Kung and Makati City ay may Forbes Park, ang San Juan ay may Greenhills, at Ayala Alabang Village naman ang sa Muntinlupa, ang Tarlac City ay mayroong Moon Village. Kilala rin sa tawag na Moonville, isa itong private subdivision and gated community na sikat hindi lamang sa buong probinsiya kundi maging sa mga karatig bayan ng Tarlac. At katulad ng mga nasabing subdivision, puro mga mayayaman at kilalang mga pamilya din ang nakatira sa Moonville. Halos lahat ng pinakamayamang pamilya sa Tarlac ay sa Moonville nakatira. Ang mga bahay dito ay sari-sarili ang disenyo. Walang itinalagang batas ang pamunuan ng subdivision pagdating sa tema ng bahay na gustong itayo ng mga may-ari. Kung ano ang gusto ng homeowner, pwede nilang ipagawa. Wala ring limit ang laki ng lupa na pwede mong bilhin sa Moon Village. Kahit isang ektarya pa ang bilhin mo, basta kaya mong bayaran, pwedeng mapasayo. Isa sa mga mayayamang pamilyang nakatira doon ay ang mga Martine

Hindi na nga nahabol pa ni Angel si Paolo. Wala siyang nagawa kundi ang hayaan na lang itong umalis at mag-transfer sa Manila. Not that she can change his mind, but at least she tried. She's beginning to think this day sucks. First is her aching foot dahil sa pagkatapilok niya kanina. Ngayon siya nagsisi na iyong stiletto sandals pa ang napili niyang isuot. Nakalimutan din niyang magbaon ng comfy shoes sa kotse kaya talagang naiinis siya sa sarili ngayon. Then the dreaded eating-lunch-in-the-cafeteria-alone. Oo, mag-isa lang siyang kumakain ng tanghalian sa university cafeteria. Hindi na kasi magtugma ang schedule nila ni Alex simula noong mag-college na siya. Wala naman siyang mayayang iba at wala rin namang gustong yayain siyang sumabay sa kanilang mag-lunch. Unlike her sister na kahit sino ay kaya nitong gawing kaibigan, she doesn't have friends. Isali pa sa hindi magandang pangyayari sa araw na iyon iyong professor n

Nanatiling nakatitig lamang si Alex sa monitor ng kanyang MacBook Pro. Hindi niya alam kung ano ang gagawin sa bagong notification na kanyang natanggap. Isa itong Friend Request, mula doon sa lalaking nakilala niya kanina sa CPRU – si Richard Quinto. Katatapos lamang niyang makipagwentuhan sa kanyang mga kaibigan sa Twitter nang maisipan niyang bisitahin naman ang kanyang Facebook account. At pagbukas nga niya noon ay nakita niya ang ilang Friend Request na naghihintay sa kanya para i-approve niya. Isa na nga doon ang mula kay Richard Quinto. Si Richard naman ay muling napatayo mula sa pagkakaupo sa kanyang upuan sa may study table. Nagbalik siya sa disposisyon niya kanina na parang hindi mapakali o hindi alam ang gagawin. Manaka-nakang tumitingin siya sa monitor ng laptop niya at sinisilip kung ano na ang status ng kanyang Friend Request kay Alexandra Martinez. Minsan ay pumupunta siya sa

Halos araw-araw ay may mga quizzes si Angel. Malapit na kasi ang kanilang mid-term exams. Tulad na lamang sa klase nilang iyon. Noong isang araw ay kaku-quiz pa lamang nila. Tapos ngayon ay may quiz na naman sila. Katatapos lamang ng quiz nila. Accounting subject iyon at iyong professor nila ay iyong teacher na panay ang parinig sa kanya. Ang sabi ng mommy niya, inis daw ang professor na iyon sa kanya dahil rival daw nito iyon noong college sila. At dahil anak siya ng mommy niya, sa kanya ngayong nabubunton ang galit ng professor na iyon. Pagkatapos maipasa ang mga papel nila para sa exam na iyon ay ibinigay naman ng kanilang professor ang resulta ng kanilang quiz noong nakaraan. "For our quiz last meeting, the highest scorer is Mr. de Vera, Bryan." Panay ang kantiyawan ng mga kabarkada ni Bryan. Maging si Gina na nagkataong kaklase nila sa subject na iyon ay nagbunyi din sa tagumpay ng binata.<

Kasalukuyang nagmi-meeting ang mga officers ng JPIA sa opisina nito. Nasa harapan ang presidenteng si Hannah at si Angel naman ay nakaupo sa may mesa nito katulad ng iba pang mga officers."Guys, alam kong next week ay mid-term exams na natin at busy kayong lahat sa pagre-review ninyo," panimula ni Hannah. "Pero importanteng makausap ko kayo ngayon dahil sa isang napakaimportanteng bagay. One month from now ay gaganapin na ang annual Business Week ng Business School. And since exam week next week, we only have three weeks to prepare."Ang Business Week ay isang taunang activity sa Business School kung saan naglalaban ang iba't ibang mga organizations sa iba't ibang competitions. Kabilang na dito ang mini-sports fest, pageant, at ang mini-business venture ng bawat organization. Bukod pa doon ang iba pang events na inihanda ng mga student leaders ng Business School."Dapat tayo ang mag-overall champion this year. Kailangan nating matalo ang mga JFINEX na iyan," an