Chapter 28

Magdidilim na nang makarating ako sa building ng condo kung saan ako nakatira. Bago ako umuwi ay dumaan muna ako sa coffee shop para bumili ng kape dahil paniguradong hindi na naman ako makakatulog mamaya. Ito ang isa sa mga mahihirap na trabaho ng isang abogado. Hindi lang kliyente mo ang dapat na asikasuhin mo. At hindi lang sa isang bagay ka dapat naka-focus. Isa sa mga natutunan ko sa Uncle ko na kapatid ni Mommy ay dapat lagi mong titingnan ang iba’t-ibang anggulo ng kaso. Hindi lang sa anggulo ng kliyente mo kundi sa anggulo rin ng biktima.

Bago ako lumabas ng elevator ay inayos ko muna pagkakasabit ang sling strap ng laptop bag sa aking balikat. Dahil sa dami ng laman niyon, nakaramdam na rin ako ng pangangawit. Dahil hindi naman malayo sa room ko iyong elevator, nakita ko agad na mayroong tao na nakatayo sa labas ng pinto ng aking unit. Nakasuot ito ng pastel brown colored sweater at pants. Para naman bahagyang matakpan ang kaniyang mukha ay nagsuo