Chapter 31 - Confession

Pagkatapos namin kumain ako ang nag-drive pabalik. Nakatulog din siya habang pauwi na kami. Nagtataka ako kung bakit dumugo ang ilong niya. Kinakabahan din ako kanina kasi ang tagal ng pagdurugo ng kanyang ilong.

Napatingin ako habang tulog siya, medyo namumutla ang labi niya kaya kinakabahan ako. Hindi ko alam kung saan ko siya ihahatid. Ayaw ko naman siyang gisingin dahil ang sarap ng tulog niya.

Kaya huminto kami sa harap ng bahay namin at hinintay siyang magising. Ayaw ko istorbohin ang tulog niya. Tinititigan ko lang siya tapos napansin ko na pumapayat siya. May sakit kaya siya?

"B-Bakit hindi mo ako ginising?" nagulat ako dahil gising na siya.

"Ang sarap ng tulog mo eh." Sagot ko sa kanya.

"Bababa na ako para kunin na ang mga gamit sa likod." Sabi ko at akmang bababa siya pero pinigilan ko.

"Wag na. Lumipat kana lang dito at ako na magbababa ng gamit ko." Sabi ko dahil yung mata niya paramg inaantok pa.

Kaya kinuha ko na ang mga gamit sa likod at isa-isa ko ibinaba ang tatlong