"S-SINO ka?” ang tinig na iyon ang nagpalingon sa kanyang paghahalungkat. Halatang bagong gising ang babae dahil pupungas-pungas pa ito habang tumatayo mula sa pagkakahiga sa sofa’ng naroroon. Ibig sabihin kanina pa ito na nasa loob ng study room ni Major Rosales.“I-Ikaw? S-sino ka?” pati siya ay nagkandautal na rin sa pagsasalita dahil kahit na kaunting liwanag lang mula sa buwan ang tumatanglaw sa kanila na nagmumula sa bintana ng naturang silid ay mapapansin pa rin ang kagandahan ng babae. Hindi na nga niya namalayan na nabitawan na niya ang dala niyang flashlight.“Anak ako ni Major Rosales. Saka ano bang nangyayari? May dapat ba akong malaman?” nakapamaewang nitong tanong sa kanya.“Police ako,” mahina niyang tugon sabay pakita ng i.d. niya.“So? If you’re one of the police officers here in town, do you have the right to go here in the middle of the night?” parang tinamaan siya sa sinabi ng babae.“Alam ko na hindi ko dapat gawain iyon ngunit ikaw ang talagang sadya ko,” halata
“GAB, anong ibig mong sabihin?” halos malaglag ang panga ni Ashtear nang itanong iyon sa kanya habang hawak hawak pa rin nito ang larawan nito noong bata pa ito. Nakuha niya iyon sa sling bag ni Zierelle. Marahil iyon ang mga ebidensya na nakuha nito laban sa mga Crying Ladies ngunit hindi pa agad nito naihatid sa police station.“Ash, kung ano ang nakikita mo ngayon ay iyan ang katotohanan. Maaari mo bang sabihin sa akin ang lahat ng nalalaman mo?” buo na ang loob niya na alamin ang lahat ng tungkol sa nakaraan ni Zierelle kung iyon lang ang makakatulong para muling bumalik sa kanya ang kapatid niya.Tumingin muna ito kay Julian na nasa di kalayuan. Bantay-sarado ito ni Julian dahil alam nilang lahat na kahit saan ay naghihintay sa kanila si kamatayan kung hindi sila magiging maingat.Sa palagay nga niya ay dapat din siyang mag-ingat ngunit hindi na niya iyon naisip pa at iniwan niya nalang nang dali-dali ang natutulog na si Zierelle.“Okay, Gab. Ano ba ang mga gusto mong malaman?”“
GULONG-GULO na si Gabrielle habang tinitingnan ang kanyang pader. Ang pader kung saan maraming sticky note na ang nakadikit. Mga sticky note kung saan doon nakasulat ang mga nakalap niyang impormasyon upang malaman ang mga dahilan kung bakit nasangkot si Zierelle at ang nanay nito sa pagkawala ng kapatid niya.Nakalagay na rin doon ang larawan ni Zierelle noong bata pa ito, pati ang larawan ng nanay nito at ang larawan ni Gwyn. Ang larawan ng Col Rolando Narciso na sinasabi ng ina ni Zierelle na tunay na ama ng kapatid nitong si Zephyrine. Napailing siya. Mayroon na siyang mga nalalaman at ang iba pang hindi na niya dapat malaman pa ay nalaman na niya. Mabuti na lamang at masyado siyang advance mag-isip at ganap niyang nairekord lahat ang sinabi ng ina ni Zierelle dahil alam niyang maaari na naman itong manumbalik sa dati nitong estado.Napasabunot siya sa kanyang sarili nang mag-flashback sa kanya ang mga sinabi sa kanya ni Zierelle tungkol sa nakaraan nito. Ngayon lang niya napagt
Kabanata 49PABILING-BILING si Zierelle sa kanyang higaan dahil hindi siya makatulog nang gabing iyon. Agad siyang bumangon at napatingin sa buwan na tila nagmamalaki nang gabing iyon. May kung anong humahatak sa kanyang mga paa na dapat siyang umalis lalo na at kanina pa niya iniisip kung bakit tila malamig ang pakikitungo sa kanya ngayon ni Gabrielle. Wala rin naman siyang maisip na dahilan para maging ganon si Gabrielle sa kanya.Napaigtad siya nang marinig ang tunog ng kanyang cellphone. Agad niya iyong tiningnan at mabilis niyang nabasa ang nakasulat na mensahe roon at ganito ang isinasaad:Chief, magpunta ka na ngayon sa dalampasigan habang saksi pa ang buwan sa pag-iibigan ninyo ng minamahal mong naguguluhan. Bakit hindi mo ngayon saksihan kung tunay nga bang ikaw ay kanyang minamahal?Gwyn.Halos ibato niya ang kanyang cellphone dahil sa nabasa. Mas lalong nagtagis ang kanyang bagang nang mabasa ang pangalan ni Gwyn. Nag-aalala siya kay Gabrielle dahil baka kung anong ginawa n
“KUYA, bakit hindi mo sinabi sa akin na si Col.Rolando Narciso pala ang aking ama?” umiiyak na tanong sa kanya ng kapatid na si Zephyrine. Maaga pa ay ito na agad ang kanyang naging bisita sa kanyang opisina at pagkarating lamang nito ay seryoso na kaagad ang pagmumukha nito kung kaya’t agad niya itong pinapasok sa kanyang pribadong opisina. Mismong siya nga ay nagulat sa isiniwalat nito dahil maging siya ay walang kalam-alam sa impormasyon tungkol sa tunay nitong ama kasi kahit na sa kanya ay ayaw sabihin ng nanay niya kung sino ang totoong ama ni Zephyrine. “Zyph, calm down. Maging ako ay hindi ko rin alam na si Colonel pala ang iyong ama. In fact, sayo ko lang nalaman ngayon ang katotohanang iyan,” pag-amin niya sa kapatid. Sad but he can’t find the exact words to say.“Kuya, panandaliang bumalik sa katinuan ang inay at pagkakita na pagkakita niya sa akin noong dumalaw ako iyon kaagad ang sinabi niya sa akin. Narinig lahat iyon ng isang babae at kamukha niya ang babaeng ipinost m
NAGPUNAS ng pawis si Detective Lee matapos ipakita sa kanya ni Zierelle ang lahat ng secret files na nakuha nila sa opisina ni Major Rosales. Naroon sila ngayon sa isang coffee shop at hindi sila nakauniporme upang hindi malaman ang kanilang pagkakakilanlan. Nag-disguise na rin si Zierelle bilang pag-iingat dahil alam niyang delikado na ang mga buhay nila simula ngayon.“I can’t believe this,” iiling-iling na wika ni Detective Lee habang pinapasadahan ng tingin ang mga binabasang dokumento.“Detective, nariyan ang lahat ng mga transactions ng sindikatong Crying Ladies. Mga transactions sa drugs at pagbili ng mga armas. Lahat ng mga transactions ay nakapangalan kay Major Rosales,”“Hanggang ngayon ay hindi pa rin ako makapaniwala na involve si Major Rosales sa sindikatong ito,”“Napagtagni-tagni ko na ang lahat. Mabilis na napromote si Major Rosales sa posisyon niya ngayon. Nakapagtataka diba? Siguro mayroong isang nakatataas na opisyal na pumoprotekta sa kanila pati sa kanilang sindik
“ANO na nga Chief? Puwede bang ikuwento mo na sa amin ang mga nangyari?” tanong ni Julian habang umiinom ng kape.Biglang sumeryoso ang mukha niya. “Ganito kasi iyan. Ipinakita ko kay detective Lee ang mga nakalap kong ebidensya at nag-usap rin kami ng mga sapantaha namin nang maya-maya pa’y may mga kalaban sa labas ng coffee shop na bigla nalang nagpaputok,”“Alam ko na Chief kung bakit ka nila sinusundan. Nasa sayo ang ebidensya na magdidiin sa sindikato nila,” kongklusyon ni Brent.“Alam ko Brent at hindi nila ako titigilan hangga’t hindi pa nila nakukuha ito sa akin. Unang hakbang pa lang iyon nina Major Rosales. Alam kong marami pa saying tauhan na saying maghahanap sa atin para patayin tayo,”“Paano na iyan? Kanino natin ipagkakatiwala ang mga ebidensya?” takang-tanong ni Julian.“Wala na akong ibang choice kundi itago muna ito. Hindi ko kasi alam kung sino ang kalaban natin at kung sino ang kakampi. Malay natin at nagtatago lang ang mga traidor sa tabi-tabi,”“Bakit hindi natin
HALOS mapaupo nalang si Julian dahil sa panlulumo nang maabutan ang sitwasyon ng kanilang inuupahang apartment. Tama nga ang sinabi ni Eris magulong-magulo ang lahat ng gamit nila. Ultimo basurahan nila ay hindi pinalagpas dahil nagbabakasakali ang mga taong iyon na baka nasa bahay nila ang ebidensyang hawak ngayon ni Zierelle.Bukod doon hindi lamang ang sitwasyon ng bahay niya ang inaalala niya kundi ang kalagayan ni Ashtear. Hindi niya alam kung nasaan ito ngayon kung kaya’t labis siyang nag-aalala. Marami nang negatibong isipin ang pumapasok sa isipan niya. Isa na roon na baka nakuha na naman ito ng sindikato.Napasabunot na siya ng kanyang buhok dahil hindi na niya ma-handle ang negatibong emosyon na nararamdaman niya nang mga oras na iyon.“Ashtear!” napasigaw nalang siya sa kawalan ng pag-asa.“J-Julian,” out of nowhere ay narinig niya ang tinig ni Ashtear sa di-kalayuan. Paglingon niya ay nakita niya itong nakatayo sa nakabukas na pintuan ng apartment nila.Hindi na siya nagda