Shadows 06: The Phone Call

Diane’s P.O.V.

Naka-black tuxedo siya at may hawak siyang isang palumpon ng mga naggagandahang mga rosas na tingin ko ay para sa akin. Nakapostura ang buhok niya at hindi ko maitatangging gwapo siyang lalaki. Nang makita nga niya akong nakatingin sa gawi niya ay unti-unti siyang ngumiti.

Pero nang kinurap-kurap ko naman ang mga mata ko, saka ko napagtantong hindi naman pala talaga si Liam ang nakita ko sa unti-unting pagbabago ng mukha nito. Ibang tao pala—hanggang sa may isang babae ang lumabas sa restaurant at dagling sinalubong ang lalaking inakala kong si Liam. Napangiti ako nang mapakla.

Sa totoo lang, hindi lang ngayon nangyari ito. Hindi ko man sinasabi pero palagi na lang ganoon ang mga nangyayari—katulad na lang noong nakaraang linggo.

Palagi na lang siyang biglang sumusulpot sa paningin ko, pero ilang saglit lang din naman ang lilipas ay mare-realize kong