Share

Chapter 2

"Happy birthday, tita," bati ni Sabrina kay Olivia nang dumating na sila sa hotel kung saan sila magdi-dinner.

Niyakap at nagbeso-beso silang dalawa habang sina Roman naman at Arturo ay nagtapikan.

"Thank you, dear," magiliw na saad nito habang nakayakap sa kanya sabay tingin sa kanya mula ulo hanggang paa na para bang pinag-aaralan siya nito nang mabuti.

"You look so gorgeous tonight, honey!" compliment nito sa kanya habang hawak-hawak siya nito sa magkabila niyang braso.

Nahihiya namang napayuko na lamang siya habang ang asawa naman nito ay mabilis na sumang-ayon sa kanila.

"Thank you, tita," sabi naman niya habang nakakaramdam pa rin siya ng hiya.

"Sigurado akong mai-in love sa'yo ang unico hijo ko," dagdag pa nito na siya namang lihim niyang hinihiling na sana ay magkakatotoo.

"Nakakahiya naman, tita," sabi pa niya.

"Ano ka ba? Huwag kang mahiya, dapat pagdating niya ay makikita niya kaagad ang magandang poise mo."

Napangiti na lamang siya habang ang tatlong nakikinig sa kanila ay lihim namang napapailing.

"Paupuin mo muna 'yang si Sabrina para naman makapagpahinga ang mga binti niyan," sabad ni Arturo sa kanyang asawa.

Alam na alam ni Arturo ang kagustuhan ng kanyang asawang si Olivia na sana si Sabrina ang makatuluyan ng kanilang anak dahil halos ito na ang laging bukambibig nito.

Minsan nga, kinausap pa nito si Matthew kung kailan ang balak nitong ligawan si Sabrina na siya namang labis na ikinabigla ng anak pero kahit na ganu'n ay mas inintindi na lamang ng binata ang nararamdaman ng ginang.

Hindi niya masisisi kung bakit gustong-gusto ng kanyang asawa na maging manugang si Sabrina dahil bukod sa kagandahan nitong taglay ay mula pa pagkabata, alam na nilang mabait at masunurin itong anak. Magalang at talagang hinubog ng mga magulang sa mabuting pag-uugali.

Matulunging tao si Sabrina at taglay nito ang katangian ng isang babaeng maria. Mahinhin at maingat sa bawat katagang lumalabas sa mga labi nito.

Simpleng babae at mababaw lamang ang kaligayahan.

Kahit sinong mga magulang naman siguro ay nanaisin talagang ganu'ng uri ng babae ang mapapangasawa ng sariling anak upang masiguro ang kapayapaan sa loob ng magiging sarili nitong pamilya.

At alam nilang pasado si Sabrina sa standards na hinahanap nila para kay Matthew pero sa bandang huli ang anak pa rin nila ang masusunod. Ang puso pa rin ng binata ang magpapasya kung sino ang babaeng iibigin nito, kung sinong babae ang nanaisin nitong makakasama habang-buhay.

Kahit na ramdam din nilang may pagtingin nga talaga si Sabrina sa kanilang anak, hindi pa rin nila maaaring diktihan ang binata kung sino ang karapat-dapat na babaeng pag-aalayan nito ng puso nito dahil at the end of the day, si Matthew naman at ang magiging asawa nito ang magsasama at labas na sila du'n.

Ayaw naman nilang piliting isama ang dalawang puso kung in the first place, alam na nilang iisa lang du'n ang nagmamahal habang ang isa ang sukang-suka.

Inalalayan ng ginang si Sabrina upang makaupo nang maayos sa upuang napagitnaan ng dalawang upuang bakante.

Pagkatapos ay si Sylvia na naman ang lumapit kay Olivia upang bumati. Nagyakapan ang magkaibigan matapos iabot ni Sylvia ang regalo nilang magpamilya para sa kaibigan.

Maya-maya lang ay nagsiupuan na sila at habang nagkukwentuhan sila ay hinihintay naman nila ang pagdating ng binata.

"Hay, kailan kaya mapapansin ni Matthew ang ganda ng anak mo?" tanong ni Olivia kay Sylvia na siyang nagpayuko sa dalaga.

Masarap nga talaga sa pakiramdam kung alam mong botong-boto sa'yo ang mga magulang ng lalaking mahal mo pero mas masarap nga talaga kung pati siya ay boto rin sa'yo, botong-boto upang maging kabiyak nito.

"Kung tadhana talaga nila, darating at darating talaga 'yon," tugon naman ni Arturo para naman tumigil na ang kanyang asawa habang ang dalaga namam ay kunwaring umiinom ng tubig na nasa basong malapit sa kanya.

Habang nakadikit sa kanyang bibig ang baso, nagpapalipat-lipat naman ang kanyang mga mata sa mga nag-uusap, nakikimatyag at nakikinig sa mga ito.

"Nak, paano kaya kung ikaw na lang ang manligaw kay Matthew?"

Agad na naibuga ni Sabrina ang tubig na nasa bibig niya na siyang nagpapataranta sa lahat nang nandu'n.

"Oh, my god! Are you okay?" nag-aalalang tanong ni Olivia sabay tayo at lumapit sa kanya habang ang sarili naman niyang ina ay pinupunasan ang kanyang damit sa may bandang hita niya dahil natapunan din ito ng naibuga niyang tubig.

"Did I surprise you with my question, honey?"

"Haist! Ikaw kasi. Kung ano-ano na ang lumalabas diyan sa bibig mo. Ni hindi mo man lang pinag-iisipan bago mo sasabihin," paninisi ni Arturo sa kanyang asawa.

"Eh, ayaw kasi ng anak mo ang ligawan 'tong si Sabrina kaya ganu'n 'yong nasa isip ko. Malay mo, epektibo pala," katwiran ng ginang saka ito bumalik sa upuan nito habang si Sabrina naman ay inaayos ang sarili matapos matapunan ng iniinom na tubig.

"Hayaan na lamang natin ang mga bata. Iba pa rin kasi 'yong sila mismo ang magdedesisyon para sa sarili nila," sabad naman ni Roman nang hindi na ito nakatiis sa eksena.

Napasimangot naman si Olivia dahil pakiramdam niya, walang sang-ayon sa kanya kahit na alam naman niyang gustong-gusto rin ng mga ito na ang dalawa ang magkatuluyan.

"Gustong-gusto rin namin na magkakatuluyan ang mga anak natin, Mars kaya lang hindi naman maganda kung ipipilit natin sila sa isa't-isa," litanya naman ni Sylvia nang makita niyang nag-iba ang timpla ng mukha ng kaibigan.

"Hayaan mong ang tadhana na ang gagawa ng paraan para sa dalawa kung sila talaga ang itinakda ng tadhana para sa isa't-isa," dagdag naman ni Arturo.

Napatayo ang dalaga nang napagmasdan niya ang mukha ng ginang na talaga hindi nasisiyahan sa mga naririnig matapos nitong ipahayag nang diritsahan ang saloobin nito para sa kanilang dalawa ni Matthew.

Nilapitan niya ang ginang at mula sa bandang likuran nito ay bahagya siyang nag-bend sabay hawak niya sa magkabila nitong balikat at bahagya niyang inilapit sa kanang pisngi nito ang kanyang kaliwang pisngi.

"Birthday niyo po ngayon kaya dapat maging masaya po tayong lahat lalo na po kayo. Huwag po muna nating iisipin ang tungkol sa bagay na 'yon, tita dahil tama naman talaga silang lahat. Kung nakatakda kaming dalawa ni Matthew para sa isa't-isa, gagawa at gagawa pa rin talaga ang paraan para sa aming dalawa. Sa ngayon, huwag po muna nating unahan ang tadhana dahil maaaring ikakasama namin 'yon pareho," pahayag niya at kahit papaano ay napagaan ang kalooban ng ginang.

At nang magsasalita pa sana ang dalaga ay hindi na niya naituloy pa nang biglang bumukas ang pintuan ng room kung saan sila naroroon. Dahil mayaman ang pamilyang Santos, naka-VIP room sila para sa pag-celebrate ng kaarawan ng ginang.

"I'm sorry, guys. We're late."

Sabay silang napatingin sa may pintuan nang marinig nila ang boses ng lalaking naging laman ng usapin nila kani-kanina lamang. Si Matthew!

Pare-parehong napakunot ang kanila mga noo nang hindi lang ang binata ang nakita nilang dumating ng mga sandaling 'yon dahil may kasama itong isang babae na may katangkaran, may katangusan ang maliit nitong ilong.

Makinis ang mapuputi nitong balat na kahit gabi na ay naaaninag pa rin ang kakinisan nito.

Itim at mahaba ang matuwid nitong buhok at para bang pinaglalaruan pa sila ng tadhana dahil magkapareho sila ng damit na isinuot.

"Ma, happy birthday," agad nitong bati sa ina at bahagyang lumayo si Sabrina mula sa ginang nang lumapit dito si Matthew saka h*****k sa pisngi ng ina habang ang ginang naman ay nagtataka sa kung bakit mau babaeng dala ang kanyang anak.

"Thank you, son," sabi ng ginang habang ang mga mata nito ay hindi humihiwalay sa babaeng kasama ng anak.

"Hi, buds," baling ng binata kay Sabrina saka siya napahawak sa braso ng dalaga sabay tapik sa sa balikat nito.

"Hi," sapilitang sagot ng dalaga. Matapos siyang tapikin ng kaibigan ay nilagpasan lamang siya nito at lumapit ito sa amang nakamasid lamang sa kanila saka ito nagmano.

"Buti naman at nakarating ka," sabi nito.

"Oo naman. Birthday ngayon ni Mama kaya kailangan talaga akong makapunta. Hindi pwedeng wala ako," nakangiti nitong saad.

"Hi, tita, tito," bati nita sa mga magulang ni Sabrina at inisa-isa niyang nilapitan ang mga ito saka nagmano.

"Kaawaan ka ng Diyos," sabi naman ng mga mag-asawa at pagkatapos ay malaki ang ngiting nilapitan nito ang babaeng kasama at walang ano-ano'y hinawakan nito ang kamay nito. Hindi naman iyon nakaligtas mula sa mga mata ni Sabrina dahilan kung bakit unti-unti niyang nararamdaman ang maliliit na karayom, lihim na tumutusok sa kanyang munting puso.

"She's Alheia, my girlfriend."

Halos lahat ay nagimbal sa narinig mula sa binata. Halos lahat ay hindi makapaniwala. Halos lahat ay nabigla.

"Babe, they are my family," baling naman nito kay Alheia na nobya raw nito.

"Hi po," nahihiyang bati ng dalaga sa lahat ng nandu'n at walang ni isa man sa kanila anv nag-response sa bati nito na siyang lalong nagpahiya sa dalaga.

Pare-parehong nakaawang ang mga labi ng lahat ng nandu'n at parehong nakatingin sa babaeng kasama ng binata habang si Sabrina naman ay lihim na nasasaktan sa hindi inaasahang malalaman.

Nagpalipat-lipat ang tingin ni Matthew sa lahat ng nandu'n, ang ngiti at excitement na kanyang nadarama nang maipakilala na niya ang nobya sa mga ito ay napalitan ng pagtataka.

"B-bakit, m-may problema ba?" kunot-noong tanong niya sa mga ito. "H-hindi ba kayo n-natutuwa?" muling tanong pa nito.

Dahil sa tanong ng binata ay parang nagising naman ang diwa ni Sabrina. Agad siyang napatawa ng pagak sabay lakad palapit sa dalawa na nagtataka pa rin sa naging reaksiyon ng lahat.

"Ano ka ba, budz!" aniya saka niya inakbayan ang kaibigan kagaya ng nakagawian niyang gawin, "Siyempre, natutuwa sila kaya lang binigla mo kasi kaya ganyan ang naging reaksiyon nila," masigla niyang pahayag kahit ang totoo ay nagdurugo na rin ang kanyang puso.

"Masaya sila," sabi pa niya sabay palipat-lipat ng tingin sa lahat nang nandu'n, "Hindi ba masaya kayo para kay Matthew?" tanong niya sa kanilang mga magulang habang pasimpleng sinisenyasan niya ang mga ito na sumang-ayon sa pamamagitan ng patagong pagkindat.

"Oo naman! Masayang-masaya kami para sa'yo, Mat."

Mabuti na lang din at mabilis pumik-up ang kanyang ina. Tumayo ito saka masiglang kinamayan si Alheia para sabihing natutuwa nga sila para rito.

Tumayo na rin si Roman saka niya bahagyang tinapik ang balikat ng binata habang pilit na ngiti ang lumalabas sa gilid ng bibig nito.

"Pasensiya ka na, huh kung sa tingin mo, hindi kami natutuwa. Binigla mo kasi kami kaya natural lang na ganu'n ang naging reaksiyon namin kanina," pahayag ni Roman na siya namang nagpagaan sa kalooban ng binata.

Ang buong akala talaga ni Matthew ay hindi nagustuhan ng mga ito ang tungkol sa kanyang ginawa.

"Pasensiya ka na, hija. Ikaw pa lang kasi ang babaeng ipinakilala nitong si Matthew kaya talagang hindi namin napaghandaan kung ano nga ba dapat naming magiging reaksiyon kung sakaling may ipapakilala na si Matthew," baling naman nito sa nobya ng dalaga. Nais lamang ni Roman na hindi mararamdaman ni Alheia na hindi siya tanggap ng pamilya ng nobyo nito.

"Welcome to our family, hija," saad naman ng nanahimik na si Arturo at napangiti na lamang si Alheia. "Pasensiya ka na. Nabigla lang talaga kami pero huwag kang mag-aalala, hindi kami kumakain ng tao kaya huwag kang matakot sa amin," pabirong  dagdag nito at napatawa naman ang lahat maliban kay Olivia na nanatiling tahimik lamang habang nakaupo.

"Honey?" mahinang pagtawag ni Arturo sa kanyang asawa dahil wala pa rin itong imik hanggang sa mga sandaling 'yon.

Kaugnay na kabanata

Pinakabagong kabanata

DMCA.com Protection Status