Chapter 89

KASALUKUYANG nasa mission si Leopold kasama sina Flint, Mira at dalawa pang non-elite members na sina Mark at Greg.

Si Mark ang nagmamaneho ng kanilang sasakyan habang nakaupo naman sa backseat sina Leopold, Greg at Mira. Habang si Flint naman ang nasa passenger’s seat.

Ang misyon nila ngayon ay nanggaling mula sa isang businessman. Kinakailangan nilang pasukin ang opisina ng head ng kakumpetensya nitong kumpanya at hanapin ang isang dokumento na nagtataglay ng mga ebidensya na kinokopya ng mga ito ang produkto ng kanilang kliyente.

Para sa misyong ito ay kinakailangang magpanggap ni Mira na bagong distributor ng number one product ng  kumpanya. Habang kasabay naman niyang papasok sa loob sina Leopold bilang isang janitor at si Flint bilang normal na empleyado nito.

Nang matagumpay na makapasok sa kumpanya gamit ang mga pekeng pagkakakilanlan na ginawa ni Faustus para sa kanila ay nag kaniya-kaniya na sila.

“We’re in,”