Chapter 35

Halos tatlong guwardiya ang ipinasama sa akin ng mga magulang ni Sandro pauwi ng aking condo unit. Hinatid pa ako ng isa sa kaniyang mga kapatid na si Simon hanggang lobby ng building para masiguro talaga nilang ligtas ako. Bago ito umalis ay nagpasalamat ako sa kaniya.

“No worries. Sigurado akong kung si kuya ang nasa kalagayan ko, ito rin ang gagawin niya.”

Ngumiti akong muli kay Simon. Nagpaalam na rin siya sa akin. Mayroong nakasunod sa kaniya na dalawang guwardiya habang sa tabi ko naman ay may tatlong naiwan.

“Pasensiya na kayo ah. Kasalanan ko kung bakit kayo nandito ngayon.”

Umiling ang isa sa kanila.

“Ayos lang po kami, Ma’am. Siguradong ito rin naman ang iuutos sa amin ni Congressman kung sakaling narito siya.”

Tipid na ngiti lang ang ibinigay ko sa kanilang dalawa. Habang sakay ng elevator ay panay ang vibrate ng phone ko. Dahil alam kong isa sa miyembro ng pamilya ko ang tum