Chapter 78

“Mommy pede hilam phone?” tanong ni Leyra sa kanya ng lapitan siya nito habang nanonood siya ng tv.

Kunot-noong sinulyapan niya ang anak.

“Bakit Baby, sino ang tatawagan mo?” tanong niya dito.

“Tawag po ako kay Daddy. Di s’ya tawag ngayon sa ‘kin, eh…” tila nagsusumbong na tugon niya.

Napahugot naman siya ng malalim na hininga at hinarap ang anak.

“Baka may ginagawa lang si Daddy ngayon kaya hindi ka niya natawagan,” paliwanag n’ya dito.

“Eh sabi n’ya po tawag ako sa kanya kapag namimiss ko siya. Miss ko na s’ya Mommy,” katwiran pa nito.

Ako rin. Miss ko na rin ang ama mo. Mabilis na tugon ng kanyang isip pero hindi niya iyon isinatinig.

“Gusto mo text na lang muna natin siya?” sa halip ay tanong niya rito.

“No,” kaagad na sagot nito kasabay ng pag-iling. “Gusto ko tawag,” nanghahaba na ang ngusong dagdag pa nito.

“Leyra… what did Mommy told you about your Dad?” malumanay na tanong niya dito.

Hindi naman sa lahat ng pagkakataon ay palaging masusunod ang gusto ng kanyang anak. Kailanga