Chapter 1

Tila tumigil ang ikot ng mundo ni Amber sa narinig.

"Congratulations, Miss Velez. You're hired!"

Napatili naman na para bang tuwang-tuwa si Missy.

"Besm! Narinig mo ba 'yon?" Nagniningning ang mga mata nito. "Hired ka raw. Besm! Natanggap ka!" 

Kung si Missy tila nanalo sa lotto sa pagtili, tila naman nabato sa kinatatayuan si Amber. 

"Please wait for Mr. Guzman for orientation, ma'am. Mamaya lang ay darating iyon para sunduin ka." Pormal na saad ng babae sa front desk.

Taranta namang  napatingin si Amber kay Missy.

"Teka besm! Wala sa usapan 'to."

Noon na nabura ang ngiti ni Missy. Tila naman nakuha nito ang gusto niyang ipahiwatig. Bumaling ito sa receptionist at ngumiti ng bahagya.

"Sandali lang miss, usap lang kami saglit." Nang tumango ang babae ay kaagad siyang hinila ni Missy palayo sa desk.

"Besm! Bakit gano'n? Ba't ako hired?" Hindi na niya alam kung narinig siya ng babae, hindi na rin kasi niya nagawang hinaan ang kanyang boses.

"Hindi ko rin alam eh. Sa lagay na 'yan," Hinagod niya ng tingin si Amber na tanging pantulog ang suot. "Hindi rin ako makapaniwala, besm." 

Iginala ni Amber ang kanyang paningin. Nagbabakasakali siyang makatulong iyon upang makapag-isip siya ng tamang gagawin. 

Nakuha ng atensiyon niya ang bagong dating na lalaking nasa forties ang edad. Huminto ito malapit sa front desk. Medyo manipis ang itim na itim na buhok nito. Moreno ang kanyang balat. Bilugan ang mukha at maumbok din ang pisngi. Sakto lang ang laki ng mata. Hindi katangusan ang ilong at kulay light brown ang labi. Nang dumako sa kanya ang tingin ng lalaki ay agad niyang  ibinaling sa iba ang tingin.

"Hindi naman siguro iyon si Dark Indigo," naisip niya.

Hindi naman sa pangit pero parang hindi niya nakikita ang sariling kayakap ito.

Ipinilig niya ang kanyang ulo dahil sa kanyang naisip.

"Bakit ko ba naiisip na magyayakapan kami ng Dark Indigo na iyon?" Usal niya sa isip.

Muli niyang itinuon ang tingin sa paligid , mayroong mga empleyado na tila napapadaan lang sa area. 

Sa labas ng malaking pintuan na gawa sa salamin ay may isang guard. Dalawa iyon kanina pero tila may pinuntahan ang isa.

"Sibat na tayo, besm." Hinila niya ang kamay ni Missy.

Ngunit hindi  hinayaan ni Missy na mahila niya ito. Tila ba nadikit na ang paa nito sa kinatatayuan niya.

"Hoy Amber! Ayoko ng trouble." Binawi nito ang kanyang kamay. Kunot-noo namang napabaling sa kanya si Amber.

"Panindigan mo na lang, besm. Wala na tayong magagawa, natanggap ka  eh."

Lalo namang nataranta si  Amber.

Seryoso ba talaga ang kaibigan niya?

"Puntahan na lang natin 'yong babae. Sabihin nating binabawi ko na ang application ko." 

Gusto na niyang maluha sa kaba at takot. Anang sarili, sana pala 'yong truth na lang ang pinili niya kagabi.

"Walang gano'n besm. Hired ka na eh. Wala nang bawian iyon." Tila hindi man lang nababahala si Missy kahit katiting man lang. 

"Halika nga dito." Hinawakan ni Missy ang dalawang kamay ni Amber. "Sa hitsura mo naman, para kang bibitayin. Magtanong tayo tungkol sa duties mo. Huwag kang matakot. Hindi mo ikapapahamak 'to besm."

Marahan niyang hinila si Amber palapit sa front desk.

"Huwag kang mag-over think. Baka maloka ka diyan."

Tila naman nahihipnotismo na nagpahila si Amber.

Nang tuluyan na silang makalapit ay ngumiti si Missy sa babae.

"Miss, mag-i-inquire lang sana kami. Paano ba ang duties nitong besm ko sa work niya?" 

"About that matter ma'am, ako po ang in charge." Anang lalaki na kanina pa nakatayo roon.

"By the way ma'am, I am Warlo Guzman. Sumunod ka po sa'kin para po ma-orient kita."

Agad namang napatingin si Amber kay Missy. Binigyan niya ito ng tingin na tila nagpapasaklolo.

"Ikaw lang ma'am. Hindi po kayo pwedeng magsama ng alalay."

Napairap naman si Missy sa narinig.

"Kuyang notpa, sa ganda kong 'to, hindi ako pang-alalay lang."

Hindi naman nagbago ang hitsura ni Amber. Tila mas lalong tumindi ang pagkabahala nito. 

"Sige na besm. Kaya mo 'yan."

Marahan siyang itinulak ni Missy para sumunod kay Warlo Guzman.

Wala na tuloy siyang nagawa kundi sumunod na lamang kay Warlo. Mabigat ang bawat hakbang niya. Hindi rin niya inalis ang tingin sa bestfriend niyang si Missy hanggang sa tuluyan na itong mawala sa paningin niya.

Nang marinig ni Amber ang tunog ng pagsara ng elevator ay tila naging hudyat  iyon ng simulang pagtambol ng dibdib niya.

Makailang beses siyang nagpakawala ng buntong hininga bago muling bumukas ang elevator.

Nang sumunod siya kay Warlo sa paglabas ay bumungad sa kanya ang malawak na espasyo. Naagaw ng pansin niya ang isang malaking picture. Tila family picture iyon, magkatabi sa upuan ang isang babae at lalaking may katandaan na. At sa likod naman nila ay nakatayo ang apat na makikisig na lalaki. Pawang nakasuot ang mga ito ng itim na suit maliban sa matandang babae na nakasuot ng kulay Mocha na bestida. 

"Iyan po ang Villacorda family."  Nakangiting saad ni Warlo nang mapansin niya ang paninitig ng dalaga sa higanteng  larawan.

Agad namang iginala ni Amber ang tingin sa apat na lalaking nakatayo sa likod ng dalawang matanda.

"Ibig sabihin, isa sa mga nandiyan si Dark Indigo Villacorda." Anang isip niya.

Tumindig ang balahibo ni Amber nang pasadahan ng tingin ang mga lalaki sa larawan. Tantiya niya ay nasa mga fifties na  at Fourties ng mga lalaki roon. Maliban sa isa na sa tantiya niya nasa late twenties o early thirties. Hindi maitatangging magagandang lalaki ang mga ito pero hindi niya maiwasang kilabutan sa ideyang matanda na ang naghahanap ng baby maker.

Muli niyang ibinalik ang tingin sa pinakabata sa kanila.

Napakakisig ng lalaki. Medyo kulot ang itim nitong buhok. Makapal ang kilay nito at tila  walang emosyon ang kulay kayumanggi nitong mga mata. Aristokrado ang ilong nito at lalo pang pinakisig ng mapula at tila may umbok niyang labi. 

"Katatapos lang yatang makipaglaplapan ng tanders na 'to bago kinunan ang picture." Naisaisip niya.

Muling bumaba ang tingin niya sa larawan ng lalaki. Matipuno ang katawan nito na tila alaga sa gymn.

"Kung ito si Dark, keri na kahit nadidiri ako sa ideya na magkakaroon ako ng sugar Daddy. Gwapo naman at hindi mukhang buntis." Ugong ng isip niya.

Muli niya itong pinakatitigan.

"Well, hindi naman siya mukhang kadiri." Anang isip niya.

"Yan po si sir Ashton, ma'am. Bunso po ng mga Villacorda."

Napakurap-kurap si Amber.

"Hindi po si Dark 'yan?"

"Hindi po."

Tila nanuyo ang lalamunan ni Amber sa narinig Awtomatiko niyang iginala ang paningin sa katabi ng lalaking nagngangalang Ashton.

"Na'san po si Dark Villacorda?" Tanong niya ngunit hindi niya inalis ang tingin sa larawan. 

"Wala po yatang picture dito si si Dark ma'am. Wala po akong maipapakita sa inyo."

Tila naman nakahinga ng maluwag ang dalaga sa narinig dahil ibig sabihin ay mali ang iniisip niya.

"Si sir Dark po ma'am, anak po iyon ng panganay na kapatid ni sir Ashton. Si sir Gabrielle po."

Tumango-tango na lang ang dalaga.

"Gusto niyo bang mag-tour ma'am? Ipapasyal ko po kayo sa loob."

"Naku, huwag na po. Punta na po agad tayo sa orientation."

Tingin niya kasi kapag tumagal pa siya sa loob ng building ay maiihi na siya sa sobrang kaba.

"Sige po. Sumunod po kayo sa'kin."

Nagpatiuna ang lalaki sa paglalakad na siya namang sinundan niya. Lumakas ang kabog ng dibdib ni Amber nang makarating sila sa tapat ng isang pinto. Tila sunod-sunod at mabilis na tinambol ang dibdib ng dalaga nang itulak ni Warlo ang pintuan.

Medyo nabawasan ang kanyang kaba nang makita niyang walang kahit sinuman sa loob.

May malaki at hugis parihabang mesa sa loob. Mayroon ding higit sa benteng upuan roon. Maaliwalas ang paligid dahil maliwanag at kulay puti ang dingding. 

Humupa ang kaba ng dibdib niya nang makitang hinayaang bukas ni Warlo Guzman ang malaking pintuan. 

"At least madali lang akong makakatakbo kapag nagkaaberya," anang isip ng dalaga.

"Please sit down ma'am." Malapad ang ngiti ng lalaki. Noon din niya napansin ang hawak nitong folder. Nang umupo ito ay umupo na rin si Amber. Pinili niya ang upuang pinakamapit sa pintuan.

Sa harap naman niya nakapwesto si Warlo.

Nang magsimulang buklatin ni Warlo ang folder ay tinipon na ni Amber lahat ng lakas ng loob. 

"Gusto ko pong umatras, sir."

Mabilis na nag-angat ng tingin ang lalaki sa kanya.

"Pero hired na po kayo ma'am. Hindi na po kayo pwedeng umatras. Na-i-anunsyo na rin namin sa lahat ng social media account ng Villacorda na closed na ang application." Banayad ang pagpapaliwanag nito. Napaka-professional at tila hindi man lang nagulat sa sinabi niya.

"Nakikiusap po ako, sir."  Binigyan niya ang lalaki ng sinserong tingin. Nagbabakasali siyang maaawa ito sa kanya.

"Hindi po pwede ang gusto niyo ma'am.  Maliban na lang po kung gusto niyong mag-public apology."

"Sige po." Mabilis na sagot ng dalaga.

"Hindi lang 'yan, ma'am . Kailangan niyo rin mag-compensate."

Napakunot-noo naman si Amber.

"Malaki pong kahihiyan kung aatras kayo. Magbabayad po kayo for moral damages."

Napalunok si Amber. 

"Magkano po?"

"One million, ma'am."

Tila nawalan ng kulay si Amber sa narinig.

 

Namroblema  siya kung saan siya kukuha ng one million sakaling mag-back out siya.

"Hindi po biro ang trabahong inaplayan niyo ma'am. Mahirap din pong banggain si boss."

Hindi umimik si Amber. Tila wala siyang maapuhap na salita.

"Gawin mo na lang siguro ang trabaho mo ma'am para po hindi na po magkaproblema."

Napapaisip tuloy ang dalaga kung susunod na lang siya sa agos kaysa naman gumastos pa siya ng malaking halaga.

"Don't worry po, may medical check up pa  naman. Kapag po hindi kayo pumasa doon, awtomatiko po kayong matatanggal."

Nagpakawala ng mahinang buntong-hininga ang dalaga. Alam niya sa sarili niyang wala siyang sakit. Tila naman nabasa ni Warlo ang nasa isip niya.

"Kung pumasa naman po kayo at after one month ay hindi po kayo nabuntis, bubuksan po namin ulit ang hiring. Ibig sabihin po no'n, wala ka nang obligasyon kay boss."

"Kaya lang po nag-aaral ako, sir."

Umaasa ang dalagang magagamit niyang palusot iyon.

"Wala pong problema doon ma'am. Cover po ng benefits niyo ang education niyo. Hindi po makakasagabal sa studies niyo ang trabaho niyo."

Lalo tuloy nanghina si Amber sa narinig. Anang sarili, wala na talaga siyang kawala sa napasukan niya.

Nawala sa malalim na pag-iisip ang dalaga nang makita niya  ang pag-ilaw ng cellphone ni Warlo na nakapatong sa mesa.

Kinuha naman iyon ng Ginoo, tila may binasa roon. Maya-maya lang ay tumingin ito kay Amber.

"Papunta na po si sir dito, ma'am."

Nanlaki ang mata ni Amber sa narinig.

"Sino po?"

"Si Mr. Villacorda po." 

Tila mawalan ng kulay sa mukha si Amber sa narinig. Naramdaman din niya ang pamamawis  ng kanyang noo.

"Gusto ka raw po niyang makita."

Mabilis na napatayo si Amber dahil sa tinuran ng kaharap.

Naramdaman niya ang mabilis na pagtibok ng kanyang puso.

Ilang sandali lang narinig niya ang yapak na tila papalapit.

At bago pa niya malaman kung sino ang pumasok ay tila kinain na siya ng labis na kaba. Hindi na siya nakabawi hanggang sa tuluyan nang nanlabo ang kanyang paningin

Naramdam niyang bumagsak  ang katawan niya sa isang matigas na bagay. Ngunit himalang hindi siya nasaktan. Pinilit niyang buksan ang kanyang mata ngunit blurred na imahe ng lalaki ang kanyang nakita.

Kumurap-kurap siya upang luminaw ang nakikita.

Ngunit lalo lang siyang nakaramdam ng pagkahilo. Gayunpaman   bago siya tuluyang mawalan ng malay tao, narinig niya ang isang panlalaking tinig.

"You're mine now, baby."