Capítulo Siete: The Cafeteria Incident 2.0

Hindi naman pala kasingsama ng ugali ni Ma’am Cruz ang iba ko pang subject teachers dahil sila mismo ang nagsabing umuwi na muna ako dahil sa nangyari sa Guidance Office pero ako na ang umayaw sa offer nila.

Pabida si Betty kaya sinabi niyang tutulungan niya ako sa parusa ko kahit na sinabi ko ng hindi ko kailangan ang tulong niya at umuwi na lang siya pero hindi talaga siya nakinig sa akin. Sabi pa nga niya sa akin ay, “What are friends are for?” sinupalpal ko nga siya ng pabalang na sagot at sinabing hindi naman kami magkaibigan pero ngumiti lang siya kahit kitang-kita ko sa mga mata niyang nasaktan ko siya dahil sa sinabi ko.

Pagpasok namin sa cafeteria ay wala ng tao bukod sa ilang trabahador na papauwi na at hinintay lang talaga ako para i-brief at i-orient ako sa kung ano ang dapat na gawin ko.

“Gets niyo po ako, Ma’am?” Kumurap-kurap lang ako bilang sagot sa tanong ng babaeng crew.

“No