CHAPTER 108.2: KUYA REI

Bella's POV

Tinignan ko si Snow. "Ano ang nangyari? Ano ang kinalaman ni Kuya Rei rito?" sunod-sunod na tanong ko sa kanya.

"Bella..."

"Gusto ko maintindihan, Snow," ang sabi ko.

Malakas na napabuntong hininga siya. "Gusto ko kasi makita si Katana pero si Shinigami ang nakita ko. Pinagbantaan niya ako at pinalalayo kay Katana pero kilala mo naman ako Bella. Matigas ang ulo ko kaya hindi ako pumayag sa gusto niya. Dahil doon ay nilabanan niya ako," huminga siya nang malalim ulit. "Hindi ko lang akalain na sobrang galing at lakas niya."

"Sa pagkakakilala ko kay Kuya Rei ay hindi iyon pumapatol sa babae. Maliban na nga lang kung--" tumigil ako sa pagsasalita at sinulyapan si Snow.

"Tama ka, Bella. Connected si Katana at Rei. Ang totoo niyan ay magpinsan silang dalawa," hirap na hirap na wika niya. "Small world," naiiling na sabi niya.

Napakagat ako sa aking labi na marinig ko iyon mula kay Snow. Naalala ko na lang bigla si Uno ang mga makahulugang salita na binitiwan niya sa akin. Ito p