Chapter 6

EVERLEIGH

Bigla ay napamulat ako ng mata at napatingin sa mga bula na nasa aking harapan dahil sa pagbukas ng bibig ko. Nanlalaking matang tinignan ko pa iyon.

Mula sa ilalim ng tubig ay nakita ko ang mga nahuhulog na bala ng baril mula sa itaas. Baril?!

Mabilis akong lumangoy paitaas at napasigaw matapos bumulaga sa akin ang lalaking may hawak na baril at mabilis na kinasa 'yon at tinutok sa akin.

"What the f*ck!" halos maputol ang litid nito sa leeg matapos niyang sumigaw dahil sa gulat.

Nanginginig akong lumayo, "H-Huwag please." umiiyak kong pagmamakaawa ngunit wala man lang nagbago sa ekspresyon ng kan'yang mukha.

Seryoso iyong nakatingin sa akin at napasigaw ako muli ng mabilisang niyang itutok ang barik sa akin at paputukin na iyon ng tuluyan.

Para akong bata na umiiyak dahil sa takot. Hindi ko na magawang huminga ng maayos at matigil sa panginginig.

Naalala ko bigla ang nangyari bago ito. Si kuya! Nasaan siya?!

<