Chapter 1

Chapter 1: Creepy

Alex’s POV

Napakabilis talaga ng araw, akalain mo nga naman pangalawang buwan na ito ng school year. Hindi namin namamalayan baka mamaya ay March na at recognition na.

Pagka-ring agad ng bell ay tinawag na ako agad nina Isla at Celestine palabas dahil andun na daw sa usual na tambayan ang barkada. Sa golden circle. Bukod kasi sa ma-puno at malamig ang simoy ng hangin doon sa parte ng eskwelahan na iyon, medyo pribado rin doon at marami ang nakakalat na bench para maupuan. Minsan lang ang may tumambay kaya naman doon na kami madalas. 

Pagpunta nga namin doon, naroon na si Yva na nakaupo habang kumakain ng chichirya. Sa tabi niya ay si Rench na abalang-abala sa cellphone, habang nasa may puno naman si Bryle at natutulog. Kawawa naman ang isang ‘to, pinagkasya ang sarili niya sa sangay ng puno.

Siya ang pinakamatangkad sa mga lalaki na sinundan ni Basty. Habang sina Rench, Tristan, Kuya ay magkakasing-tangkad.

“Kiara!” Bati ko kay Kiara na mag-isang nakaupo sa bench kaya tinabihan ko na. Sumunod naman sa akin si Isla at tumabi rin.

Tinanguan ko na si Yva para maisagawa na ang plano- tanungin si Rench kung nasaan ang tatlo naming kasama at bakit wala pa sila rito. Tingnan natin kung magsisinungaling na naman ang isang ‘to.

“Bakit wala pa sila Andre?” Tanong ni Yva na kumakain ng chichirya. Halos siya ang makaubos ng pagkain sa bag sa takaw niya eh, pero kahit ganoon ay hindi ito mabilis tumaba. Samantalang ako, kaunting kain lang ay ramdam ko ang pagtaba ko. Hays.

Paniguradong nag-cutting na naman sila Kuya kasama sina Basty at Tristan. Ano naman kaya ang idadahilan ni Rench ngayon?

“Uhmm. Sabi nila may bibilhin lang sila,” sagot naman ni Rench at mukhang nagtaka ang iba pa naming kasama. Alam na agad nila.

Kasunod noon ay ang pagtitinginan naming mga babae habang si Rench ay abala sa kanyang cellphone habang nakakunot ang medyo malapad niyang noo. Huli ka.

Hindi kasi siya tumitingin sa amin kapag nagsisinungaling siya. A habit of him that he knows pero hindi niya alam na ginagawa niya.

“Huli ka, Rench!” Sigaw naming lahat maliban kay Bryle na tulog pa rin sa puno.

Nagulat si Rench sa sigaw namin at nag-kamot ng ulo, hudyat na tama nga ang hinala namin dahil pinagtatakpan niya ang tatlong bugok. Humanda sila sa amin, huh!

“Lagot ka kila Tristan!” Tawa ni Isla sa tabi ko habang kumukuha na rin ng chichirya, sa bag na madalas naming dalhin kapag ganitong break time. Hindi na kasi kami bumibili ng mga pagkain sa canteen. May isang naka-assign sa bawat araw na magdadala ng mga pagkain at inumin, swerte mo nalang kung walang pasok.

Kaya pala abala si Rench sa kanyang telepono ay may bago na naman pala siyang nililigawan, kaya abot ang kantsaw sa kanya ng mga girls. Kaya rin pala tulog si Bryle ay may hang over pa. 

Pinapanood ko silang maghalakhakan. Kaya rin siguro marami ang gustong sumali sa grupo namin ay dahil ganito. Tipong masaya lang kami lagi. Pero ‘yong iba pakiramdam ko gusto lang kaming maging kaibigan dahil sa mga lalaking kasama namin.

Yes, habulin kasi silang lima ng mga babae at binabae. Lalong lalo na si Basty. Ewan ko nga kung anong nagustuhan nila roon eh, napakasungit no’n. Well, hindi ko rin naman kasi maipagkakaila na gwapo nga silang lima.

Si Basty at Tristan ay parehong may strong features. Agad mong mapapansin sa kanila ang perpektong pagka-hulma ng mga panga nila. Pareho rin silang may medyo mahabang buhok. Bukod pa roon ay pareho silang mala-bad boy ang awra. Iyong tipong babalingan ka lang nila ng tingin ay parang pinapatay ka na nila, dala na rin siguro ng makakapal na kilay nila. Pero ang pinagkaiba nila ay ang ugali nila. Si Tristan kasi ay masayahin kaya hindi ka matatakot sa kanya ngunit kay Basty ay madalas seryoso ang mukha. Madalas masabihan na may cold and piercing eyes si Basty kaya natatakot ang iba sa kanya. Ngunit may ilang babae na halos kiligin pa rin kapag binalingan lamang ng tingin ni Basty, ewan ko ba!

Pagdating naman kay Rench at Bryle ay kabaliktaran nina Basty at Tristan. Sila naman ‘yong good-boy looking. Pero sa mukha lang, hindi sa ugali. Good boy ba ang mga ‘yan? Tsk.

Si Rench at Bryle ay may soft features. Baby face rin ang madalas na marinig kong pag-describe sa kanila. Madalas pa nga silang mapagkamalan na mga High School dahil sa mga itsura nila ngunit sa totoo ay Senior High School na. 

Ngunit kahit na karamihan ang may sabi na gwapo sina Rench at Bryle, may itinatago rin silang insecurities. Si Rench ay nahihiya sa kanyang malapad na noo kaya naman palaging natatakpan iyon ng kanyang buhok. 

Samantalang si Bryle ay ayaw sa kanyang mga ngipin, marami kasi siyang sungki sa itaas na parte ng ngipin niya. Kaya naman para mawala ang insecutiy niyang iyon, nagpakabit na siya ng brace. Pareho sila ni Kuya na may bakod ang mga ngipin. Madalas din na mapansin kay Bryle ay ang tangkad niya.

Si Kuya Andre naman- kapatid ko ay halos kamukha ko lang daw. Sabi nga ng karamihan Girl Version daw ako ni Kuya. Mula sa mga makakapal niyang kilay, mahahabang pilikmata, at manipis na labi. Ngunit ang pinagkaiba lamang namin ay mas matangos ang ilong niya na nakuha niya kay Mama, samantalang ako ay hindi katangusan ang ilong at hindi rin naman pango na nakuha ko sa Tatay ko. Bukod pa roon ay magkaiba rin ang kulay namin, ako kasi ay kayumanggi ang kulay ko samantalang si Kuya ay medyo maputi.

Karamihan naman sa barkada namin ay mapuputi. Tanging ako, si Basty, Celestine, at Rench lang ang kayumanggi ang balat. 

Pero napag-isip ko, kung gwapo si Kuya, ibig bang sabihin noon ay maganda na rin ako? Hmm.

Hindi lang din naman mga lalaki ang habulin sa amin. Pati rin kasi ang mga babae. Well, ang may pinakamaraming ex na sa amin ay si Isla. Hindi mo naman kasi maipagkakaila na hindi maganda si Isla kahit na masungit. Mula sa natural na mahabang kulot niyang buhok na bumagay sa bilugan niyang mukha, makikita mo roon ang magagandang mga mata na samahan pa ng natural na makapal na kilay niya, saka ng mala-Liza Soberano na ilong, labi, at kutis niya.

Madalas nga siyang sabihan na Liza Soberano ng Plumberg Academy pero itinatanggi niya iyon dahil masyado raw maganda si Liza para ikumpara sa gusgusin na tulad niya.

Kagaya ni Isla ay maputi rin si Kiara. Siya ‘yong tipong may masungit na mukha sa amin. Kapag tiningnan mo kasi ang kilay niya ay para na itong galit sa’yo, natural na iyong naka-shape kaya minsan maraming na-iingit sa kanya dahil maganda raw ang shape ng kilay niya. Samahan mo pa ng malalim niyang mga mata at hindi katangusan na ilong saka ng mala-rosas din sa pula ang kanyang full lips.

Si Yva naman ay may short hair. Ang mapapansin mo kaagad kay Yva, ang maraming nunal niya sa mukha. Pagdating naman sa kulay ay katamtaman lang ang kay Yva, hindi maputi at hindi rin maitim. Marami rin ang  nahuhumaling sa ganda niya. Mula sa round-shaped eyes, maliit na ilong, at heart-shaped lips na nakapaloob sa kanyang bilugang mukha.

Ganoon din naman ang mga kalalakihan kay Celestine. Pakiramdam ko nga kahit mga kababaihan na iba eh. Gaya ni Isla ay kulot din ang buhok niya at natural hair color niya ay brown, umaabot ang buhok niya sa kanyang balikat. Nakapaloob naman sa oval-shaped na mukha ni Tine ang malalaki at mapanuri niyang mata na sabi ng karamihan ay attractive daw, sundan mo pa ng straight-shaped na kilay, matangos na ilong, at bow-shaped lips.

Nagring na muli ang bell hudyat na magti-time na. Agad silang nagsitayuan para makapasok na ulit. Katabi ko si Bryle sa gilid ko ngayon na pumupungay pa ang mga mata at magulo ang medyo mahaba niyang buhok.

Sa pagtabi niya sa akin ay halos manliit ako sa kaniya. Nilingon ko siya, nakatunganga lamang ang bilugan niyang mata sa dinaraan namin. Natawa ako ng palihim sa pagka-sabog niya.

Nakakaantok talaga ang subject na to, napahikab ako at tuluyan ng bumabagsak ang mga mata ko. Ang guro kasi namin sa Filipino ay walang pakialam sa amin. Gagawin namin ang lahat ng gusto namin basta sa huli ay hindi kami lalapit sa kanya para ayusin ang mga grades namin. Kaya naman nahati ang bilang ng mga nakikinig sa kanya at mga hindi nakikinig na tulad ko.

Madalas ang mga nakikinig lang din naman sa kanya ay iyong may mga iniingatan na grado. Minsan lang naman ako matulog dito kaya hindi ko na napigilan. Tsaka nakikinig din naman si Isala, siya na lang ang pag-explainin ko kapag.

Nagising na lang ako nang maramdaman ko ang pagtapik sa balikat ko. Nang pagmulat ko ay nakita ko si Isla, inaayos ang medyo mahaba at kulot niyang buhok. Pagkatapos ay naglagay pa siya ng liptint sa kanyang labi.

Pagtingin ko sa classroom ay wala ng tao. Kelangan na naming lumipat sa panibagong room, tiyak nagsimula na ang math class ko. Kaya inaya ko na si Isla at tumango naman siya.

Naghiwalay din agad kami ng way ni Isla dahil iihi raw muna siya. Nauna na ako para hindi kami mawalan ng upuan. Nagpatuloy ako sa paglalakad sa malawak na hallway nang makita ko si Tristan na tumatakbo at tumatagaktak ang pawis sa maliit niyang noo, habang ang polo ng uniform niya ay nakabukas na dahil malamang sa init na nararamdaman.

Hinarangan ko siya kaya naman napatigil siya at gulat nang makita ako. Ang makapal na kilay niya ay agad na nagtatanong sa ginagawa ko.

“Woops. Saan ka galing?” Tanong ko sa kanya habang nakaharang ang dalawa kong mga kamay.

“Uhm. nag-ano ako.” Saad niya habang hinahawakan ang matangos niyang ilong. Madalas kasi siyang pawisan doon.

“Nag?” Tanong ko sa kanya habang nilalagay ang nakatakas kong buhok sa tenga. Chineck ko rin muna ang oras sa cellphone ko at nakitang alas 3 pa lang ng hapon. Ang start ng klase ko ay 3:15 at kaklase ko pa roon si Tristan.

“Nagpunta sa Library,” sabi niya nang hindi nakatingin sa akin at gamit ang mapula niyang labi ay nginingitian nito ang mga taong dumadaan sa gilid namin. Napa-taas ang kilay ko nang tumingin siya sa akin ngunit agad naman siyang umiwas doon at bumati sa kakilala.

“Library? Anong ginawa mo roon?” Tanong ko sa kanya.

“Uy ‘dre!” Nakipag-apir siya sa lalaking dumaan. Hindi ko na iyon pinansin dahil nasa kanya lang ang tingin ko.

Nang mapatingin muli sa akin ang mata niyang mapungay ay napataas muli ang kilay ko.

“Fine.” Napabuntong hininga siya at hinawakan muli ang ilong at maliit niyang noo para mawaglit doon ang namuong pawis.

“Nagdota kami nila Basty at Kuya mo. Secret lang ha, huwag mo na ipaalam sa barkada.” Ngiti niya, labas ang perpekto niyang ngipin.

Ngumiti rin ako sa kanya bago tumugon. Talaga nga namang kasama niyo pa si Kuya!

“Hindi naman kailangan ipaalam, eh,” sabi ko sa kanya at naglakad na patungo sana sa classroom nang maramdaman ko sa likod kong sumusunod siya.

Naunahan niya ako sa paglalakad at humarap siya sa akin.

“Alex! The best ka talaga!” Yugyog niya sa balikat ko saka niya ako niyakap.

“Dahil kanina pa nila alam. Humanda kayo!” Wika ko at ngumisi animo’y kita ni Tristan ang reaksyon ko.

Napahinto siya sa pagtawa. Agad siyang kumalas sa pagkayakap sa akin at nang makita ko ang mukha niya ay nabawi na ang ngiti niya.

“See you later,” tangi kong nasabi at tinapik siya sa balikat niya.

3:08 na nang makita ko ang oras sa aking telepono kaya naman binilisan ko ang paglalakad.

“Alex!” Tawag sa akin ni Isla na prenteng nakaupo na sa likuran, agad naman akong nagtungo roon.

“Saan ka galing?” Tanong niya.

“Nakasalubong ko si Tristan. Tama nga ang hinala natin,” kumpirma ko sa kanya saka kami sabay na nag-apir.

Kalaunan ay pumasok na rin ang guro namin sa Matematika at agarang nag-check ng attendance.

“Verchan, Allevry Excylve?” Itinaas ko ang kamay ko at nagsabing present.

Ito ang pinaka-paborito kong asignatura sa lahat kaya naman ang buong atensyon ko ay nasa harap. Agad akong naglabas ng notebook at sinunod ang mga sinusulat ni Miss sa chalkboard.

Rational Functions, basa ko sa topic namin ngayong araw.

Ewan ko kung bakit nagustuhan ko ang Math gayong marami ang may ayaw rito. While on the other hand, I don’t like Science. Napakarami kasing imemorize na bagay bagay at mga acronyms. But I am trying my best to like that subject. And I hope that someday I could find myself enjoying Science just like how I enjoy Math.

Kalaunan ay natapos din ang klase.

“Hay sa wakas, tapos na rin ang klase!” Sabi ni Isla at nag-unat pa.

“Mabuti na lang hindi siya nagpa-seatwork.” Bulong niya sa akin. 

Tinawanan ko naman siya. Kabaliktaran ko, ayaw niya sa Math at gusto ang Agham.

When I am about to put my notebook in my bag, I somehow feel like there’s someone watching me, this damn instincts of mine. Nang tumingin ako sa labas ng silid ay nakita ko ang dalawang pares ng mata na nakatingin sa akin.

Sa akin ba siya nakatingin?

Isa itong babae na may habang unat na buhok hanggang balikat at angat ang kaputian niya sa lahat ng tao sa labas, katabi niya rin si Mira na mas matangkad ng kaunti sa kanya.

Nilingon ko ang likuran ko ngunit wala namang tao roon. Ako ba ang tinitingnan niya?

I saw her eye to eye and curiosity began to fill my mind. I tried to go outside of the room to talk to her. Baka kasi may ate siya na hinahanap niya rito. But then, she started to run away from me when I started to step. She’s even looking back when she’s going down the stairs. Weird.

Sino ‘yun?

“Alex! Andito pa ako!” Sigaw ni Isla sa loob ng classroom. 

Agad akong napalingon sa kanya na hawak na ang bag ko. Nang lingunin ko ang pwesto nila Mira ay paalis na sila. Gusto ko sana siyang tawagin at tanungin kung kilala ba niya ang katabi niyang babae kanina, kaso ay hindi ko naman siya ganoon close kaya nahihiya ako. Sa huli ay hindi ko na ito tinawag.

“Ah, may tiningnan lang ako,” sabi ko kay Isla at kinuha na ang bag. 

Sinimulan na naming lakbayin ang daan patungong Parking Lot.

“Isla,” agad siyang napalingon nang banggitin ko ang pangalan niya. “May kilala ka bang babae na maputi at may hanggang balikat ang buhok?” Tanong ko sa kanya.

“Alex, maraming maputi sa school na ito tulad ko. Marami rin ang may ganoong buhok. And I also have met a lot. Why?” Sagot niya sa akin nang nakakunot ang noo.

“Hmm. Kanina kasi, I saw a girl looking at me. I do not know if it was really me but I had an eye contact with her.”

“Can you describe her more?” Huminto siya sa paglalakad at humarap sa akin.

“You know Mira, right?” Tanong ko sa kanya. 

Agaran naman siyang tumango.

“She is a bit smaller than Mira. Siguro ilang inch lang ang lamang ni Mira sa tangkad. Tapos mas maputi lang ng kaunti sa’yo,” nang maala ko na katabi niya si Mira kanina sa labas at mapansin din ang maputing kulay ni Isla.

“Hmm. Weird, why would she look at you?” Sabi niya sa akin pagkatapos ang ilang segundo niyang pag-iisip at tumawa.

“Right. And you know that I could not sleep at peace when I am curious of something. Gusto ko malaman kung sino iyon at makausap.”

“Yeah. You have a lot of time tomorrow, Alex. Baka wala na rin yun sa loob ng eskwelahan dahil kapag ganitong oras ay wala ng estudyante sa loob. Pero kung gusto mong balikan, sasamahan kita.”

For a moment, my mind would like to accept her offer pero nagtext na si Kuya na kanina pa sila naghihintay sa loob ng sasakyan.

“Hindi na. Bukas na lang,” sabi ko sa kanya at saka tinungo na namin ang van ni Kuya.

Mariin kong ipinikit ang mga mata ko. Hindi na naman ako makakatulog ng mahimbing ngayong gabi.