Chapter 9

Via

Maaga akong nagising pagsapit ng lunes. Nagluluto palang si mama ay naghahain na ako ng pagkain ko. Taka man akong pinagmamasdan ni mama ay hindi ko inabalang pansinin iyon.

Pagkatapos kong kumain at magtoothbrush ay nagpaalam na agad ako. Para akong nakainom ng sampong enervon dahil sa nararamdaman ko. Excited na ewan. 

Patakbo akong pumunta sa bus stop at nag-abang ng bus. Hindi ko na hinintay si Gail at pinaalam nalang sa mama niya na nauna na ako.

Huminto ang bus at nag-unahan ang mga taong sumakay. Siksikan ulit. Sumingit ako papunta sa likod at umupo. Dating gawi ay kinuha ko ang head set at sinaksak sa phone ko. Nilagay ko ito sa tenga at pinakinggan ang mga paborito kong music.

Kung iba siguro ang makakarinig sa pinapakinggan ko ay magtataka sila. Hindi nakabase sa edad ko ang mga music na pinapakinggan ko. Halos lahat ng nasa playlist ko ay mga kantang hindi pa ako pinapanganak.

Like westlife, backstreet boys, A1 at iba pa.