Ch. 136

Makalipas ang ilang oras matapos makatakas ni Atanasha sa mansion ay bigla na lamang naalimpungatan si Angel mula sa kanyang mahimbing na pagkakatulog. Ilang minuto niya munang hinayaan ang sarili na makapag adjust ang katawan bago siya dahan dahang bumangon.

Agad siyang napahawak sa kanyang sintido ng bigla na lamang itong kumirot at nag dala ng sobrang hilo sa kanya, kaya naman muli niyang ipinikit ang mga mata at bahagyang hinilot ang kanyang ulo upang pawalain ang hilo na kanyang nararamdaman.

Matapos ang ilang minutong paghihilot sa kanyang ulo ay muling iminulat ni Angel ang kanyang mata at bumungad sa kanya ang mga bote ng alak na kanilang iniinom kanina. Napansin niyang wala na si Atanasha sa kanyang tabi kaya agad siyang napatingin sa kama ngunit wala rin ito rito.

"Gaano katagal na ba akong natutulog?" Tanong niya sa kanyang sarili.

Napag desisyonan niyang hanapin ang kaibigan kaya naman dahan dahan siyang tumayo at nag tungo sa harap ng banyo. Muntikan pa siyang matumba dah