Share

CHAPTER 3 – WICKED PLAN

“DID I hear it right?” halos magsalubong ang makapal na kilay ni Kaden sa narinig.

Nikole giggled. Inaasahan na niya ang reaksyon na ito mula sa kanyang kaibigan. Paano na lang ang mga susunod niyang sasabihin?

“Yes, you heard it loud and clear. And for that, I need to prepare my bed skills. Ayoko naman na parang estatwa lang ako kapag nag-go-all-the-way na kami ‘di ba? I have to level up my game!” She sounded enthusiastic.

Kaden cleared his throat as if trying to calm himself. Mariin ito napapikit na para bang biglang sumakit ang ulo sa mga narinig mula sa kanya.

“Are you that desperate? Do whatever you want, bahala ka sa buhay mo. Malaki ka na, hindi ka naman nakikinig sa akin.” Nagbuga ng hangin ang binata.

“Cross is hot, don’t you think? Hindi rin naman siya lugi sa akin ‘no!” Namilog ang kanyang mata.

“You’re out of your mind. Umuwi ka na at magpahinga. You’re just exhausted.” Pagtataboy nito sa kanya.

“I’m not yet done, Kade. Ni hindi mo pa nga naririnig ang mga plano ko.” Nagningning ang kanyang mata sa mga itinatakbo ng isip.

“I’m not interested,” supladong anas ng kaibigan. Uminom ito ng tubig mula sa tumbler na nakapatong sa mesa nito.

“Come on, don’t be a killjoy! I expect you to help me learn the proper etiquette in bed. Sa ’yo lang naman ako may tiwala. Better teach me na. Or kung hindi ka naman papayag, I guess I need to hire at least five men, a harem. They’ll be useful, aren’t they?”

Biglang nasamid si Kaden at muntik nang maibuga ang tubig sa mukha ng dalaga. Nahaplos nito ang dibdib para makabawi.

“A what?! You’re crazy! Alam kong pasaway ka pero ni hindi ko inisip na aabot dito ang kabaliwan mo. Do that and I won’t hesitate to tell your dad.” Pinanlakihan siya nito ng mata.

“Are you threatening me? Oh, well. I don’t mind even if you tell Dad about this. As long na wala akong inaapakang tao, besides hindi ko rin naman ipapahamak ang sarili ko.” Inismiran niya ito.

Marahas na nagbuntong-hininga si Kaden. “I get it you are heart-broken right now. But being this wild is not the best solution to move on. Magpahinga ka muna, saka na tayo mag-usap.”

“Fine! I’ll go barhopping tonight. I’ll start looking for guys to fill my harem.” She rolled her eyes heavenward.

She witnessed how Kaden flexed his jaw, but he remained silent.

“Okay, do whatever you want. It’s your body. Just be careful,” anito pagkaraan ng ilang sandali.

She heaved a sigh. “Yeah, right. I’m going.” Tuluyan na siyang tumalikod sa binata. Laglag ang balikat na pinihit niya ang doorknob at lumabas sa opisina ng kaibigan.

Kaden might think that until now, she was immature. Siguro nga padalos-dalos siya pero kailanman ay lagi niyang pinaninindigan ang kanyang mga naging desisyon.

Kasalanan ito ni Alex, kung hindi lang siya nito niloko ay hindi siya makakaisip nang ganito. He loved that bastard! Nagtiwala siya at nagpadala sa matatamis nitong salita. Hindi talaga siya makapapayag na hindi makaganti sa panloloko nito. Naging matinong girlfriend naman siya rito, pero dahil lang masyado itong atat na matikman siya, hindi na nakapaghintay.

Hindi naman siya nagsisisi sa pagiging conservative niya dahil ganoon siya pinalaki ng kanyang ama. Although she constantly gave her father a headache when it comes to dealing with people. Wala kasi talaga siyang sinasanto at ramdam niyang halos lahat ng mga taong nakapaligid sa kanya ay ilag na makabangga siya.

INIS na sinipa ni Nikole ang maletang dala niya nang makarating siya sa kanyang townhouse. Kapag ganitong hindi siya makapag-focus, hindi rin siya magiging productive. Nanginginig pa rin siya sa galit nang maalala ang kanyang manlolokong kasintahan.

Lalo siyang nangalaiti nang makita ang niyang rumehistro sa kanyang cellphone ang mukha ni Alex. Tumatawag ito gamit ang account nito sa social media. Malamang alam na nito na siya ang may gawa ng kaguluhan sa condo unit nito.

Damn! Nagtangis ang kanyang bagang at inis na ini-off and cellphone at ibinalibag sa kama.

The audacity of her ex-boyfriend to call her after spending the night in the arms of another woman! Malay ba naman niya kung matagal na siya nitong niloloko? Ang kapal ng mukha! Samantalang halos sambahin na siya nito noong nililigawan pa lang siya.

Namalayan na lang niyang tumutulo na ang kanyang luha dahil sa matinding sama ng loob. She trusted him. Kahit hindi masyadong pabor dito ang kanyang ama pero gumawa siya ng paraan para tuluyan itong matanggap ng daddy niya.

Nikole decided to take a hot shower to soothe her nerves. Inubos na niya ang luhang nais kumawala sa kanyang mata para gumaan ang pakiramdam niya. She was calm when she put on her night dress. Siguro nga kailangan na niya ang magpahinga.

Nakahiga na siya nang marinig ang sunod-sunod na doorbell. Kunot-noong bumangon siya at tiningnan kung sino ang nasa labas.

Lalo lang siyang napasimangot nang mapagsino ito. Rumehistro kasi ang mukha nito sa digital monitor sa gilid ng pinto.

Si Alex.

“Nikole, I know you’re in there. Please, let’s talk.” Tumingin si Alex sa camera.

Talk to your face! She raised her hand and made a dirty finger in front of the monitor.

Walang plano si Nikole na pagbuksan ito. Manigas siya!  

Nagmartsa siya pabalik sa kanyang kuwarto at tahimik na nahiga. Kinuha niya ang kanyang earphone at nagpatugtog ng classical music. Wala siyang pakialam kay Alex. Wala na silang dapat na pag-usapan.

Hindi niya namalayan na nakatulog na pala siya. Nagising siya bandang hatinggabi. Tinungo niya ang kusina at nagtimpla ng gatas.

Napapitlag siya nang muling tumunog ang doorbell.

What the heck?

“Hey, Nikole. Are you awake now?”

Si Alex ulit.

Bilib naman siya sa tiyaga ng lalaki at hinintay talaga siya. Nagkunwari siya na hindi ito naririnig hanggang sa nainis na siya dahil maya’t-maya itong nagdo-doorbell.

Sinaid muna niya ang tinimplang gatas bago nagdesisyong pagbuksan si Alex.

“What?” she said in an icy voice.

“Thank God! You finally open the door.” Tila naman lumiwanag ang mukha ng lalaki. Akma siya nitong yayakapin pero mabilis siyang umiwas.

“Don’t touch me, cheater!” Pinalakihan niya ito ng mata. Sinikap niyang maging kalmado.

“I’m so sorry. Let me explain, please.” Alex looked miserable. Kung paiiralin niya ang puso, tiyak na paiikutin na naman siya nito. Hindi na siya nito madadaan sa matatamis nitong salita, tutal ngayon kumbinsido na siyang eksperto rin ito sa panloloko.

“Explain what? That you’re having a one-on-one conference in bed with that bitch?” she chuckled and looked at him with disgust.

“Look, I wouldn’t be here if I’m not serious about our relationship. I admit what I did was wrong.”

Napaangat ang isang kilay ng dalaga. “So, are you expecting that I’d jump in joy just because you waited in front of my door for approximately four hours? How sweet.” Nang-uuyam niyang sabi. Akma niyang isasara ang pinto pero naging maagap si Alex na pigilan siya.

“Please, Nikole. I’m sorry, please forgive me. Hindi na mauulit. I love you so much. I won’t do it again, promise.”

Natawa nang pagak si Nikole. “Wow, saan ka ba humuhugot ng kapal ng mukha? What makes you think that I’ll forgive you? We’re done.”

Nagtangis ng bagang si Alex. “I only did it since you wouldn’t let me do it with you. May pangangailangan din naman ako, Nikole.”

Napanganga ang dalaga at hindi makapaniwala sa narinig. “I never knew you’re this shallow, Alex. I can’t believe you only stay in this relationship just because of my body. Tapos na tayo. Huh, this would be good riddance!”

Tumalikod si Nikole at bago pa niya tuluyang maisara ang pinto. Narinig pa niya ang huling sinabi ni Alex.

“No man can stay with a woman as frigid as you. Sex is normal between couples, and I can’t believe you’re so old-fashioned that I can’t stand it.”

Nangangalaiti si Nikole na hinarap ang lalaki. “Go to hell!”

Alex smirked. Tiningnan siya nito mula ulo hanggang paa at tuluyan na siyang tinalikuran.

Pabalibag niyang isinara ang pinto at mariin niyang ikinuyom ang kamao.

Frigid? How dare Alex says that in her face!

Lalo lang siyang nagkaroon ng lakas ng loob para isakatuparan ang naisip niya. Bubuo talaga siya ng harem para ma-enhance ang kanyang sexuality, at kapag natuto na siya. Una niyang target si Cross!

Kaugnay na kabanata

Pinakabagong kabanata

DMCA.com Protection Status