Chapter 5

“NAKAKAINIS ka! Nakakainis ka, Baron!” Paulit-ulit na sinasabi ni Anastacia sa bungal na batang si Baron na ngayon ay nakayuko matapos kagalitan ni aling Vecky. Narito silang lahat sa bahay ng matanda habang may ice pack na nakapatong sa ibabaw ng pantalon ni Alessandro na napakatalim ng tingin sa bata.

Hindi naman makagalaw si Carla sa kaniyang kinauupuan habang palihim na pinagnanasahan ang kasintahan ng kaniyang kaibigan.

“Hahalikan ka kasi niya,” nakasimangot na pangangatuwiran ng bata.

Pumadyak si Anastacia. “Natural 'yon, tanga! Jowa ko 'yan e!” Itinuro niya pa si Alessandro na awtomatikong nangunot ang noo. Tinangka niyang kumilos ngunit masakit talaga ang kaniyang pagkalalaki. “Merda!”

“Ano raw?” tanong ni Carla na hindi pinansin ng dalaga.

Agad niyang nilapitan ang kasintahan at marahang hinaplos ang pisngi nito. Namungay naman ang mga mata ng binata dahil sa nakikitang pag-aalala sa mukha ng dalaga.

“Let's go to the hospital,” aniya sa binata. Kinakabahan talaga siya. Paano