CHAPTER 17: ISLA EMPEROR

Bella's POV

Nagmamadali ang mga hakbang ko dahil male-late na ako sa unang subject ko. Dahil sa sobrang pagmamadali ay hindi ko napansin na may tao akong nakasalubong kaya ang nangyari ay nagkabanggaan kami. Mabuti na lamang at mabilis ang reflexes ng taong ito kaya nahawakan niya ang baywang ko.

Nanigas ako nang maamoy ko ang pamilyar na pabango na iyon. Pag-angat ko ng tingin ay sumalubong sa akin ang pares ng matang matamang nakatingin sa akin. Kumurap-kurap ako para malaman na totoo ang taong nasa harapan ko. Ilang araw ko na siyang pinagtataguan at mukhang mamalasin ako ngayon.

"Let go of me," inis na sabi ko sa kanya.

Binitawan niya naman ako agad. Pasimpleng sumulyap ako sa paligid at napamura na lamang ako sa isip ko nang mapagtanto kong lahat ng schoolmates ko ay nakatingin sa amin. Mapanuring mga mata ang nakatutok sa direksyon namin. Ang ilan pa nga ay napapataas ang kilay sa nangyari.

"Nakakainis!" mahinang bulong