Chapter 22

“Liana pwede ba kitang tanungin?”

“Tungkol ho saan Aling Perla?”

Pinakiusapan niya itong sumaglit sa ospital dahil mag-aayos siya ng release papers ng kapatid.

Nang makausap niya si Dr. Guillermo kahapon, ibinalita nitong pwede na niyang ilabas si Lester. He recovered pretty well na ikinatuwa naman niya ng husto.

Ang sabi pa ng doktor, once a month ay magkakaroon ito ng check-up until maging clear na talaga ang CT-scan nito.

“Tapatin mo nga ako, Liana… Saan ka talaga kumuha ng pampa-opera ni Lester?” mahina ang tinig nito upang di sila marinig ng mga kasama nila sa kwarto.

Huminga siya ng malalim bago tinitigan ang matandang babae. “Hindi na ho iyon mahalaga. Ang importante po maayos na si Lester,” aniya.

“Hindi sa nanghihimasok ako sa mga desisyon mo dahil alam ko namang kung aasahan mo ang walang kwenta mong ina, baka hindi naoperahan ang kapatid mo. Pero Liana… ang sa akin lang mag-iingat ka sa mga ginagawa mo… Hindi lahat ng tao ay mabait kagaya ni Mrs. Enriquez. Ang iba sinasaman