Chapter 20

CHAPTER 20

4 YEARS LATER…

“Mommy!”

Natigilan si Joana sa pagtipa sa kanyang laptop nang marinig niya ang malakas na tili ng kanyang tatlong taong gulang na anak. Agad siyang nag-note ng excuse sa meeting kung saan nagsasalita ang supervisor nila sa office.

Agad niyang pinatay ang camera at kumaripas ng takbo papunta sa kwarto ng baby niya na ang kulit-kulit kahit tatlong taon pa lang.

Naabutan niya itong nakaupo sa sahig habang ang laruan nitong barbie doll ay nakahiwalay na ang ulo sa katawan.

“What happened.”

“Bad barbie.”

“Ha? But this is your favorite.”

“Not eynemor. Don’t bend’

Napasintido siya sa kaartehan ni Nadia na nagsasalubong pa ang kilay habang matalim ang tingin sa kawawang barbie doll na binalian na nito ng leeg dahil lang sa hindi lang makakurba ang likod na parang ballerina.

“Baby, di ba sabi ko sa ‘yo, behave ka lang ngayon dahil may work si Mommy?”