Share

Chapter 5

"Carmella Perez" tawag ng receptionist matapos nyang maibigay ang lahat ng requirements na hiningi ng mga ito para makapag simula na syang mag OJT. Tumayo sya at lumapit sa magandang babaing nakangiti sa kanya.

"Sabi sa HR pwede ka na daw mag umpisa ngayon kung gusto mo" nakangiting sabi ng babae.

"Talaga oh?" Tumango ang kaharap at sinabing pumunta sya sa opisina para ma ipaliwanag sa kanya ang mga gagawin at maipakilala din sa mga makakasama nya sa OJT.

Matamis ang ngiti nya sa mga labi habang naglalakad sa malawak na pasilyo. Maliban sa mga cottages may hotel din ang Del Castillo Resort pero hindi ito tulad ng VincElla Hotel, katamtaman lang ang laki nito at kung hindi sya nagkakamali tatlong palapag lang ang taas ng building.

Alam nyang binalaan na sya ng kapatid na huwag ng ituloy ang pag O-OJT nya rito dahil baka pagsimulan pa ng gulo, pero ewan nya kung bakit gustong-gusto nyang makapasok sa Del Castillo Resort kahit ramdam nya sa sarili ang takot at panganib dahil baka magkaroon ng pagkakataon na makasalubong nya si Aiden at makilala na sya nito. 

Bata palang sya gusto na nya ang Del Castillo Resort madalas syang dumadaan noon sa Resort pero hindi makapasok dahil wala syang pambayad, nagagandahan sya sa malawak na karagatan na nasisilayan nya mula sa katamtamang taas ng bakod ng Resort, isama na bukod sa maganda ang lugar, tahimik at pakiramdam nya sa tuwing naririnig nya ang mga alon ay tila musika ang mga yon na nagpapagaan sa pakiramdam nya. Isama pa na nais nyang makapag trabaho sa Resort kaya nga HRM ang kursong kinuha nya, nais nyang malaman kung papano pinapatakbo ang ganoong negosyo, at kung paano ito napapalago. Yan lang ang mga dahilan nya noon, pero matapos ang nangyaring eskandalo sa pagitan ni Aiden at ng pamilya nya ay nadagdagan ang dahilan nya kung bakit nais nyang makapasok sa mundo ng mga Del Castillo. Nais nyang malaman ang buong katotohanan nais nyang malaman ang nagawa ng pamilya nya noon sa pamilya ng mga Del Castillo at kung bakit nagawa ni Aiden ang ginawa sa kanila noon. Isama pa na nais nyang hihingi ng kapatawaran ang kapatid sa pamilya ng mga Del Castillo.

"Carmella Perez right?" Tawag pansin ng isang babae na marahil ka edad nya.

"Oo ako nga"

"So sister mo si Lailanie Perez?" Tanong ng kaharap at hindi nakaligtas sa kanya ang pagtaas ng kilay nito at pasimpleng pagsuri nito sa kanya na tila may pang mamaliit.

"Oo" tipid na sagot nya. 

"I see, well, dito din ako mag O-OJT and I guess ikaw ang makakasama ko the whole month" sabi nito na habang nakangisi. Hindi nya kilala ang babae, hindi sya sigurado kung sa SMU ito pumapasok dahil iilan lang ang kilala nya sa unibersidad. At sa nakikita nya sa babae sa uri ng tingin at pag ngisi nito sa kanya, isama pa ang pag banggit nito sa pangalan ng kapatid nya ay hindi nya nagustuhan.

"I see" tanging sagot nya at linagpasan lang ito. Ramdam nya ang matalim na mga mata nito sa likod nya. 

Matapos silang ng orientation nila kaagad na silang nag si punta sa mga assign na pwesto nila at gaya ng sinabi ng babae kanina na napag alaman nyang si Liza eh mag partner nga sila at alam nyang kailangan nyang pakisamaan ito. 

"Wow, ang ganda talaga rito" bulalas ni Liza ng makababa na sila, papunta sa mga cottage na kailangan nilang i check isa-isa at gawan ng mga reports.

"Carmella!" Tawag sa kanya ni Liza habang binibilisan nito ang paglalakad. Liningon nya lang ito at tumakbo naman ito palapit sa kanya.

"Well, hindi naman ako andito para sa OJT talaga, actually nagpa assign lang ako dito para makita si Aiden, you know him right? Narinig ko kase na bumalik na daw ito sa San Miguel, and I want to meet him" Paliwanag nito, nagkibat balikat sya dahil ewan nya kung bakit nito kailangan sabihin sa kanya ang hidden agenda nito.

"Kaya ikaw nalang ang mag check ng mga cottages and then i share mo nalang ako sa mga reports na gagawin mo, ok?" Patuloy nito at mabilis na tumalikod at iniwan sya.

"Bahala ka sa buhay! Hindi ako magpapakahirap para sa iyo!" Inis na sagot nya at mabilis na lumakad na papunta sa mga cottage na kailangan nyang gawan ng report.

Inisa-isa nya ang mga ito at masasabi nya, ginastusan talaga ang bawat silid dahil lahat magaganda, kaya naman kahit weekdays eh may mga umuupa sa mga cottage. Masarap naman kasing magrelax sa tabi ng dagat lalo na kung gusto mo lang mag isip muna at iwan ang ingay sa labas.

Nasa huling cottage na sya ng mapansin tanghali na pala at hindi pa sya kumakain. Pero minabuti na muna nyang tapusin ang unang assignment bago kumain. Kumatok sya sa cottage pero walang sumasagot piniit din nya ang pinto hindi yon naka lock, marahil hindi pa ito okopado kaya naman minabuti na nyang pumasok sa loob para masilip at ma check ang mga kailangan. 

Ginala nya ang paningin medyo kakaiba ito sa mga una nya napasukan, masyadong madilim ang loob na tila ba kahit umaga na sa labas eh gabi parin sa loob ng cottage. 

"Who are you?" Tinig na nagpapitlag sa kanya, muntik pa syang mapatalon sa gulat ng marinig ang boses mula sa likuran nya mabilis syang humarap at kahit sa may kadiliman nakilala nya kaagad ang lalake si Aiden.

"Hindi mo ba alam na off limits ito?" Tanong nito at pinindot ang switch ng ilaw kumalat ang liwanag sa buong cottage.

"So...sorry.. po.." tarantang sagot nya. At sinubukang umiwas lumakad sya sa palapit sa may pinto pero hinarangan sya nito kaya naman bumunggo sya sa basang shirt nito. 

"Ouch" mahinang tili nya at nag angat ng mukha nagtama ang kanilang mga mata, napansin nyang kumunot ang noo nito habang pinaglalandas ang mga mata sa mukha nya, kaya naman nag-iwas sya ng tingin rito.

"Who are you?" Tanong nito.

"Estudyante po ako andito lang po ako dahil sa OJT" sagot nya na hindi man tumitingin rito.

"Your name?"

"Carmella, Carmella Perez"

"Carmella? What a sweet name" bulong nito at humakbang sa loob ng cottage. Bumuntong hininga sya at pasimpleng napahawak sa dibdib na tila drum ng tambol ang tunog.

"Hindi ka ba nasabihan Carmella na off limits ang cottage na ito?" Tanong nito at sa pangalawang pagkakataon binanggit nito ang pangalan nya na ewan nya kung bakit naghatid ng kilabot sa buong katawan nya.

"Nakalimutan ko lang siguro" tanging sagot nya at humarap rito, nakita nyang kumukuha ito ng maiinom sa ref. At nakaroon sya ng laya na mapagmasdan ito, limang taon man ang lumipas hindi parin nagbago ang itchura nito, gwapo parin ito o tamang sabihin na mas gwapo na ito ngayon dahil mas lumaki ang katawan nito at lumakas ang dating. Humugot sya ng malalim na paghinga matapos nya itong mapag masdan.

"Kilala mo ba kung sino ako Carmella?" Tanong nito at binaggit nanaman nito ang pangalan nya.

"O.. opo... Kayo po ang anak ng may-ari ng Del Castillo Resort" sagot nya. Ngumisi ito at humakbang sa kinatatayuan nya, wala sa loob na napa atras sya at nagpatuloy ito sa paglapit at pag atras naman ang sa kanya hanggang sa madikit sya sa kahoy na dingding. 

"Kilala mo ko alam ko" sabi nito at hiniharang ang dalawang kamay nito sa tabi ng mga balikat nya, tila sya nasukol nito habang nakatingin sa mga mata nya.

"Bakit oh?" Tanong nya at sinulyapan ang mga nakaharang nitong kamay sa kanya at lumapit pa ito ng isang hakbang at nasasamyo nya ang mainit na hininga nito na tila humahaplos sa mukha nya. Napalunok sya ng ilang beses dahil kahibla lang ang layo ng mga labi nito sa mga labi nya.

"Anong ginagawa ng isang Carmella Perez sa loob ng solar ko? Alam mo ba ang pinasok mo? Teretoryo ng kaaway" sabi nito na nagpagulat sa kanya at nanlalaking mga mata napatitig sya rito, kitang-kita nya ang pagbalasik ng mga mata nito habang nakatingin sa kanya, nakikita nya ang galit at pagkasuklam na nakita nya noon  rito limang taon na ang nakakalipas.

Mga Comments (1)
goodnovel comment avatar
Lutgarda Kempis
parang hindi masyadong natural yung palaging nabubunggo.
Tignan lahat ng Komento

Kaugnay na kabanata

Pinakabagong kabanata

DMCA.com Protection Status