Masakit iyon sa loob niya, ang isiping galing ang babae sa pag-iyak ay parang nadudurog ang puso niya. Ang isiping nahihirapan ito ay parang ikamamatay niya.
"Amber." Anas niya habang masuyong nakatitig sa mukha ng dalagang nasa screen ng laptop.
Tila may sariling isip ang kanyang kamay na umangat at kusang humaplos sa screen ng laptop. Itinapat na iyon sa mismong tapat ng pisngi ng dalaga.
"My beloved Amber, I'm so sorry." Masuyo niya itong tinitigan na para bang kaharap niya mismo. Kitang-kita rin ang pagsisisi sa kanyang mga mata.
"I'm really sorry."
Naramdaman niya ang pamimigat ng dibdib at ang paghapdi ng kanyang mga mata.
Hindi niya iyon sinasadya. Natangay lamang siya ng labis na paninibugho at labis na pagmamahal. Labis-labis siyang nagsisisi na nasaktan niya ito. Kung pwede lang sanang ibalik ang oras ay kanina pa niya ginawa.
Natigil siya sa paghaplos sa screen nang tumunog ang kanyang cellphone. Kaagad niyang dinampot iyon nang makita niyang ang pinagkakatiwalaan niyang tauhan ang tumatawag.
"What's the news?"
["Master, tinakasan ni Lady Amber si Warlo Guzman."]
Hindi niya napigilan ang pag-usbong ng kanyang ngisi sa narinig. Tila isa iyong napakagandang balita.
"Tulungan niyo siyang makatakas."
["Master?] Tila naman hindi makapaniwala ang kanyang tauhan.
"You heard me."
["Itutuloy pa ba namin ang pagkidnap sa kanya, Master?"]
"No need. Let her live with freedom but make sure to look after my woman. Make sure she's always safe."
["Masusunod, master."]
"One more thing, huwag na huwag niyong hahayaan na mahanap siya ni Indigo."
["Opo, master."]
Nang matapos ang tawag ay napunta ang tingin niya sa dingding kung saan nakasabit ang malaking portrait ng dalaga. Kuhang-kuha ng pintor ang detalye ng mukha nito. Sa larawan na iyon ay matamis ang ngiti ng dalaga at nagniningning ang mga mata nito.
Anang sarili, darating ang araw na kusa siyang ngingitian ng matamis ng babae.
Balang araw ay magiging kanya ito. Pangako niya sa sarili, by hook or by crook, aangkinin niya ng buo si Amber Velez.
Muli niyang titigan ang mukha nitong nasa portrait.
"You're mine, MINE ALONE."
Samantala...Kumabog ng malakas ang dibdib ni Amber.
Muli niyang nilingon ang pinto ng hospital.
"Please Lord, huwag sanang makahalata agad si Dindi na sobrang tagal ko na sa CR." Mahinang usal niya.
Hindi pa naman niya alam kung paano siya makakalayo sa lugar dahil wala naman siyang kahit ni singkong duling.
"Miss, sa'yo ba 'to?" Napalingon siya sa nagsalita. Bumungad sa kanya ang lalaking may hawak na kulay pink na panyo. Halos magkasingtangkad lang sila ng lalaki. Nasuot ito ng itim na T-shirt na tinernuhan niya ng rugged jeans. Moreno ang balat nito. Top not ang istilo ng gupit nito na tila may highlight na pula. Oval shape ang mukha nito. Kapansin-pansin ang kanang kilay nito na may maliit na pilat sa dulo. Upturned ang mata nitong hindi biniyayaan ng mahabang pilik mata. Sakto lang ang tangos ng ilong nito. Medyo malawak naman ang bibig nitong tila anumang oras ay nakahandang ngumiti.
"Ma'am Amber!" Napalingon siya sa pinagmulan ng sigaw.
Lalong kumabog ng malakas ang dibdib niya nang makitang si Dindi iyon. Kasama nito si Warlo at ang dalawa niyang body guard.
Dala ng pagkataranta ay hinila niya ang lalaking may hawak na panyo
Tila nagulat ang lalaki ngunit sa huli nagpatangay na rin ito.
"Tinakasan niyo ba 'yon, miss?"
"Mamaya na ang chicka, pwede ba?"
Napakamot naman ng ulo ang lalaki sa tinuran nito.
"Ma'am! Tumigil na kayo, please." Narinig pa niyang sigaw ni Dindi.
Nilingon niya ito at kitang-kita niyang hinahabol sila ng mga ito.
"Dalian mo kasi! Ang kupad mo!"
Napakamot na lang sa ulo ang lalaking basta na lang niyang tinangay.
"May alam akong pwedeng pagtaguan, miss."
"Hindi na. Pupunta ako sa bestfriend ko. Tutulungan ako no'n."
Pumara ang lalaki ng taxi at pinauna siyang sumakay. Narinig pa niya ang ilang ulit na pagtawag sa kanya ni Dindi kaya naman hindi na siya nagdalawang isip na pumasok sa loob bg sasakyan.
"Matutunton ka nila kung pupunta ka sa mga kakilala mo."
Napaisip si Amber, may punto nga ang lalaki. Sa yaman ni Dark Indigo ay siguradong napaimbestigahan na siya nito. Siguradong alam na nito kung sino ang mga taong malapit sa kanya.
"Doon ka na lang sa amin magtago, miss. Safe ka doon. May alam akong bahay na pwede mong upahan."
"Pero wala naman akong pera."
"Sakto, miss! May alam akong trabaho para sa'yo." Nakangiti ito at nagniningning ang mga mata.
"Sa ngayon, pautangin muna kita. Pero may interes, ha?"
Muli niyang sinipat ng tingin ang lalaki. Medyo may bad boy look ito pero sa ngiti nito ay mukha namang wala itong masamang balak.
"Magkano ang interes?"
"Para sa'yo Miss, two hundred na lang 'yong isang libo."
"Takte! Ba't ang mahal? May lahi ka bang bumbay?"
"Mura na kaya 'yon. Three months to pay naman eh."
Umiling-iling si Amber.
"Ganito, take it or leave it, fifty pesos sa isang libo, six months to pay."
Napakamot naman ng ulo ang lalaki.
"Ano ba 'yan? Ang tindi mo tumawad Miss."
"Ano na? Papautangin mo ba ako?"
Napabuntong-hininga na lamang ang estranhero.
"Sige na nga. Nahiya naman ako sayo Miss"
Sumilay ang ngiti ng dalaga.
"Huwag mo na akong tawaging miss. Amber na lang."
"Doon na lang sa miss, mas komportable ako doon."
Nagkibit-balikat na lang si Amber.
"Ikaw, anong pangalan mo?"
"Tadeo Miguero, Miss. You can call me Tado for short."
"Tado." Sumilay ang pilyang ngiti sa labi ng dalaga. "Bagay sa'yo."
"Tado short for tarantado." Anang isip ng dalaga.
Pinaseryoso ni Amber ang kanyang mukha. Pinandilatan rin niya ang lalaki.
"Ikaw Tado hah, hindi mo naman siguro ako ginogoyo, noh?"
Kumuyom siya ng kamao at ipinakita ito sa kanya.
"Ngayon pa lang sanasabi ko na sa'yo, may background ako ng taekwondo. FYI lang, black belter ako."
Napabungisngis naman ang lalaki, tila hindi naniniwala.
"Seryoso ako. Hindi lang 'yan, strong ako. Magaling akong manghampas ng dos por dos."
Hindi naman nawala ang ngiti ng lalaki.
"Huwag kang mag-alala, Miss. May sinasanto akong batas. Mukha lang akong criminal. Pero count on me! Pwede akong maging superhero mo."
"Knight in shining armor lang ang peg? Hoy ikaw, kung may balak kang pormahan ako, uunahan na kita, taken na ang kagandahan ko."
Natawa naman ng malakas si Tado sa sinabi nito.
Hinampas siya si Amber sa braso.
"Hindi ako nagpapatawa!"
Pinigil naman ni Tado ang kanyang tawa.
"Oo na. Noted. Taken na ang kagandahan mo."
Muli itong humagalpak ng tawa.
Anang sarili ng babae, hindi pang-jowa material ang lalaki ngunit papasa namang kaibigan ito. Pwedeng-pwede ito sa tropa nila kahit mukhang mas may edad ito kaysa sa kanya.
Ngunit ang tanong, dapat ba siyang magtiwala sa estrangherong nasa kanyang harapan?Hindi maiwasang kilabutan ni Amber nang makita ang pinagdalhan sa kanya ni Tadeo Miguero. Matapos silang bumaba sa taxi ay sumakay sila sa tricycle. Tumigil sila nang marating nila ang makipot na eskinita. Naglakad na lang sila papasok dahil hindi makadaan ang tricycle sa kipot ng daan. Dagdag pang ang daming tambay sa gilid ng mga dikit-dikit na bahay. "Hoy, Tado! Remind ko lang sa'yo ah! Black belter ako!" Pinandilatan niya ang lalaki. Pilit siyang nagtapang-tapangan. Ngunit sa totoo lang ay parang gusto na niyang umatras at tumakbo palayo sa lugar. "Huwag kang mapraning, Miss. Safe ka dito. Hindi ka gagalawin ng mga 'yan. Sagot kita." Puno ng kayabangan na turan ni Tado. "Siguraduhin mo lang 'yan! Baka hindi mo alam, may kamag-anak akong mafia boss." Pagbabanta niya sa lalaki. Natawa naman si Tado sa tinuran ng babae. "Sabi ko naman sa'yo, 'di ba? May sinasanto akong batas. Ayoko pang ma-tsugi, Miss." Hindi na lang umimik si Amber. Hiling niya sa isip, sana hindi siya nagka
"Mama! Mama! Gising na!" Naalimpungatan si Amber dahil sa magaang sampal sa kanyang pisngi. Nang magmulat siya ng kanyang mga mata ay bumungad sa kanya ang tatlong taong gulang na batang lalaki. Comb over fade ang istilo ng gupit nito. Manipis lang ang itim na itim na buhok ng bata. Makinis at maputi ang balat nito. Unang tingin pa lang ay mahuhulaan na agad kung saang angkan ito kabilang dahil sa kulay kayumanggi nitong mga mata. Anang sarili, kaygaling rin ni Dark Indigo, isa siyang walastik sharp shooter. Kung mayroon man siyang pinagpapasalamat sa nangyari, iyon ay ang pagdating ni Hyde sa buhay niya. Galit siya sa ginawang pananamantala sa kanya ngunit kailanman ay hindi siya nagtanim ng galit sa bata. Para sa kanya ay isang biyaya ang pagdating ni Hyde. Ito ang kanyang lakas, ito ang pinakamahalagang bahagi ng buhay niya. Muli niyang ipinikit ang kanyang mga mata. Inaantok pa rin ang kanyang diwa. "Tulog muna tayo baby tutal day off ko naman." Naramdaman niya ang paghi
Napabuntong-hininga na lamang si Dark Indigo. Mula nang magsimula ang biyahe ay hindi na siya kinibo ni Amber. Ni hindi rin siya nito tinapunan ng tingin. Nang makaidlip ang bata habang nasa biyahe ay pumikit rin ang babae. Ngunit ramdam naman niyang gising ito. Ilang beses niyang sinubukang kausapin si Amber pero hindi naman siya nito pinapansin. Nang makarating sila sa mansiyon ng mga Villacorda ay saka lamang nagmulat ng mata ang dalaga. Nang buksan ng tauhan niya ang Van ay kaagad na bumaba ang babae habang karga nito ang bata. Ni hindi man lang siya nilingon nito. Kahit papaano ay nabawasan ang mabigat na dinadamdam ni Amber nang salubungin sila ni Dindi. Makikita ang labis na galak sa katulong dahil sa malawak na ngiti nito. "Ito na ba ang bagong young master?Tulungan na kita, ma'am." Hindi na umalma si Amber nang kunin sa kanya ni Dindi ang bata. Sa totoo lang ay kanina pa siya nangangalay. "Tara na sa kwarto niyo ma'am." Kaagad siyang sumunod sa katulong nang humakbang
"Let's get married now." Sandali siyang tinitigan ng dalaga. Kitang-kita rin niya kung paano nanlisik ang mga mata nito bago muling humakbang para sundan ang kanyang ina. "Ma!" Kaagad siyang sumunod kay Amber at hinawakan ang kamay nito upang pigilan. "Amber! Huwag mo na siyang sundan, please lang, baka saktan ka lang niya ulit." Marahas naman nitong tinanggal ang kamay niyang nakahawak sa kanya. "Utang na loob, Indigo! Pwede bang pabayaan mo ako!" Muli itong humakbang pero mabilis niya itong hinarangan sa daraanan niya. "Amber, I am just concern to you." Itinulak siya nito sa kanyang dibdib pero hindi naman niya ininda iyon. "Kung totoong concern ka, hayaan mo akong sundan si mama. At please lang, huwag ka ring sumunod. Hayaan mong makausap ko ang magulang ko." Marahas niya itong binangga sa balikat at saka siya nilampasan. Napabuntong-hininga na lang niyang sinundan ang babae. "Pero hindi ko naman makakayang pabayaan ka na lang, Amber. Baka saktan ka nila." Muli siyan
Nang lumabas ng banyo si Amber ay tanging si Indigo na lang ang nadatnan niya sa loob ng silid. May kausap ito sa telepono ngunit kaagad rin itong nagpaalam sa kausap nang marinig niya ang pagbukas ng pinto. Anang isip ng dalaga, mabuti na lang pala at naisip niyang sa loob na lang ng banyo magbihis. Pinili niyang isuot ang isang kulay dark blue na wrap around dress na hanggang tuhod ang haba. Awtomatikong lumingon sa kanya si Indigo. Nang magsimula siyang humakbang ay sinundan siya nito ng tingin ngunit hindi niya ito pinansin. Sa halip ay dumeretso siya sa harap ng vanity mirror at pinanood ang kanyang sariling repleksyon habang nagpupunas ng buhok. Sandaling namayani ang katahimikan. Nang hindi na nakatiis ang lalaki ay tumikhim ito upang kunin ang kanyang atensiyon. "Gamutin natin 'yang sugat mo, Amber." "Hindi na kailangang gamutin 'to. Maliit na gasgas lang 'to." Malamig na turan niya. Ni hindi niya ito tinapunan ng tingin. Sa halip ay sinuklay nito ang buhok niyang h
Walang pagsidhan ang kabang nadarama ni Dark Indigo. Para siyang maiihi habang nakatuon ang pansin nito sa malaking pintuan ng function room. "Are you okay?" Untag sa kanya ni Gabriel Villacorda. Marahil ay napansin nitong, hindi mapakali ang kanyang mga kamay. "Yes, Dad." Pinilit na lamang niyang ngitian ito. Iginala ni Dark Indigo ang paningin sa loob upang kahit papaano ay mabawasan ang kanyang kaba. Hiling niya, sana ay magustuhan ng babae ang disenyo ng lugar. Kung sa kanya naman ay pasado sa panlasa niya ang ginawa ng event organizer. Sa pinakagitnang bahagi ng lugar ay nakasabit ang malaking chandelier. May palamuti ring tela sa taas kung saan nakasabit ang mga kulay moss green na paper lanters. Sa ibang bahagi naman ay nakasabit ang tila natuhog na mga crystal beads at LED lights. Maging ang mga upuan ng mga bisita ay nilagyan ng dekorasyon. May disenyong kulay puting artipisyal na balahibo sa sandalan ng mga upuan. Malalaki iyon na mas mahaba lang ng kaunti sa sandal
"Stop this bullshit wedding!" Dumagundong ang boses ni Ashton Blumentrint sa loob ng function room. Sunod na pumasok ang higit sa benteng kalalakihan. Dumeretso silang pumalibot sa mga guest. Lahat sila ay may mga tangan na de kalibreng mga baril at kaagad na itinutok iyon sa mga tao. "Uncle? What's the meaning of this?" Napanatili naman ni Dark Indigo ang pagiging kalmante. Humakbang palapit ang ginoo. Nag-iigting ang panga nito. At kulang na lang ay umusok ang ilong nito sa galit. "You can't marry her, Indigo!" Mariin nitong turan habang nakatuon sa kanya ang kulay kayumangging mga mata nito. Bago ba makapagsalita si Dark Indigo ay muli itong nagsalita. "You can't marry the mother of my son!" Kitang-kita ang paglabas ng litid nito sa leeg. Napanganga naman si Amber sa narinig mula sa lalaki. Nagsimula na ring umugong ang bulungan sa mga guest. Mabilis na itinaas ni Amber ang kanyang belo upang mas malinaw niyang makita ang lalaki. At para na rin makita siya nito. Aniya sa
Dumagundong ang dibdib ni Amber nang magsimula siyang humakbang sa pintuan . Iba iyon sa pintuang nakasanayan niyang pasukin noon. Pagpasok nila sa loob ay sinalubong sila ng isang katulong na nakasuot ng kulay dark blue na unipormeng pangkatulong "Welcome home, Master." Magalang itong yumukod ngunit ni hindi man lang siya tinapunan ng tingin ni Ashton Blumentrint. Nang dumaan sa harap niya si Amber ay ginawaran siya nito ng matamis na ngiti. "Welcome to the house of Blumentrint, ma'am." Yumukod din ito sa kanya. Sandali namang huminto si Ashton at kunot-noong hinarap ang katulong. "She is Amber, the Lady of this house." Agad namang nabura ang ngiti ng katulong. "Pasensya na po, Master. Hindi ko po alam." Taranta itong yumukod na parang nakagawa ng malaking kasalanan. Puno naman ng pagtataka ang mukha ni Amber na pinaglipat-lipat ang tingin sa dalawa. Maya-maya lang ay bumaling sa kanya si Ashton Blumentrint. Walang kaemo-emosyon ang mukha nito. "She is Aya." "Hi Aya