Dumating at lumipas ang kaarawan ni Alice nang hindi nagpaparamdam si Victor. Naisip niya na iyon na siguro yung katapusan ng kanilang pagkakaibigan. Napansin ni Manang Reg ang pagkamatamlay ng dalaga, pati na rin ang hindi pagbisita ng kaibigan nito sa kanya. Isang araw lumapit si Manang sa kanya at nagprisintang papahulaan siya nito."Alam mo, beh, 25 ka na. Gusto mo pahulaan natin ang hinaharap mo?" sambit ni Manang kay Alice sa ikalawang araw na nahuli niya itong nagbubuntong hininga at sa malayo nakatingin. "Nacoconcern ako na dalawang araw ka nang naka-leave simula ng birthday mo," sabi ni Manang nang hindi binabanggit na hindi na rin niya nakikita si Victor."Okay lang, Manang, minsan lang naman," halos pabulong na sabi ni Alice."May kakilala ako sa Quiapo, pwede kang hulaan. For fun lang naman kumbaga. Baka bumuti pakiramdam mo.""Mababalik ba ng hula si Victor?""Haynako, wag mo muna 'yang isipin. Tara na sa Quiapo, habang nasa lakad Papa

Sumuot sila sa masisikip na eskinita hangga't makarating sa isang pier. Umuulan noon at madulas ang daan. Parang mga larawang mabilis na nadaraanan lamang ang mga mukha ng mga gusali at tao sa kanilang paligid. Nanginginig sa takot si Alice...ngayong alam na niya kung gaano kalupit ang tunay na Victor, nag-aalala siya sa mga kaibigang naiwan sa bar."Huwag kang mag-alala," biglang sabi ni Rodger na para bang nababasa ang isip ni Alice, "Hindi rin madaling kalaban si Tomas.""Nasaan naman tayo ngayon?" tanong ni Alice sa kanyang mga kasama. Nakabibingi ang ingay ng mga barko at pagsisigawan ng mga bangkerong naglilipat ng cargo. Mabaho ang amoy ng malalim na Ilog at maitim ang mga tubig nito sa gabi."Papasakayin ka namin ng Ferry, Ms. Alice," sabi ni Tila, "Kailangang makarating ka sa ibayo. Doon ka hihintayin ni Tomas. Pero kailangan muna nating hintayin ang Ferry ni Aster.""Paano natin malalaman kung aling barko yun?""Malalaman po natin, wag ka

"Ano'ng nangyari sa'yo?"Lumapit si Alice kay Tomas, na bukod sa bugbog na itsura ay mukhang hinang hina."Mahabang usapan. Kailangan ko lang ng mauupuan sandali," sabi ni Tomas, na hindi makatayo ng maayos. Sinalo siya ni Alice. "Saan yun?" tanong ni Alice. Tinuro ni Tomas ang isang tuluyan sa pantalan. Tinulungan siya ni Alice na maglakad patungo dito.Madilim ang dilaw na ilaw sa loob ng tuluyan. Pumapasok lang ang puting liwanag ng umaga sa ilang butas sa dingding. Amoy ng maraming taon na pagkakakulob ang bumati sa kanilang dalawa. Agarang pinatunog ni Tomas ang maliit na bell sa front desk. Matapos ang ilang minuto, isang lalaking nakasuot ng damit ng concierge ang dumating. Mabagal ang kanyang lakad at mukhang luma na at masikip ang suot. Hindi na lang ito tinignan pa ni Alice."Maligayang...pagdating..." hinay-hinay na bungad ng lalaki, "Ano po ang maitutulong ko sa inyo?""Isang kwarto--" simula ni Tomas. Pinigil siya bigla ni Alice.<

Silang dalawa lang ang bumaba sa Libingan. Lumingon si Alice sa likod niya, at pinagmasdan ang tanging daan papasok at palabas sa lugar na kanilang patutunguhan. Mabagal na umandar ang tren paalis ng Libingan, hangga't bumilis na ito at lumayo nang lumayo sa paningin.Sigurado na ba siya dito? Pero nang walang pag-aalinlangang tumungo sa disyerto si Tomas, sumunod agad si Alice.Kung merong may alam sa ginagawa niya, naniniwala si Alice na si Tomas ito. Siya lang ang nakahanap kay Alice sa gitna ng dream loop kung saan siya nakulong ng ilang taon, siya ang nagligtas sa kanya sa Reyna, sa mga mapanlinlang na sina Madam at Victor..."Alice," biglang humarap si Tomas sa kanya, na para bang gustong bumalik sa pinanggalingan, "Okay lang may daanan muna tayo?""Oo naman," sagot ni Alice, na nagtataka sa asta ng kanyang kasama."Daan muna tayo kay Jack.""Sino yun?""Siya...ang mentor ko. Sa bahay ampunan. Noong bata ako." Paputol-putol ang

Matagal bago nahanap ni Tomas ang anak ng Reyna. Mga ilang taon niyang inaral ang ruta at timeline ng pagpuslit dito ng mga tauhan ng Reyna mula sa mga rebolusyonaryo papunta sa kuta nila, hanggang nahanap at nabawi ito ng Madam.Halos isang trilyong dinero rin ang ibibigay ng Reyna para sa pagbalik ng kanyang anak--at hindi maisip ni Tomas kung ano'ng gagawin sa halagang iyon kung siya man ang unang makahanap dito, pero alam niyang magiging mayaman na siya pag nagawa niya yun.Siguro swerte lang talaga ang nagdala sa kanya sa kanyang pagkatuklas sa pinaroroonan ng anak ng Reyna. Nagbabasa siya ng mga lumang dokumento tungkol sa mga naitalang kapangyarihan ng Reyna at ng kanyang mga anak, at isa dito ang kakayahang gumawa ng sariling mundo tulad ng Dilim at Liwanag. Ang pinagkaiba lang ay ang paglikha na kayang gawin ng mga anak ng Reyna ay isang mundo ng ilusyon. Ang kakamangha dito ay kayang lumubog ang buong pagkatao ng isang buhay na nilalang dito sa ilusyon na ito