KABANATA 28

Clifford's Point of View

"PARE!" bulalas n'ong isa sa kapitbahay namin ng makita akong nasa balkonahe ng inuupuhan naming maliit na kuwarto malapit lang din sa condominium kung sana kami nakatira dati. Lintik kasi 'tong si Aikeen pakialamera. Imbes na wala akong prinoproblema sa buhay dahil sa sagot lahat ni Meg ay nangialam pa.

"Oh? Anong problema mo? Wala kaming ulam kaya sa ibang bahay ka na lang humingi ng pulutan mo," sagot ko naman bago ko ibuga ang usok ng sigarilyong hawak-hawak ko.

"Balita ko birthday ng bunso n'yo, ah? May pa-catering daw 'yong jowa n'yang may-ari ng Estrellas. Bakit hindi kayo humingi roon?"

"Sino naman ang nagbalita sa 'yo n'yan? Ano bang petsa ngayon? Birthday ba ni Meg ngayon, Patricia!?" pagkakausap ko sa kapitbahay namin bago ako sumigaw sa asawa ko. Lumabas silang tatlo kasama ng dalawa naming anak.

"28. Birthday talaga ni Meg ngayon hindi ba tayo pupunta roon? Nagsab