Chapter 97

Chapter 97 

Airah's POV:

"Cheers para sa kasal bukas nila Airah at ng anak ko!", panimulang sambit ng mom ni Gino.

Siya ang unang tumaas ng baso na may laman na wine, kaya nagtaasan na rin kami.

Ang saya isipin na lahat ng mahahalaga sa buhay ko, ay nandito at kasama ko.

Kahit na magkakaroon na ako ng sariling pamilya, hindi ko sila malilimutan.

"And also cheers, para sa magiging pamangkin ko!", pahabol na bigkas ni Ate Leny dahilan para magtawanan kami.

"Iba rin talaga ang dugo ni Gino. Masyadong malakas at kambal agad! Sana makahanap ako ng katulad mo.", pagbibiro ni Annie na naging hudyat para maging maingay ang kalooban.

"I'm unique. Wala ka ng mahahanap na tulad ko.", pagmamayabang ng katabi ko.

Bahagya ko s'yang siniko para tumigil na ito. Alam ko kasi na iiral na naman ang kayabangan niya kapag hindi ko pa siya pinigilan.

"Nga pala, may pangalan na ba kayo para sa baby niyo?"