KABANATA 3 :

KABANATA 3:

Abala ako noon sa pagmamalengke nang magkrus ang landas namin ni Carla. Nagulat ako nang kalabitin niya ako sa tagiliran.

"P-pwede ba tayong mag-usap?" seryoso niyang tanong sa akin, nakita ko ang mga mata niya. Punong-puno nang pagsusumamo.

"S-sure!" tipid kong sagot at sinundan siya.

Sa isang mini-cafe nagpasya kaming mag-usap ni Carla nang umagang iyon.

"I-I know na may nagawang hindi tama si Dindo sa iyo pero sana—" 

Hindi ko na pinatapos ang pagsasalitang iyon ni Carla at agad na akong umimik sa kanya.

"Pinakiusapan ka ba ni Dindo para kausapin ako?" tanong ko sa kanya.

Subalit umiling lang siya sa akin. Napansin ko ang pasa sa kaliwa niyang pisngi na tila ba pinagbuhatan siya ni Dindo.

"What happened to your face?" kunot noo na tanong ko sa kanya at bahagyang hinawakan ang kanyang pisngi.

"S-si D-Dindo!" maluha-luha niyang pahayag sa akin.

Hindi ako makapaniwala na ganoon pa rin ang ugali ng kanyang dating asawa. Nanakit pa rin pala ito.

"Tell me, anong maitutulong ko sa iyo?" kunwari ay alok ko sa kanya.

"Please ibalik mo na siya sa trabaho, matagal niyang pinaghirapan ang trabahong ito at napamahal na rin sa kanya, stress na stress na siya at nakukuha pa niya akong saktan!" humagulgol na pakiusap niya sa akin habang hawak-hawak ang aking mga kamay.

Hinaplos ko ang likuran ni Carla, nakaramdam ako nang matinding awa subalit kailangan ko itong labanan masyado pang maaga upang maawa ako sa kanya, masyado pang maaga upang kainin ako nang awa.

Natapos ang pag-uusap namin ni Carla at binigyan ko siya ng garantiya na maibabalik muli sa trabaho si Dindo.

Katulad ng nakagawian sa opisina ang mga bagong balik na empleyado ay kinakausap ko kaya wala akong choice kundi harapin muli si Dindo.

"Sinasabi ko na nga ba, hindi mo ako matitiis," sabi niya sa akin habang papasok sa loob ng opisina ko.

"Well, it is a favor from Carla, kung hindi sa pagdadrama ng kerida mo ay hindi kita ibabalik dito. Huwag kang magsaya, Dindo hindi pa tapos ang palabas nagsisimula pa lang!" nakaismid kong turan sa kanya. Lumapit ako at inayos ang kanyang nagusot na uniporme.

"Anong ibig mong sabihin?" takang tanong ni Dindo sa akin.

"Mula sa araw na ito ay hindi kita pinahintulutan na magtrabaho sa kompanya sa halip ay sa akin ka magtatrabaho," sumilay ang mapait kong ngiti kay Dindo.

"Ano?" ang gulat na gulat na sambit ni Dindo na wari ba ay hindi makapaniwala sa aking mga sinabi.

"You heard it, right?" sa halip ay tanong ko sa kanya.

"No way! Hindi ako makapapayag na gawin mo ito sa akin, Annabelle!" sigaw niyang iyon sa akin.

"Sige, mabilis akong kausap. Subalit mamili ka, Dindo. Sasabihin ko kay Carla ang lahat ng mga kasamaan mo o kakagatin mo ang alok kong magtrabaho ka sa akin, it's just only a work. Walang personalan," maarte kong bulong sa kanyang tainga.

"Fine!"sagot niyang iyon na halatang nagpipigil ng galit.

"Very good, Dindo! Tanggap ka na as my personal driver! Congrats!" masaya kong niyakap si Dindo na noon ko na lamang nagawa. Hindi pa rin nagbabago si Dindo, mula sa hairstyle, maging sa pabango nitong ginagamit at sa magiging matikas ng kanyang pangangatawan.

Kaagad akong kumalas ng pagkakayap sa kanya nang bumukas ang pinto at pumasok ang aking sekretarya na si Venus.

"Excuse me, Ma'am. Let me remind you that today you have a short meeting with Mr. Khou, sa City Stacks Coffee at 1pm. Thank you, Ma'am," umalis na ang aking sekretarya matapos nitong ipaalala ang aking meeting with Mr. Khou na muntik nang mawaglit sa aking isipan.

"See you at 1pm, don't be late," paalala ko kay Dindo at tuluyan na itong lumabas ng aking opisina.

Lulan ng aking mercedes benz na sasakyan ay wala kaming naging imikan ni Dindo, nakakapanibago ang kanyang asal ngayon dahil hindi mainit ang kanyang ulo.

"Napaka seryoso mo ngayon, Dindo. Hindi ka umiimik," puna ko sa kanya habang nakatingin sa may bintana ng aking kotse.

"Do I have something to say, Ma'am?" mahinahong at pormal niyang sagot sa akin.

"Wow, sounds interesting! Hindi ako nagkamali sa pagpili ko ng driver. Sinong mag-aakala na ang dati ko pa lang asawa ang aking makakasama ngayon?" tatawa-tawa kong sambit subalit nanatili pa ring kalmado ang mukha ni Dindo.

Tumigil ang sasakyan namin sa City Stacks Coffee, pababa na sana ako ng kotse nang biglang pagbuksan ako ni Dindo. Napangiti ako sa kanya dahil sa kanyang inasal.

"Salamat, Dindo," hinging pasasalamat ko sa kanya.

"Walang anuman, it's my duty," sambit niyang iyon at inihatid ako sa labas ng pinto ng coffee shop.

Pagpasok ko roon sa loob ay kaagad na sinundo ako ng isang lalaki na sa pakiwari ko ay si Mr. Khou na ito.

"Are you Mr. Khou?" tanong ko sa lalaking ito.

"Yes, I am."

"You look so good," papuri kong iyon sa kanya.

"You are very lovely my dear," aakmang hahalikan niya ang aking kamay subalit mabilis ko itong binawi.

"Shall we start the meeting?" medyo inis kong tanong ngunit kailangan kong magtimpi rito. Sandali akong tumingin sa labas ng coffee shop at nakita kong nakasulyap si Dindo sa amin ni Mr. Khou.

Nagkaroon ako ng ideya na pagselosin ang dati kong asawa at nais kong malaman ang kanyang reaksyon.

"So, Mr. Khou, what are your plans for our company?" mapang akit kong tanong at bahagyang hinaplos-haplos ang kanyang matipunong braso.

"I'd like to discuss some important matters with regards to your company," sagot naman niya at palihim akong hinawakan sa aking legs.

Muntik ko na itong masampal subalit nagtimpi muli sa halip ay ngumiti ako at hinaplos-haplos pa ang tagiliran ni Mr. Khou. Kaya hinintay na lang niyang matapos ang meeting naming dalawa.

Kitang-kita kong nais nang pumasok ni Dindo sa loob ng coffee shop subalit wala itong lakas ng loob upang gawin iyon.