Chapter 2

Choosing You

Paano nga ba ako napunta sa paniniwalang may Hades?

Nagsimula 'yon noong mabasa ko sa isang internet site ang tungkol sa mga God and Goddesses. Noong una nga, nasabi ko sa sarili kong—kalokohan. Kalokohan lamang ang lahat ng iyon.

Tanong ko--

Paanong magkakaroon ng pinuno ang langit, karagatan at ang impyerno kung mayroon tayong Jesus Christ hindi ba?

At doon ko napagtanto ang lahat. Na ang mga nilalang na ito ay nabubuhay upang balansehin ang mga bagay sa mundo at upang mamuhay ng normal ang mga tao.

If there's no God and Goddesses,  a war will lie upon us. And this war will lead to our world great chaos.

-----

"Magtatagal ka ba rito?" tanong ko matapos ang matagal na pananahimik naming dalawa.

Tumingala naman s'ya sa akin at pinakatitigan ang aking mga mata na para bang binabasa n'ya kung ano ang iniisip ko. Pinanatili ko iyong blangko, ngunit alam ko, sa pagtaas ng sulok ng kanyang labi, batid nya ang nasa isip ko.

"Hoy!" tawag ko ulit, pero this time, kinalabit ko ang tungki ng kanyang matangos na ilong. Ngumiti naman ito at sa isang mabilis na galaw ay nahuli nito ang kamay ko at hinawakan nang mahigpit.

"Gusto mo bang magtagal ako rito?" nakangiti n'yang tanong.

"P'wede ba?" balik kong tanong.

Hindi s'ya sumagot. Tumayo 'sya mula sa pagkakaluhod sa aking harapan at inakay ako papunta sa salaming bintan ng aking silid.

Parehas kaming tumingin sa kalangitan na ngayon ay nag- sasabog ng mamula-mula at kahel na kulay sa buong paligid. Nasa likuran ko s'ya at nakayakap nang mahigpit ang kanyang mga braso sa baywang ko habang hinahaplos ko naman ang kanyang kamay. Gusto kong ganito na lamang kami ni Hades—Normal. Hindi iniisip ang agwat ng mundong ginagalawan naming dalawa.

"Kanina lang ay madilim ang kalangitan, pero ngayon tingnan mo ohh." Saad ko sa kanya.

Mahina s'yang tumawa bago nagsalita.

"Pinag-lalaruan ni Zeus ang mga ulap. Dapat alam mo na iyon Gaea." sambit n'ya sa napakalalim na tinig.

Napasimangot na lamang ako at inignora ang kanyang sinabi.

"Do you think... Zeus watching us now?" tanong ko muli sa kanya.

Naramdaman ko ang pagpatong ng kanyang baba sa aking balikat, na nagbigay ng libo- libong kuryente sa buo kong katawan. Ang mumunting dampi ng hangin galing sa kanya ay unti unting nagpakalma sa akin.

Si Zeus ang nakatatanda n'yang kapatid. Ito rin ang tinatawag nilang Supreme Ruler dahil pinamumunuan n'ya ang kalangitan. Siya rin ang tinatawag na Rain-god at Cloud-gatherer na may hawak ng makapangyarihang Thunderbolt.

Sabi ni Hades sa akin, hindi kayang talunin ng sino man ang kanyang kapatid. Ngunit may isa itong kahinaan.

Pag-Ibig

"He's always watching us Gaea." Sagot n'ya bago hinigpitan ang pagkakayakap sakin. "At maari kong sabihin sayo ngayon na malaki ang pangisi n'ya dahil nakayakap ako sayo". natatawa pa nitong dugtong.

"At bakit naman? " natatawa na'rin ako. Ewan ko ba, sa tuwing ramdam ko ang saya n'ya, nagiging masaya na'rin ako.

"He think's, it's kind of clingy." sagot nya at parehas kaming natawa.

"Baka nagseselos lang." sambit ko.

Maya-maya pa ay natahimik kaming parehas at pinagmasdan namin ang unti-unting pagyakap ng dilim sa buong paligid. Ramdam ko na ang malamig na hangin sa aking balat ngunit hindi naman ako giniginaw dahil sa yakap ni Hades.

"Namiss mo ba ako?" tanong n'ya gamit ang tinig na malalim.

"Hindi kita namiss" Sagot ko naman matapos kong kagatin ang aking pang ibabang labi upang pigilan ang pagngiti.

Rinig ko ang mahina n'yang tawa sa gilid ng aking tenga na nagbigay nang nakaliliyong pakiramdam.

"Liar." Sabi nito.

Napasimangot ako bago nagsalita "Bakit mo pa kasi itatanong kung hindi mo naman pala paniniwalaan 'yong sagot ko." sagot ko sa kanya.

"Palagi kang nagsisinungaling sa akin kung anong nararamdaman mo." muling sambit n'ya na tila hinuhuli kung nagsasabi nga ba ako ng totoo.

"Kapag ba sinabi ko sayo ang totoo, mananatili ka rito?" matapang kong tanong.

Narinig ko ang pagsinghap n'ya at kasunod noon ang pag alis ng kanyang mga braso sa aking bewang.

Naglakad s'ya palayo at umupo sa kama. Ang dalawang kamay n'ya ay nakatukod sa magkabilang gilid habang nakatingin sa'kin sa napakalalim na paraan.

"Bakit gusto mong manatili ako sa tabi mo? " tanong n'ya. Unti- unti akong humarap sa kanya at sa 'di ko malamang dahilan ay nawalan ako ng sasabihin. Para na namang nawalan ako ng tinig para sabihin na Mahal kita.

"Ka--Kasi... Ka--kasi--" Napabuntong hininga nalang ako at yumuko.

"Magpalit ka na ng damit at kumain na tayo." Napaangat ako bigla ng ulo nang maramdaman kong nasa harapan ko na pala s'ya. Nagkatitigan kami habang ang daliri n'ya ay naglalandas sa aking pisngi pababa sa akin panga hanggang umabot sa aking leeg patungo sa akin braso. Unti-unting bumaba ang kanyang mukha sa pisngi ko at mula doon ay ramdam ko ang pagtataasan ng maliliit kong balahibo.

"I'll stay with you forever. I promise." bulong nya na ikinangiti ko. "Just don't say it." dugtong n'ya.

Hindi ko naintindihan ang huling sinabi n'ya, pero nakaramdam ako ng kapanatagan.

Iniangat ko ang aking mga braso sa kanyang leeg at ako na ang humapit sa kanyang katawan upang magyakap kami. "Namiss kita... Sobra." Bulong ko na ikinatawa n'ya.

Nagtagal ang yakap na iyon ng isang minuto. Ako na'rin mismo ang bumitaw at bahagya pa s'yang itinulak.

"So... saan ka galing? " tanong ko. Naupo s'ya sa kama habang nagtungo naman ako sa closet at kumuha ng damit pantulog.

"Wala akong pinuntahan" sagot n'ya.

Lumingon ako at tinaasan ko s'ya ng kilay.

"Really? So saan ka galing ng halos dalawang linggo?" tanong kong muli bago hilahin ang isang pajama na may katernong puting sando.

"Nagkita kami nila Zeus at Poseidon." Sagot naman n'ya. Tinitigan ko naman s'ya at naghintay pa ng susunod n'yang sasabihin. Napangiti s'ya at napahagod ng sariling batok nang inihalukipkip ko ang dalawa kong braso sa aking dibdib.

"Ok. Fine. Nagkita kami, kasi alam mo na, it's the time of the year where the--"

"Fine! " hindi ko na s'ya pinatapos nang sasabihin at nagdadabog akong pumasok sa sarili kong Cr. Pabagsak kong isinarado ang pintuan habang rinig na rinig ko ang malakas na halakhak ni Hades.

Shit! Nakakainis! Bakit ko nga pala nakalimutan na lumipas na naman ang isang taon kung saan ang katulad n'ya ay baba sa lupa at makikihalubilo sa mga tao. Makikihalo sila na parang katulad ng mga ito, makikipagkilala at kung hindi ako maaring magkamali ay p'wede rin silang mamili ng kanilang mamahalin. Tinatawag nila itong "Downgrade"-- Pagbaba.

Ikinuwento sa akin 'yon ni Hades. Taon-taon ay bumababa silang magkakapatid upang subukin ang mga tao. Minsa'y nagpapanggap silang bata, matanda, taong grasa, aso, pusa, o kung anumang maisipan nila. Kung sino man ang may mabuting kalooban na tutulungan ang katulad nila ay nagagantimpalaan` at sa totoo lamang ay hindi ko maintindihan ang bagay na iyon, kung bakit kailangan pa nilang magpanggap.

Madalas nga lang, sa kanilang pagbaba, hindi maiwasan ang humanga at umibig ang isa sa kanila sa mga mortal. Bentang- benta nga raw Zeus sa mga ganoong bagay. N'ong tinanong ko naman s'ya kung umibig na'rin s'ya sa isang mortal, tumataginting na....

OO ang isinagot n'ya.

Napasandal ako sa likod ng saradong pinto. Paano nalang kung ito na pala ang huling gabing makakasama ko s'ya? paano nalang kung sa pagbaba ng dalawang kapatid nito at paglalakbay nila ay may makita s'yang kagaya kong malungkot at kailangan ng karamay, paano nalang ako? Hindi ko pa nga nasasabing mahal ko s'ya tapos ito, parang iiwan n'ya ako na para bang hindi kami nagkasama sa loob ng isang taon.

Hayyy Gaea, ang tanga tanga mo kasi, sa dami dami ng pwedeng mahalin, sa isang imortal kapa nahulog! ayan tuloy nang bumagsak ka, PILAY!

"Gaea" napapitlag pa ako nang marinig ko ang pantawag n'ya ng pangalan ko sa kabilang pinto.

"Gaea" tawag n'yang muli ngunit hindi pa'rin ako sumagot.

"Gaea." tawag n'ya, ngunit may kakaiba sa pagsambit na iyon, iba ee. Parang malamyos at nanghahalina.

" 'Wag mo nga akong gamitan ng powers mo Hades! " Sigaw ko sa kanya, ngunit tanging tawa ang isinagot nito.

Nagdadabog pa rin akong tumayo. Para akong tangang nagseselos kahit wala naman akong karapatan. Alam ko naman na simula palang ay L.U na ang ugnayan namin. Kumbaga ba Landing Usapan lang. Napakaimposible naman kasing seryosohin ka ng isang imortal hindi ba?

For them. Humans are just humans. We are born to change someone's life and then, we are off to die. We die and born again to fullfill our task and again we drove off in our grave.

Parang kanta lang ni Sarah G. Ikot-ikot lang.

Nagsimula na akong maglinis ng katawan ng wala akong naririnig na kahit na ano kay Hades. Iniisip ko pa nga, umalis na siguro iyon. Hayts.

Sa CR nalang din ako nagbihis, dahil nandoon naman na aking damit. Nakapalunpon ang twalya sa ulo ko nang pihitin ko ang pinto at bumulaga sa akin ang nakangising mukha ni Hades. Inirapan ko naman s'ya at lalagpasan na sana nang hatakin n'ya ang braso ko at isinandal ang katawan ko sa pader. Ginamit n'ya ang katawan n'ya pangharang at kaagad bumaba ang mukha n'ya malapit sa tenga ko. Nanlaki ang mata ko nang maramdaman ko ang marahang pagdampi ng kanyang mainit na labi sa aking leeg at ang mainit n'yang hininga ng sabihin nya ang katagang nagparigudon at nagbigay ng pag-asa na p'wede s'yang manatili sa aking tabi na baka-- maaring dumito na lamang sya.

"Ikaw parin ang pipiliin ko Gaea.  Paulit-ulit.  At kahit anong mangyari sayo parin ako babagsak. Sayo pa rin ako uuwi."