepare me some coffee," wika nito subalit ang kanyang paningin ay nasa kanyang laptop pa rin.

"Tss, napaka arogante," bulong ko at akmang lalabas na sana ng kanyang kwarto kaso bigla siyang nagsalita.

"Are you saying something?" kunot noong tanong nito.

Napatingin ako sa 'kanya at nagpanggap na ngumiti bago nagsalita. "Ah, eh wala ho, sir," iiling iling na wika ko.

"Faster!" sigaw nito dahilan para mapaigtad ako at nagmadaling lumabas ng kanyang kwarto.

"Jabar din 'yon si Xannon eh," inis na turan ko habang naglalakad.

Nakanguso akong nagtimpla at nang mamalayan ko na nakatingin sa akin si Madam MJ mula sa malayo ay inayos ko ang ekspresyon ng aking mukha.

Nagsimula na akong maglagay ng tubig sa lagayan at nilagyan ito ng filter pagkatapos ay naglagay ako sa ibabaw ng filter ng coffee grounds. Coffee maker ang ginagamit dito sa pagtitimpla ng kape. Mabuti nalang at alam kong gamitin ang mga gamit dito dahil sa dati kong trabaho kaya hindi ako nagmumukhang ignorante. 

Pagkatapos kong ilagay ang mga kailangan ay sinalin ko na sa cup ang kape na aking tinimpla. Akmang aalis na sana ako kaso biglang nagsalita si Madam MJ sa aking harapan dahilan para mapatigil ako sa paglalakad. 

"Oh? Anong nangyari? Napagalitan ka ba?" panguusyoso ni Madam MJ dahilan para magsalita ako. 

"Hindi Madam eh, pinagtimpla niya lang ako ng kape niya," wika ko.

"Ay ganon ba? Dalian mo na at ibigay mo na 'yan sa 'kanya. Maikli lang ang pasensya ni Sir Xannon," turan ni Madam MJ dahilan para magmadali ako sa paglalakad. 

Napakataas naman kasi ng mansyon na 'to! Tingin ko bago ako makaakyat sa kwrto ng damuhong 'yon ay malamig na 'tong kape na pinapatimpla niya, tsk!

Pagkaakyat ko sa tapat ng kanyang pinto ay nagsalita muna ako sa intercom at nang papasukin niya ako ay agad kong inabot sa 'kanya 'yong kape niya. 

Kukunin na sana niya 'yong kape niya kaso hindi ko pa naitatanggal ang aking kamay sa handle ng cup dahilan para masakop ng kanyang palad ang aking kamay. Hindi ko alam pero biglang bumilis ang tibok ng aking puso dahilan para mapatingin ako sa kulay itim niyang mga mata. 

Sa hindi inaasahang pagkakataon ay sininok ako. Nilagay ko ang isang palad ko sa aking bibig upang hindi niya sana marinig ang aking sinok subalit hindi ako nagwagi dahil nakita kong umusbong ang ngisi sa 'kanyang labi.

"Falling for me, huh?" wika nito habang nakangisi.

"A-asa ka!" sigaw ko at dali dali akong lumabas sa kanyang kwarto. 

Dinig ko ang pagtawag niya sa aking pangalan subalit hindi na ako nag-abala pang lumingon at dire-diretsong bumaba sa hagdanan. 

Hinawakan ko ang aking dibdib at nang maramdaman kong kalmado na ang aking puso ay nagsalita akong mag-isa sa hagdanan. "Bakit ang bilis ng tibok ng puso ko kanina? Gusto ko na ba talaga si Xannon?" wika ko habang ang paningin ay nasa kisame.

TO BE CONTINUED 

Related chapters

Latest chapter

DMCA.com Protection Status