Kabanata 41

“G-Gwyn?!” nagulat pa si Gabrielle nang biglang kunin ang blindfold niya sa mata at nang makakita na siya ay agad niyang nakita sina Stella at Gwyn na nakatunghay sa kanya. Mabilis na ring kinalagan siya ni Stella mula sa pagkakatali ng mga ito na hindi niya maintindihan kung bakit siya nito pinapakawalan.

Bago kanina humupa ang usok ng pagsabog ay may biglang humila sa kanya mula sa likuran kung kaya’t napasunod siya agad. Hindi na siya nakasigaw pa at nakahingi ng tulong dahil mabilis nang natakpan ng kung sino ang bibig niya habang hinihila siya papunta sa back stage ng naturang bulwagan. May daanan kasi roon upang makalabas sa bulwagang iyon ngunit sa likurang bahagi lang.

At noong alisin nga ng mga ito ang takip niya sa mga mata ay saka na lamang niya nalaman na nasa mga kamay pala siya ngayon nila Stella at ni Gwyn.

“Ano na naman ang kailangan ninyong dalawa sa akin?”tanong niya sa dalawa. Hindi na niya kasi maabot kung ano na namang gumagana sa isipan ng dalawa.<