Art of Destiny XVI

____

ILANG sandali na lang ay magsisimula na ang seromonya ng kasal. Lahat ay bihis na bihis na at eksayted liban kay Jino na naroon lang sa kuwarto niya at nagmumukmok. Natapos ang gabi nang hindi niya nakakausap ang Mommy niya o kahit ang Daddy niya.

Sinubukan niya ding kontakin sina Joshua at Chen-Chen ang kaniyang mga tita at tito sa Palawan pero maging ang mga ito ay unattended.

Wala siyang nararamdaman ng cold feet pero mas masahol pa itong nararamdaman niya ngayon. Supposed to be ay dapat nandito na ang pamilya ng mommy niya pero walang anino ng mga ito.

Nadatnan siya ng kaniyang Lolo Ronaldo at Lola Zen na nasa ganoong sitwasyon.

“Having a cold foot?” untag ni Lola Zen na unang bumungad sa nakasarang pinto ng kaniyang kwarto. Napalingon din siya sa pintuan pero saglit lang.

Hindi na muna niya sinagot ang tanong na iyon. Sa halip ay tahimik na bumalik sa dating posisyon. Nakataas ang dalawang tuhod niya sa ibabaw ng kama . ang dalawang kamay naman niya ay nakapatong sa iba