Chapter 11 - Azalea

Baby Daddy

Naiwan kaming dalawa ni Maliah sa silid. Tahimik kaming pareho. Hindi ako makatingin sa kaniya lalo na’t alam kong sakin nakatutok ang mata niya.

Binuksan ko ang bibig ko pero walang lumalabas na salita. Hindi ko alam kung saan mag-uumpisa magpaliwanag, hindi ko alam kung anong sasabihin ko sa kaniya. Alam kong tanging paghingi ng tawad lang ang magagawa ko, pero hirap na hirap akong simulan.

“Are you really pregnant with his child?” sa maliit na boses ay tanong niya.

Napapikit ako at napahinga ng malalim.

There’s no point denying it. Ayaw ko na rin magsinungaling sa kaniya. Mali ako noong itinago ko ang nangyari samin ni Hue ng gabing iyon, at maling mali ako noong inulit ko pa.

Labis na pagsisisi ang nararamdaman ko ngayon dahil alam kong nasasaktan si Maliah, dumagdag pa na nagbunga ang nangyari sa pagitan namin ni Hue.

Hindi ko na alam kung anong gagawin.

I really messed up.