Chapter 7

EVERLEIGH

"Ako nga pala si Tobias at iyong lalaking hindi man lang nagdahan-dahan sa 'yo ay si Alistair. Pinsan niya si boss Alcair."

"Wala akong paki," bulong ko at narinig ko ang mahina niyang tawa at ramdam na ramdam ko ro'n ang inis.

"Bago pa kayo magkwentuhan ni boss, bakit hindi muna tayo ang magkwentuhan, 'di ba?" tanong ni Tobias ngunit 'di ko siya pinansin at sinuksok pa lalo ang sarili sa isang sulok.

"H-Huwag mo 'kong hawakan," nandidiring bulong ko at iniiwas sa kan'ya ang aking mukha matapos niyang ipadulas ang hintuturo niya pababa sa aking ilong.

Nakakadiri ang pagiging malambing ng boses niya. "Lumayo ka sa a-akin!" sigaw ko at itinulak siya. "Huwag mo akong lalapitan!"

"Ang arte mo, ah! Diring-diri?!" sigaw na tanong niya at nang akmang sasampalin niya ako ay may biglang dumating.

"May permiso ko ba para pagbuhatan mo siya ng kamay o ang kahit idampi ang balat mo sa balat niya?" nanindig ang balahibo ko sa b