Special Chapter - Second Pregnancy

"Is this always been hard?" he asked worriedly. Nasa banyo kami ngayon dahil ilang araw na akong nagsusuka. I'm pregnant with our 2nd baby. Noong una naman ay hindi naman ako masyadong pinahirapan ni Jamie sa pagbubuntis pero hindi ko alam kung bakit ngayon sobrang selan at sensitive ko. 

"Hindi. Okay naman ako noon kay Jamie." muli akong naduwal. Hawak ni Anthony ang buhok ko para hindi masukahan habang hinihimas niya ang likuran ko. 

"Mama, ito po yung water niyo." lumapit si Jamie sa akin at kagaya ng ama ay kita ko sa mukha niya ang paga-alala. 

Naging maayos naman ang pakiramdam ko. Bukod sa pagsusuka ay madalas din ako mag crave ng mga pagkain lalo na bandang madaling araw kaya si Anthony ang madalas kong naaabala. 

Ayos lang naman daw sa kanya kahit anong ipabili, iutos, at sa kahit anong oras. Actually ay mas masaya pa siya kapag nasusunod niya ang mga gusto ko dahil gusto niya ring bumawi sa mga pagkukulang niya sa amin noon.