Nagtatakang napatingin si Matthew sa kanyang ina nang wala pa rin silang natanggap na tugon mula rito. Talagang nabigla ito sa kanyang dalang balita, hindi naman kasi pumasok sa kanyang isipan na ganu'n pala ang magiging epekto ng balitang 'yon sa kanyang pamilya.
"Ma?" tawag niya sa ginang habang ang lahat ng nandu'n ay kakaibang atmosphere na ang nararamdaman sa kanilang paligid na unti-unting bumabalot sa kanilang lahat.
Napatingin si Sabrina sa ginang at nang makita niya ang mahigpit na pagkakahawak nito sa basong may lamang tubig ay nagmamadaling agad niya itong nilapitan saka niya hinawakan ang kamay nitong nakahawak sa may baso.
"Tita," tawag niya rito na siyang nagpagising sa diwa ng ginang.
Napangiti siya nang kaytamis nang napatingala ito sa kanya.
At nang makita ng ginang ang matamis niyang ngiti ay saka ito parang nagising mula sa mahimbing na pagkakatulog at agad itong napatingin sa kanilanv lahat.
Nang makita nito ang anak habang katabi nito si Alheia na ipinakilala nitong girlfriend ay agad itong napangiti at pinasigla ang mukha.
Mabilis itong napatayo sabay lakad palapit kina Matthew.
"Hi!" bati nito kay Alheia habang si Sabrina naman ay lihim na napatingin sa kanyang kamay na agad tinabig nang bahagya ng ginang nang tumayo ito upang lapitan sina Matthew at Alheia. Nakaramdam siya nang konting pagkadismaya sa ginawa ng ginang dahil pakiramdam niya ay wala na siyang halaga para rito dahil may nobya na ang anak nito.
"Alheia, right?" tankbg nito sabay lahad ng kanan nitong palad sa harapan ng nobya ng anak.
"Yes po, tita. Alheia Marquez," pagpapakilala ng dalaga sabay magiliw na tinanggap ang palad ng ginang.
"Pasensiya ka na sa naging reaksiyon ko kanina, huh. Talagang nabigla lang ako. Itong anak ko kasi, mula nang nagkaroon ng wastong pag-iisip 'yan, ngayon pa lang talaga may ipinakilalang nobya sa amin," nakangiti nitong pahayag na siya namang lihim na ikinatuwa ni Matthew dahil buong akala niya ay hindi gusto ng kanyang ina ang pagkakaroon niya ng nobya.
"Okay lang po 'yon, tita. Naiintindihan ko po kayo," mahinhin na saad ng dalaga. "Ah, siyanga po pala. Para po sa inyo," sabi nito sabay abot sa dala nitong paper bag sa ginang.
"Regalo ko po para sa inyo," dagdag pa nito at napangiti naman ng kaylaki-laki ang ginang nang tanggapin nito ang paper bag na inabot ni Alheia.
"Hay, naku! Nag-abala ka pa," sabi nito, "Ikaw naman kasi, Matthew hindi mo man lang sinuway 'tong girlfriend mo na huwag na siyang mag-abala pa," baling ng ginang sa anak.
Natutuwang lumakad palapit ang binata papunta sa kinatatayuan ng kanyang ina saka niya ito inakbayan.
"Nahihiya kasi siyang dumalo sa kaarawan niyo nang wala man lang siyang maibigay kaya 'yon, I let her buy her gift for you pero kung ayaw mo sa gift niya, I am willing to accept it," pagbibiro ng binata na siyang nagpatawa sa lahat nang nandu'n pati na si Sabrina kahit na nadudurog na ang kanyang puso.
"Ano ka? Para sa akin 'to tapos kukunin mo?"
"Kung ayaw niyo lang naman," pagtatama nito sabay ngiti sa ina.
"Mapapasma talaga tayo kapag ipinagpatuloy niyo pa ang pag-uusap niyo diyan," singit naman ni Arturo sa kanyang mag-ina.
"Nagseselos ang Papa mo," pagbibiro ni Olivia.
"Hayaan niyo po, Pa. Bibili kami ng maganda kong nobya nang para sa'yo," masayang saad ng binata sabay akbay kay Alheia.
"Ano ka ba, nakakahiya," pabulong na saway sa kanya ng nobya habang pasimple nitong tinatanggal ang kanyang brasong nakaakbay sa batok nito.
"Umupo na nga kaya kayo para makakain na tayo," sabi ni Arturo na agad namang sinang-ayunan ng asawa nito.
"Halika, dito ka sa tabi ko umupo," aya ni Olivia sa nobya ng kanyang saka niya ito inalalayang makaupo.
Umalis din naman si Sabrina mula sa kanyang kinatatayuan sa may bandang likuran ng upuan ng ginang saka siya lumapit sa umupuan na okupado niya kanina kung saan katabi niya ang kanyang kaibigan.
Napagitnaan nilang dalawa ni Alheia si Matthew habang nasa kabilang gilid naman niya ang kanyang ina na kanina pa siya pinapakiramdaman sa bawat kilos niya.
"Kumain ka, huwag kang mahiya," sabi ni Arturo kay Alheia.
"Thank you po," nakangiti nitong saad, "Tita, heto po. Masustansiya po 'to. Maganda 'to sa kalusugan niyo po," baling nito kay Olivia habang sinasalinan nito ng ulam ang ginang.
Hindi naman naiwasan ng ginang na mapatingin sa dalaga habang giliw na giliw ito sa ginagawang pagse-serve sa kanya ng mga sandaling 'yon.
Nakatingin naman ang lahat kay Alheia na para bang hindi inaasahan sa mga naging aksiyon nito.
"Ano bang trabaho mo?" tanong ni Olivia, "Ano kasi, alam na alam niya kung masustansiya ba ang pagkaing 'to," dagdag ng ginang nang mapansin nito ang pagtataka ng lahat kung bakit naitanong nito ang tungkol sa trabaho ni Alheia.
"Ma, doktor po siya." Si Matthew na ang sumagot sa tanong ng ina.
"Talaga? Alam mo bang pangarap din ni Matthew ang maging doktor noon?"
Napaawang ang mga labi ni Alheia nang marinig niya ang tungkol sa bagay na 'yon.
Oo, pangarap ng binata ang maging doktor sana noon kaso dahil may takot ito sa dugo ay hindi na ito sumugal. Mas pinili na lamang nito ang sundan ang yakak ng ama.
Ang pagiging negosyante!
"Talaga po?" manghang tanong ng dalaga. "Bakit hindi ko alam ang tungkol du'n?" baling nito sa katabi nitong si Matthew.
"Eh, hindi naman ako naging doktor kaya hindi na kailangan pang ungkatin ang bagay na 'yon," katwiran ng nobyo.
"Hayaan mo, kung gusto mong makahagip ng maraming kaalaman tungkol sa kanya, pwede mo 'kong tanungin anytime."
"Talaga po, Tita?"
"Yes, of course!" maagap na sagot ng ginang.
"Thank you so much po," masiglang tugon ni Alheia sabay hawak sa palad ng ginang.
Napatingin si Sabrina sa kanyang palad na nakapatong sa ibabaw ng kanyang mga hita nang maramdaman niya ang patagong pagdantay ng palad ng kanyang sariling ina.
Napangiti ito sa kanya nang napatingin siya sa mga mata nito na para bang sinasabi nitong okay lang 'yan, life must go on.
Gustong-gusto man niya ang umiyak sa harapan nito pero hindi niya magawa dahil sa takot na baka kung ano na lamang ang iisipin ng lahat sa kanya.
Kaya imbes na umiyak ay pinilit na lamang niya ang ngumiti upang iparating sa ina na okay lang siya kahit ang totoo, wasak na wasak na siya sa kaloob-looban.
"Oh, pa'no ihahatid ko na muna si Alheia sa kanila dahil hindi siya maaaring mapuyat dahil may duty pa siya," paalam ni Matthew sa mga ito matapos silang kumain at nasa labas na sila ng hotel para na rin makauwi.
"Tita, happy birthday po ulit," sabi nito kay Olivia.
"Ow! Thank you," maagap na sagot ng ginang.
"Tito, thank you din po," baling nito sa ama ng nobyo.
"You can see us again if you are free," sabi naman ni Arturo.
"Soon po kapag hindi na po ako busy sa hospital," tugon nito, "Alis na po kami," baling nito kina Sabrina.
"Sige, ingat," sagot naman ni Sylvia pati na ang kanyang asawa at si Sabrina.
"Budz, maaga ka bukas, huh?" bilin ni Matthew sa kaibigan na lingid sa kanyang kaalaman ay kanina pa pala durog na durog ang damdamin.
"Oo naman! Kailan ba ako na-late?" pagbibiro ng dalaga sabay ngiti nang matamis kahit na ang pait-pait na ng kanyang nararamdaman lalo na nang humawak sa braso nito ang nobya.
"Oh, siya. Mauna na kami," paalam ng binata saka ito agad na binuksan ang pintuan ng sasakyan nito sa bandang katabi ng driver seat at saka niya inalalayan ang nobyang makapasok nang maayos sa loob.
Pagkatapos ay agad din itong lumapit sa bandang driver seat saka nito binuksan ang pintuan at bago pa man ito tuluyang pumasok sa loob ay napatingin muna ito sa kanila sabay kaway.
Kumaway ang dalawang ginang at kahit na labag man sa kalooban ni Sabrina ay napakaway na rin siya.
Nang nawala na sa kanilang harapan ang sasakyan ng binata ay namayani ang katahimikan sa kanilang lima at ang tanging ingay na lamang galing sa dumadaang mga sasakyan pati na ang ingay na likha ng mga taong nasa paligid ang kanilang naririnig.
"Oh, pa'no alis na rin kami," basag ni Roman sa katahimkang namagitan sa kanilang lima.
"Mas mabuti pa nga para naman makapagpahinga na rin tayong lahat," saad naman ni Arturo.
"Alis na kami, Mars. Salamat sa pag-imbita niyo sa amin," magiliw na saad ni Sylvia sa kaibigan.
"Tita, salamat po. Happy birthday po again," sabi naman ni Sabrina, "Alis na po kami," dagdag ng dalaga at nang sasakay na sana sila sa kanilang sasakyan ay agad na tinawag ni Olivia ang dalaga.
Agad namang napahinto si Sabrina sabay lingon sa ginang. Mabilis na lumapit ito sa kanya at walang babalang niyakap siya nito nang mahigpit.
"Sana maintindihan mo ako kung bakit ganu'n ang naging trato ko kay Alheia, ayaw ko kasing masaktan ang anak ko," sabi nito habang yakap-yakap siya nito na para bang inaalo.
"Ano ba kayo, tita. Okay lang po ako. Walang problema sa'kin 'yon," pagsisinungaling niya nang kasabay nang pagkalas niya mula sa pagkakayakap sa kanya ng ginang.
"Kahit ako, nabigla sa nangyari. Pero, hiling ko pa rin na mahuhulog sa'yo si Matthew dahil ikaw talaga ang gusto kong makatuluyan niya," litanya ni Olivia habang hinahaplos-haplos niya ang pisngi ng dalaga.
"Tita, huwag niyo ho akong problemahi dahil okay lang po talaga ako. Masaya po ako para kay Matthew. Kung saan ho siya masaya, suportado ko po siya at sana, ganu'n din kayo sa kanya," nakangiting pahayag ng dalaga at hindi alam ng ginang kung ano ang dapat nitong mararamdaman.
Masaya siya kahit papaano dahil sa wakas, umibig na rin ang kanyang anak pero aminado siyang na-disappoint siya nang malamang hindi si Sabrina ang babaeng nagugustuhan nito.
Nalulungkot at nasasaktan din siya para kay Sabrina dahil kahit wala mang sinasabi ang dalaga sa kanila, ramdam niyang may lihim itong pagtingin sa kanyang binata at alam din niyang lihim itong nasasaktan ngayon dahil sa balitang inihatid sa kanila ni Matthew mismo.
Pero, wala na siyang magagawa tungkol sa bagay na 'yon dahil ang pangako nilang mag-asawa, kung sino man ang mamahalin ng kanilang anak ay labas na sila du'n. Hindi na sila mangingialam sa bagay na 'yon.
Nang nakauwi sa bahay ay mas pinili na lamang nina Sylvia at Roman na hayaan muna si Sabrina nang dumiretso ito sa kwarto nito matapos itong magpaalam na magpapahinga na.
Malalapad na ngiti ang ipinapakita ng anak sa kanila pero ramdam nila ang sakit na bumabalot sa puso nito, ayaw lang nitong umamin sa kanilang harapan.
Hanggang awa na lamang ang kanilang magagawa sa ngayon para sa anak pero alam nilang makakayanin din itong lagpasin ng dalaga. Malaki ang tiwala nila kay Sabrina!
Nang gabing 'yon ay walang ibang ginawa si Sabrina kundi ang umiyak na lamang. Kahit na pilitin man niyang pigilan ang mga luha ay sadyang hindi niya kaya dahil gusto talaga nitong lumabas mula sa kanyang mga mata.
Masakit para sa kanya ang malamang ang lalaking minahal niya sa loob ng ilang taon ay may ibang babaeng mahal na ngayon.
Ano pa nga ba ang kanyang magagawa maliban sa pag-iyak? Wala na. Kailangan niyang tiisin ang sakit at sikaping ipakitang okay lang siya at talagang masaya siya para sa kaibigan kahit hindi naman talaga.
"Ano? Maganda ba ang girlfriend ko?" nakangiting tanong ni Matthew sa kanya kinabukasan nang magkita sila sa loob ng kompanya nito.
"Oo naman! Bagay nga kayo, eh," tugon niya kahit na iba ang sinasabi ng kanyang kalooban.
"Really?!"
"Kailan ba ako nagsinungaling sa'yo?" balik niyang tanong.
Masiglang napalapit sa kanya ang binata saka siya nito inakbayan.
"Sa totoo lang, balak ko nang mag-propose sa kanya."
Parang biglang nag-slow motion lahat ng nasa paligid ni Sabrina nang marinig niya ang sinabi ni Matthew. Pakiramdam niya, pati ang bosesng binata ay nag-slow motion na rin dahil sa sakit na unti-unting bumabangon mula sa kanyang kaibuturan."Hoy! Naririnig mo ba ako?" tanong ni Matthew sa kanya na siyang nagpagising sa kanyang damdamin na unti-unti nang sinasaksak ng sakit na naidulot nito sa kanya."O-oo naman!" sagot naman niya sabay ngiti kahit na nasasaktan na siya."Eh, mukhang hindi naman, ah!""Nakikinig kaya ako," pagrarason pa niya."Eh, bakit mukhang hindi ka masaya para sa akin?"Diretsong napatingin siya sa mga mat
Nakauwi na si Sabrina sa kanilang bahay habang si Matthew naman ay napakalapad ng ngiti sa mga labi nito habang kausap ang nobyo nitong si Alheia. Dahil sa pagkagiliw niya sa nobya ay hindi na sumagi pa sa kanyang isipan ang mga taong nasa paligid niya.Ni hindi naman sumagi sa kanyang isipan na mahal na pala siya ng kanyang kaibigang si Sabrina na kasalukuyan nang umiiyak dahil sa sinabi niyang magpo-propose siya kay Alheia.Tahimik namang nakatayo lamang ang ina ng dalagang si Sylvia. Dinig na dinig niya ang paghikbi ng kanyang anak sa loob ng kwarto nito. Bilang ina ay hindi talaga niya kaya na hanggang pakikinig na lamang ang kanyang magagawa kaya dahan-dahan niyang binuksan ang pintuan ng kwarto nito at nang silipin niya ang anak ay nakita niya itong nakasandal sa gilid ng kama nito habang nakaupo sa sahig.Nakataas ang dalawang tuhod nito habang nakadikit naman sa sahig ang magkabila niyang paa. Nakapatong ang dalawa niyang magkahawak na braso sa ibabaw ng
“Ano sa tingin mo? Maganda kaya?” tanong ni Matthew kay Sabrina matapos nitong sabihin sa dalaga ang ideya nito kung papaano nito iso-sorpresa ang nobya para sa wedding proposal nito.“Okay lang naman siya. Maganda,” sagot naman ng dalaga.“Magugustuhan kaya niya?”Bahagyang nakatingalang tanong ng binata habang si Sabrina naman ay lihim na nasasaktan.“Hindi naman importante kung papaano ka nag-propose sa kanya, ang mahalaga du’n totoo ka sa nararamdaman mo,” litanya ng dalaga.Napapiksi na lamang si Sabrina nang bigla siyang niyakap ng kanyang kaibigan sa tuwa.“Masaya talaga ako dahil ikaw ang kaibigan ko. Sana, hindi ka na magbabago pa,” madamdamin nitong saad at sapilitan namang napangiti si Sabrina para naman masabi nito na okay lang siya at masaya rin siya dahil naging kaibigan din niya ito.Masaya rin naman talaga siya pero ang hindi lang niya maintindihan ay ku
Ang buong akala ni Sabrina ay maniniwala na sa kanya ang kanyang kaibigan pero hindi pala dahil matapos siya nitong lingunin ay napatawa lamang ito na para bang ginagawa nitong biro ang kanyang ipinagtapat dito.“Brin, alam kong pagod ka pero pwede bang huwag mo siyang gawan ng isang bagay na hindi naman niya magagawa?” natatawa nitong saad at masakit iyon para kay Sabrina dahil nais lang naman niyang mailayo ang binata sa mapanlukong si Alheia.“Nagsasabi ako ng totoo saýo. Hindi ko gawa-gawa ang bagay na ýon at alam mo kung anong klaseng tao ako, Matt kaya sana naman, paniwalaan mo ako kahit ngayon lang,” pagsusumamo pa niya pero talagang hindi na naniniwala pa sa kanya ang kanyang kaibigan.Ganito nga siguro kapag sobrang nagmamahal, nakakabulag at nakakabingi!Naglakad palapit sa kanya ang binata saka siya nito matamang tinitigan sa kanyang mga mata.“Thank you for your information. Alam kong concern
Nang maayos nang naibaba ni Matthew ang kanyang kamao ay mapagkumbabang binalingan ni Sabrina ng tingin ang mga kalalakihan lalo na ang sinapak ng kanyang kaibigan.“Pasensiya na kayo, lasing lang siya at hindi niya alam kung ano ang kanyang ginagawa,” paghingi niya ng paumanhin.“Ilayo mo na ýan mula rito dahil baka kung ano pa ang magagawa namin diyan,” sabi ng isa sa mga ito habang nakahawak ito sa kabilang braso ng kaibigan nitong nasapak ng binata.“Anong sabi mo?!” galit na tanong ni Matthew pero agad naman niya itong binalingan.“Tumigil ka na,” saway niya saka niya ito pinandilatan ng mga mata.“Pasensiya na po talaga sa inyo ulit,” muling paghingi ni Sabrina ng paumanhin sa mga ito. Mabuti na lang at hindi ganu’n kainit ang ulo ng mga ito kaya imbes na manggulo at gumanti dahil sa ginawa ni Matthew ay mas pinili na lang ng mga ito ang pagpasensiyahan na lamang sila.
“What? No!” sigaw ni Matthew sabay tayo. Napatingin ang lahat sa binata habang si Sabrina naman ay nanatiling nakayuko at pilit na pinipigilan ang sarili nitong mga luha sa pagdaloy.“Matthew!” awat ni Arturo sa anak.Nahihiya naman ang mag-asawa nang napatingin ang mga ito sa mga magulang ni Sabrina. Napailing na lamang din si Roman dahil sa inasal ni Matthew ng mga sadaling ýon.“Hindi ako papaya na makasal kau Sabrina. Ma, alam naman ninyong kapatid lang ang turing ko sa kanya at kahit kailan, hindi na ýon magbabago pa,” katwiran ng binata na siyang lalong sumaksak sa puso ni Sabrina nang lihiman.“If you don’t love her then, why did you sleep with her?!” singhal na tanong ni Slyvia sa anak na gustong magrebelde sa kanila.“I was drunk last night. I was unconscious. I was not in-----”“Kahit ano pang sasabihin mo, sa ngalan na nakipagsiping ka sa kanya,
Pagkatapos ng kanilang secret wedding ay mas pinili ng dalawa na dumiretso na lamang sa Boracay para sa kanilang honeymoon. Ang nasabing honeymoon ay pinlano rin ng ina ni Matthew. Wala na rin sa kanilang kukuti na magkakaroon pa sila ng kasiyahan pagkatapos ng kasal dahil alam naman nila na magmumukha lang silang namatayan dahil sa mga nangyayari sa kanila.Walang imikang na namamagitan sa kanilang dalawa habang nagba-biyahe sila papunta sa kanilang destinasyon. Hindi rin magawa ni Sabrina ang ibuka ang kanyang mga bibig para magsalita dahil sa takot nab aka bulyaw lang ang kanyang matatanggap na tugon mula sa kanyang asawa lalo na at wala talaga ito sa mood na makipag-usap matapos itong ikasal sa kanya ng sapilitan.Hanggang sa mga sandaling ýon ay hindi pa rin talaga mawala-wala sa kanyang isipan na ang labis na pagsisisi kung bakit mas pinili niya ang kagustuhan niyang matikman ang higpit na yakap ni Matthew pati na ang matikman ang tamis ng bawat halik nito
Nanatili siyang nakatitig sa kanyang asawang maghimbing nang natutulog ng mga sandaling ýon. Dahan-dahan niyang inihakbang ang kanyang mga paa papalapit sa kama at nang nakalapit na siya ay dahan-dahan naman siyang umupo sa gilid nito saka niya tahimik na pinagmamasdan ang mukha ni Sabrina. Ang mukha nap uno ng saya at tawa noon na naging malungkutin na ngayon dahil sa mga nangyayari sa kanilang dalawa.Masisisi ba siya kung hindi naman talaga niya ginusto kung anuman ang mga namagitan sa kanilang dalawa?Oo, mahal niya ito hindi bilang isang babae kundi bilang isang kaibigan at kapatid. Kahit kailan ay hindi talaga sumagi sa kanyang isipan na mangyayari sa kanilang dalawa ang bagay na ‘to. Wala sa isipan niyang darating ang panahon na magiging asawa niya ito nang dahil sa isang gabing pagkakamali.Kailanman, wala sa kanyang bokabularyo ang saktan ito pero anong magagawa niya kung nang dahil dito ay masisira ang kanyang mga pangarap para sa kanilang