Kabanata 5

Walang ibang magawa si Alea kundi ang pagmasdan lamang niya ang mga ito.

"Malapit na Milagros! Sige iri pa!" rinig niyang sabi ng matandang nagpapaanak sa kaniyang ina.

"Uhaa! Uhaa!" Iyak ng bata pagkalabas nito sa sinapupunan.

Napangiti si Alea habang pinagmamasdan ang sanggol.

"Narinig mo ba iyon tiya lourdes? May narinig kasi akong iyak ng bata sa labas. Teka lang at titingnan ko muna," rinig niyang sabi ng kaniyang ama.

Lalabas na sana ang kaniyang ama nang pinigilan ito ng matanda. 

Gusto niyang malaman kung ano ang meron sa labas kaya siya na ang lumabas.

Pagkalabas niya ay nakita niya ang isang malaking punong-kahoy na nasa gilid ng bahay. Nagtataka siya dahil dito nagmumula ang naririnig niyang iyak ng bata. Napakaliwanag nito dahil napapalibutan ito ng mga alitaptap. Pamilyar sa kaniya ang lugar. Naaalala niya ang kaniyang panaginip. 

"Ito yung lugar sa aking panaginip. Ito yung lugar kung saan palagi kong na