Share

CHAPTER EIGHT

Catharyn's POV

"Oh? Saan ang punta mo?" tanong ni Shiena dahilan para mapalingon ako sa 'kanya. 

Tumingin muna ako rito bago nagsalita. "Punta lang ako sa restroom," pagsisinungaling ko. 

Tumango naman ito senyales na maaari na akong pumunta sa restroom. Habang nglalakad ako palabas sa meeting place ay hindi ko mapigilan ang pagpatak ng luha ko. Dali dali kong pinunasan ang mga ito at dumiretso na sa restroom. 

"Okay, Catharyn. Relax," turan ko nang makarating ako sa tapat ng salamin pagkatapos ay huminga ng malalim. 

"Si Xannon lang 'yon at wala ng iba," muling sabi ko sa harap ng salamin. 

Ilang minuto ang lumipas bago ko napagdesisyunang lumabas subalit muli akong bumalik at naghugas ng kamay. 

Pagkalabas ko ng restroom ay gulat akong napaatras nang makita ko si Xannon sa gilid ng pinto. 

"How are you?" tanong nito.

Hindi ko siya magawang tignan sa 'kanyang mga mata dahil isa ang mga matang 'yon kung bakit ako nahulog sa 'kanya.

"A-ayos lang," utal na sagot ko dahilan para matawa ito.

"May sasabihin ka pa ba?" kunot noong tanong ko habang ang aking paningin ay nasa kabilang pinto.

"Kamusta ka na?" tanong nito.

Huminga ako ng malalim at akmang magsasalita na sana kaso natutop ko ang aking bibig. Gusto kong sabihin na hindi ako kailanman naging mabuti buhat nang umalis ako sa mansyon niya subalit hindi ko magawa dahil alam kong mali. 

Marami akong gustong isigaw sa 'kanya subalit bumabaluktot ang aking dila t'wing binabalak kong sabihin ang mga 'yon.

"Kailangan ko pa po bumalik sa trabaho, sir," turan ko. 

"I'm the new CEO here, hindi kita pinagmamadali dahil gusto pa kitang makausap," sabi nito na siyang naging dahilan ng lalong pagbilis ng puso ko. 

Naiinis ako, naiinis dahil kahit na anong sakit ang ipinaranas niya sa akin ay hindi ko pa rin maiwasang tumibok sa 'kanya ang puso ko. 

"Kailangan ko pa pong gumawa ng content, sir."

Social media manager ang trabaho ko dito sa SunValley Redemption. Mabuti nalang at hindi sila naghahanap ng degree holder para sa mga gustong maging empleyado dito. Kaya nga sobrang nalungkot ang marami nang malaman naming iba na ang magiging CEO ng kompanya.

Dinig ko ang buntong hininga nito at pilit na ngiti ang isinukli sa akin bago nagsalita. "Don't worry about that. I will be offering you a well-paying job," turan nito.

"Kuntento na ako sa trabaho ko, sir," ngiti ang isinukli sa akin ni Xannon at gulat akong napatingin sa 'kanya ng hatakin niya ang aking bewang papalapit sa 'kanya. "You'll be my personal assistant whether you like it or not."

Hindi na ako nagsalita pa at nang paghiwalayin nito ang aming mga katawan ay nakangiti itong umalis sa aking harapan. Pinunasan ko ang noo ko kung saan ay kanina pa basa dahil sa kabang aking naramdaman.

Pagkarating ko sa meeting place ay agad akong umupo sa tabi ni Shiena. "Bakit ang tagal mo naman yata sa restroom?" kunot noong tanong nito.

Kita ko sa stage ang maskulado at gwapong mukha ni Xannon at hindi ko muling mapigilan ang tibok ng puso ko. 

Lumunok ako bago nagsalita. "Ahh, ano kasi. Masakit kasi 'yong ano.. 'yong tyan ko, oo," utal na turan ko dahilan para mas lalong kumunot ang noo ni Shiena. 

"Ang weird mo ngayon, nakakita ka ba ng multo?" natatawa at umiiling iling na tanong nito.

"Hehe," kamot ulong sabi ko. 

Laking pasalamat ko nang ibaling nalang nito ang kanyang paningin sa harapan at tinapos panoorin ang palitan ng magagandang salita nila Xannon at Mr. Chan.

Pagkatapos ng kaunting pagsasalo kanina sa meeting place ay sabay sabay na nagsilabasan ang mga tao. Inantay muna namin ni Shiena na lumabas ang lahat ng tao bago namin mapagdesisyunang lumabas sa meeting place. Akmang maglalakad na sana kami paliko kaso biglang humarang sa aming harapan si Xannon dahilan para kiligin ang kaibigan ko.

"OMG! I think Mr. Altamero likes me!" pabulong na may impit na tili na wika ni Shiena.

"Good afternoon, ladies," nakangiting bati ni Xannon.

"Good afternoon, sir," kaswal na wika ko.

Ganito naman ako sa 'kanya noon pa eh. Umaaktong walang pakielam pero kapag siya na ang gumagawa ng paraan para mapalapit kami ay nagiging marupok ako.

"Good afternoon, Mr. Altamero," magiliw na bati ni Shiena dahilan para matawa si Xannon.

"Wouldn't you mind if I ask both of you to go out with me?" tanong nito dahilan para lalong lumawak ang ngiti ni Shiena.

"Hin---.." hindi ko na natuloy pa ang dapat kong sasabihin nang biglang magsalita si Shiena.

"Ayos na ayos lang, sir!" kinikilig na wika ni Shiena. 

"So, it's all set? Let's go," turan ni Xannon kaya dali dali akong hinila ni Shiena palapit kay Xannon nang tumalikod ito sa amin upang maglakad papuntang elevator.

Nang makarating kami sa Bibs barbeque house ay agad kaming umupo. May nakalagay sa lamesa na 'reserved' kung saan kami umupo dahilan para magtaka ako. 

Naka-reserved na agad eh paano kung hindi kami pumayag na pumunta? 

Kibit balikat nalang akong naghanap sa menu ng maaari kong order-in. Puro mga ihaw ang nasa menu pero dahil paborito ko ang barbeque at hotdog ay 'yong dalawang 'yon nalang ang napili ko.

Ang Bibs Barbeque House ang pinakamalapit na kainan sa kompanya kaya heto ang napili naming kainan. Ilang minuto ang lumipas ay dumating na ang orders namin. Akmang magsasalita na sana ako kaso biglang nagsalita si Shiena na siyang naging dahilan ng pagtingin ko sa daliri ni Xannon. 

"OMG! You're already married, sir?!" gulat na tanong ni Shiena na siyang naging dahilan ng pag-usbong ng kirot sa puso ko. 

Agad na tumingin si Xannon sa daliri niya kung saan nakasuot ang kanyang singsing pagkatapos ay nagsalita. "Y-yeah," wika ni Xannon habang kinakamot ang kanyang batok.  

"Hala! Congratulations, sir!" nakangiting turan ni Shiena dahilan para tumingin silang dalawa sa 'kin na kung saan ay inaantay ang pagsabi ko ng 'congrats' kay Xannon. 

"C-congratulations, s-sir," wika ko habang inaayos ang aking pananalita dahil alam ko sa sarili ko na kaunting salita pa ang sabihin ko ay papatak na ang luha ko. 

"Kailan pa, sir?" excited na tanong ni Shiena habang ako ay nililibang ang sarili sa pagkain. 

Tumikhim si Xannon dahilan para bumaling sa 'kanya ang paningin ko. Pinaikot-ikot nito ang kanyang isang daliri sa 'kanyang singsing pagkatapos ay  nakangiting tinignan ito. 

"Matagal na rin," nakangiting wika nito at kita ko ang kinang at kaunting butil sa 'kanyang mata dahilan para lalo akong masaktan.

Masakit, masakit dahil 'yong taong mahal mo ay kasal na sa iba. 

Hindi ko na na-control ang aking bibig dahilan para magsalita ako. 

"M-mahal mo?" utal na turan ko habang ang paningin ay nasa kanyang singsing. 

"Mahal, mahal na mahal," wika nito na siyang naging dahilan ng pag-usbong ng sakit sa aking dibdib.

Pasensya na anak, kasal na ang papa mo sa iba. Masaya na siya, masaya sa piling ng iba.

TO BE CONTINUED 

Kaugnay na kabanata

Pinakabagong kabanata

DMCA.com Protection Status