Chapter 19

Jazmine

Simula noong gabi na iyon, na niyakap ako ni Chris, hanggang ngayon na pabalik na kaming muli sa Coron Town ay hindi ko na ito masyadong kinikibo o kinakausap. Hindi ko na rin siya magawa pang tignan sa kanyang mga mata, gaya ng dati.

Palagi akong nakayuko kung kakausapin man ako nito o kung hindi naman ay sa ibang direksyon ko ibinabaling ang aking mga mata.

Hindi dahil sa nasaktan ako sa ginawa niya or nag-assume ako noong gabi na iyon. Kung hindi dahil...iniiwasan ko ang isang bagay na pwede naming ikapahamak pareho.

Isang bagay na pwede kaming makasakit ng ibang tao, at higit sa lahat ay ang bagay na ikasisira naming dalawa.

Pinipigilan ko ang namumuo kong pagtingin kay Chris.

Oo, tama nga kayo. Unti-unti na akong nagkakagusto sa saksakan na sungit na lalaking ito. Hindi ko rin alam kung bakit at paano nangyari. Siguro dahil sa siya ang palaging k