"Papasok na po ako" paalam nya kinabukasan.
"Ingat ka Mella dahan-dahan ka ah sa pag ba bike ah, huwag kang nagmamadali" bilin ng Nanay nya.
"Opo Nay" sagot nya at inilabas na ang bike sa gate.
"Mella! Mella!" Tawag ng Ate Grace nya at tumatakbong lumabas ng gate. Bagong gising palang ito at nakapantulog pa.
"Idagdag mo to sa baon mo" sabi nito at iniabot ang limang daan.
"Huwag na ate may binigay na si Nanay sa akin"
"Ano ka ba, idagdag mo, kumain ka sa Ice cream house" pamimilit nito kaya naman kinuha na nya para maitabi nalang.
"Anong nangyari sa bike mo?" Biglang tanong ng Ate nya ng makita ang basag na salamin nito sa gilid ng manibela.
Hindi nya sinabi kanino man na nakita nya si Aiden Del Castillo, hindi nya sinabi na halos durugin na sya nito sa mga kamay nito dahil sa pagkasukla nito sa pamilya nya. Alam naman nyang lilikha lang ng gulo pag nagsumbong sya lalo na sa Ate Grace nya. Alam nyang kahit di maganda ang ginagawa ng Ate nya hindi parin nito gustong nasasaktan sila o di kaya na aagrabyado."Nasagi lang sa pader kahapon" pagsisinungaling nya.
"Hindi ka ba natumba? O na aksidente?" Pag alala nito.
"Hindi po ate, nasagi lang sa may pader kahapon, excited kasi ako"
"Ganoon ba, hayaan mo pag may time ipapaayos natin"
"Huwag na ate ok lang to" sagot nya at mabilis ng nagpaalam sa kapatid.
Mabakal pinapatakbo ang bike maaga pa naman kasi at nais nyang manamnam ang malamig na simoy ng hangin. Kagabi halos hindi sya makatulog sa kaka-isip kay Aiden tumatak sa kanya ang galit na mga mata nito ang mga masasakit na salita nito, pero lahat naman ng yon totoo at hindi nya ito masisisi. Malapit na sya ng eskwelaan ng marinig ang busina mula sa likuran, tumabi sya at nakita ang pulang sports car, agad nyang nakilala ang nagmamaneho si Aiden sinulyapan lang sya nito at mabilis na pinaarurot ang sasakyan nito. Sinundan nya ng tingin ang pulang kotse at napabuntong hininga.kahit sa saglit na pagtama lang ng mga mata nila ni Aiden hindi nakaligtas sa kanya ang matalim na tingin nito sa kanya at sya naman ewan nya kung bakit kinabahan sya ng makita si Aiden narinig nyang kumabog ang dibdib nya.
"Ano ka ba Mella! Takot lang yan huwag kang mag-isip ng ano" pangungumbinsi nya sa sarili at pumasok na sa gate ng eskwelaan. Ang San Miguel Highschool ay ang nag-iisang public school ng San Miguel maganda at malaki naman ang paaralan sa pagkakaalam nya ang mga Tragora ang nagpatayo ng eskwelaan para sa mga tulad nilang hindi kayang pumasok sa San Miguel University pero hindi tulad ng SMU ang SMH ay hanggang higschool lamang kaya karamihan sa kabilang bayan pumapasok sa vocational school, tulad ng Ate Lanie nya doon ito nag-aaral ngayon, at sana kahit dalawang taon lang makapag tapos ang kapatid dahil sa kanilang lima wala pang nakakapag tapos ng pag-aaral.
Pagkatapos ng klase kaagad na syang lumabas ng campus wala naman syang kaibigan kaya kaagad umuuwi sya pagkatapos ng klase.
"Uuwi ka na ba Mella?" Tanong ni Jake kaklase nya habang inaalis sa pagkaka padlock ang bike.
"Oo" tipid na sagot nya. Hindi ito ang unang beses na paglapit sa kanya ni Jake ilang beses na rin itong nagparamdam at nagregalo ng kung anu-ano pero nilinaw na nya rito na wala itong maaasahan sa kanya.
"Gusto mong mag Ice cream?" Tanong nito.
"Busog ako saka hinihintay na ko sa bahay" mabilis na sagot nya at mabilis na pinaandar ang bike. Ewan nya pero tila natatakot sya sa tuwing may kakausap sa kanyang lalake, lalo na't maraming taong nakatingin, iniiwasan nyang bigyan ng masamang kahulugan ang pakikipag-usap nya, hangga't maaari umiiwas syang mapag-usapan sa bayan nila, ayaw nyang marinig sa mga tao ang pangalan nya at kung sinong lalaking kasama nya at kung ano ang nangyayari sa kanila. Di ilan beses na nyang narinig sa mga kapitbahay na bata pa daw sya kaya marahil hindi pa nya sinisimulan ang nasa ang tulad ng ginagawa ng mga kapatid. Madalas pa nyang marinig pare-pareho lang daw silang magkakapatid at imposibleng hindi sya matulad sa mga kapatid. Naiiyak sya sa tuwing naiisip nya ang bagay na yon, wala ba syang karapatang maging iba at tahakin ang ibang landas at hindi ang landas na tinatahak ng mga kapatid nya ngayon.
Dinala sya ng pagbibisekleta sa isang convenient store, maraming estudyanteng nakatambay sa loob at labas ng kilalang convenient store, nais lang nyang bumili ng sundae doon mura lang kasi marami na at masarap pa. Nagtuloy sya sa loob at pumila na. Mula sa loob napansin nya ang grupo ng mga binatang masayang nagbibiruan sa labas. Agad nyang nakita si Aiden nakaupo at pa ngiti-ngiti sa kung anong kinukuwento ng kasama nitong nakaupo din. Napansin din nyang panay pa cute ng ilang mga kadalagaan sa kabilang mesa sa grupo nila Aiden. Sino ba naman ang hindi lahat gwapo at sigurado syang may kaya din ang mga kaibigan ni Aiden dahil sa itsura ni Aiden hindi ito nakikipag kaibigan basta-basta. Lihim nyang napamasdan mula sa loob ng store si Aiden na nakasuot lang ng simple itim na t-shirt pero lutang na lutang ang ka gwapuhan nito. Bumuntong hininga sya at naalala ang nangyari kahapon.
"Galit sya sa akin" bulong nya at mabilis na nagbayad at kinuha ang binili. Bago sya tuluyang lumabas sinulyapan nya muli si Aiden at sa pagkakataong yon nahuli sya nitong nakatingin sa kanya. Nagulat pa sya at napatigtig rito,una syang nagbawi ng tingin rito, at mabilis na lumabas ng convinient store.
Paglabas iniwasan nyang lingunin ang kinauupuan ng mga ito, nagtuloy sya sa bike nya. Pasakay na sya ng biglang may lumapit sa kanya.
"Hi, Mella!" Bati ng lalaking nakita nyang kasama sa grupo ni Aiden. Sinulyapan nya ang mesa ni Aiden at nakita nyang nakatingin ang mga ito sa kanya at sa kasama ng mga ito.
"Bakit?" Kiming tanong nya at inilagay sa basket ng bike ang sundae.
"I'm Jeff by the way" pakilala nito at iniabot pa ang kamay pero hindi nya tinaggap yon, sinulyapan nya muli si Aiden at mga kasama nito na tila ba natawa.
"Sige mauna na ko" paalam nya nais na nyang umiwas alam nya na pinagti-tripan sya ng mga barkada ni Aiden baka utos ni Aiden.
"Sandali lang, doon muna tayo pakikilala kita sa mga barkada ko" sabi nito at hinawakan sya sa siko, mabilis syang umiwas.
"Kilala kita Mella, kapatid mo si Lanie hindi ba?" Nakangising sabi nito. Alam na nya kung ano ang susunod na sasabihin nito kaya naman hinila na nya ang bike. Pero pinigilan sya nito.
"Huwag mo kong ipapahiya sa mga kaibigan ko! Baka hindi mo ko kilala, isa pa alam ko kung ano kayong magkakapatid dito sa bayan na ito" bulong nito sa tenga nya. Bumuntong hininga sya at hinarap ito.
"Anong kailangan mo?" Inis na tanong nya. Hindi nya ito kilala pero nakakasigurado syang mayaman at nasa kilalang pamilya din ito tulad ni Aiden.
"Gusto ko lang naman makipag kilala sa iyo" sagot nito at naramdaman ang kamay nito sa balikat nya. Mabilis nyang tinabig yon.
"Jeff! Ano ba pati ba naman ang highschool student pinapatos mo na" sigaw ng isang kasaman nito.
"Kung ganito ba naman ang bakit hindi, maganda na may katawan pa" nakangising sagot nito at muli syang hinawakan nito. Naka uniporme lang sya pero kahit sa uniporme lang nya kitang-kita kung gaano kaganda ang hinaharap nya. At alam nyang yon ang tinutukoy nito.
"Mauna na ko" iwas nya dahil marami na ring nakatingin sa kanila, kitang-kita nya ang ilang mga kasing edad nyang nakasimangot at masama ang tingin sa kanya.
"Come on, huwag ka ng umarte" sabi nito at pilit hinihila ang kamay nya.
"Ano ba?!" Tili nya na lalong umagaw ng atensyon ng mga naroon at tinulak ito.
"Ang arte mo! Akala mo kung sino ka eh katulad ka din naman ng mga kapatid mong kaladkarin!" Sigaw nito at muli syang hinila sa braso.
"Ano ba!"
"Jeff tama na yan!" Kalmadong sabi ni Aiden na nanatiling nakaupo at nakamasid sa kanila.
"Ang arte arte pare eh, akala naman malinis!"
"Bitiwan mo ko!"
"Patikimin kaya kita" sabi ni Jeff at lalo syang hinila palapit rito.
"Bi-"
"Sabi ng tama na eh!" Sigaw na pumutol sa sasabihin nya. Pareho pa sila ni Jeff na napalingon kay Aiden na ngayon naglalakad palapit sa kanila.
"Aiden pare huwag mong sabihin na-"
"Hindi, ayoko lang nakakakita ng binabastos narinig mong sinabi nya hindi ba? Bitawan mo sya" kalmadong sagot ni Aiden at huminto sa pagitan nya at ni Jeff, nakulong sa lalamunan nya ang paghinga, nanatili syang nakamata kay Aiden.
"Eh kung isang pe-"
"Jeff!" May babalang putol ni Aiden sa sasabihin pa sana ni Jeff.
"Bahala ka nga!" Inis na sabi ni Jeff at marahas syang itinulak. Napatili sya at bago pa nya naramdaman ang katawan sa semento. Matigas na braso ang naramdaman nyang sumalo sa bewang nya. Napatingala sya at napatitig kay Aiden wala syang nakikitang emosyon sa mga mata ni Aiden, basta nakatingin lang ang mga mata nito sa mata nya. Pakiramdam nya tumigil ang ikot ng mundo, pakiramdam nya sya lang at si Aiden ang tao sa paligid at nasasamyo nya ang mainit na hininga nito na humahaplos sa mukha nya, amoy na amoy din nya ang mamahaling pabango nito, at aaminin nyang mula kahapon naghahatid na ng kakaibang pakiramdam sa kanya si Aiden, hindi palang nya maipaliwanag sa ngayon kung ano yon, basta ang alam nya nag-iiba ang tibok ng puso nya sa tuwing malapit si Aiden.
"Umuwi ka na" utos nito at tinulungan syang makatayo.
"Sa... sa.. sala.. mat" garalgal na sabi nya at mabilis na hinila ang bike. Liningon nya ang paligid maraming nakatingin at lahat ng kababaihan nakasimangot at hindi masaya sa ginawa ni Aiden na pagtatanggol sa kanya. Muli nyang liningon si Aiden at mabilis nang umalis.
Nag-iiyak sya habang tinatahak nya ang daan papuntang Del Castillo Resorts alam nyang hindi sya dapat magtunggo roon matapos ang nangyari sa kanila ni Aiden kahapon, pero sa nais nyang kumalma at sa tabing dagat lang sya makakalma nais nyang masamyo ang malamig na hangin doon at marinig ang mga alon na nagmumula sa dagat.Nang makarating sya doon kaagad nyang itinabi ang bike at bitbit ang sundae na binili umakyat sya sa pader at naupo doon. Humugot sya ng malalim na hininga at tinuloy ang pag-iyak. Hindi naman ito ang unang beses na tila nabastos sya pero ito ang unang beses na andoon si Aiden at ayaw nyang isipin pero tila syang ipinangtanggol ni Aiden. Pinangtanggol nga ba sya ni Aiden kay Jeff kanina? Hindi ba galit ito sa kanya at ang nangyari kanina patunay lang na hindi talaga maganda ang reputasyon ng pamilya nya sa bayan nila."Bakit ba lagi kang nandito?" Tinig na nagmula sa likuran nya. Napalingon sya at naki
Kinabukasan nagising sya sa mga sigawan mula sa labas ng silid nila. Mabilis syang tumayo at tumakbo palabas ng silid."Nay!" Tawag nya at mabilis na tumakbo sa labas ng pinto ng makita ang Nanay at mga kapatid na nakikipagtalo sa labas."Wala kayong karapatan paalisin kami rito! Kayo umalis!" Sigaw ng Ate Joan nya sabay bato pa ng lagayan ng basura."Ate, Nay anong pong nangyayari?" Tanong nya at nilapitan ang Nanay nya na nakaupo lang sa tabi habang sigaw ng sigaw ang Ate Joan nya at Ate Lanie."Ano po bang nangyayari?" Tanong nya ulit at ginala ang paligid, wala ang Kuya Erwin nya at ang Ate Grace nya."Umalis na kayo!" Sigaw ng Ate Lanie nya at pinagtulakan ang dalawang lalaki palabas ng gate."Pag kayo nadatnan pa ng amo namin mamaya lagot kayo!" Banta ng isa sa dalawang lalaki."Kayo na nga binal
Kanina pa sya paroo't parito, hindi sya mapakali alas siyete na ng gabi wala parin ang Ate Grace nya at nakakasigurado syang wala rin si Mr. Del Castillo sa bahay ng mga ito. Ano nalang mangyayari pag tinotoo ni Aiden ang banta nitong ito mismo ang magpapalayas sa kanila rito sa bahay. Ano nalang kung kaladkarin sya palabas ni Aiden? Anong mararamdaman nya pag nangyari yon? "Mella! Tumigil ka nga ng kalalakad dyan!" Sita ng Ate Joan nya. Sinabi nya ang pag babanta ni Aiden sa mga ito, ang mga nangyari sa tapat ng eskwelaan kung saan sinadya talaga syang hintayin ni Aiden sa labas para lang pagbantaan."Asaan na ba kasi si Ate Grace?" Tanong nya at sumilip sa relo sa dingding. Mag aalas syete kinse na."Gaga din kasi ang babaing yan eh kung bakit kasi sumama-sama tayo tuloy ang nahihirapan!" Maktol ng Ate Lanie nya na tulad nya hindi rin mapakali dahil marahil tulad nya natatakot din sa mga pwede
Present."Mella kumusta naman ang unang araw mo sa Del Castillo Resorts?" Tanong ni May ng makasabay ito sa School Cafeteria."Ok lang" tipid na sagot nya. Ayaw sabihin sa kaibigan na unang araw palang nya pinapalayas na sya ni Aiden. Inaasahan naman nyang mangyayari yon, pero hindi sa unang araw."So ano, nakita mo ba si Aiden Del Castillo roon?" Excited na tanong nito at siniko pa sya."Narinig ko bumalik na raw sya sa San Miguel, at ito na raw ang mag mamanage sa Resorts nila, alam mo bang si Aiden Del Castillo ang topic ng mga guest sa VincElla Hotel" paliwanag nito. Hindi sya sumagot. Tinuon ang pansin sa kinakain na pancit, pero di naman nya nalalasaan na dahil na kay Aiden ang isip nya. Matapos ang nangyaring insedente sa kanila ni Aiden kahapon, tila naulit ang mga nangyari limang taon na ang nakakalipas. Walang nagbago kay Aiden sa loob ng limang taon, mas lalo lang itong naging makisig at gumuwapo pa at pa
Aiden"Ma, I'm sorry, I can't make it, ang dami pang trabaho dito sa Resorts" sagot nya sa ina ng tawagan ito kinagabihan. Nakailang tawag na ito sa kanya sa cellphone nya at sa Secretary nya pero hindi na nakausap dahil sa dami ng inaasikasong mga papeles sa Resorts."Hijo, alam mo naman na schedule ng dinner ni Ivy ngayon sa bahay diba?" "Yes, Ma, but and dami kong paperworks na kailangan tapusin tonight""I'll set another dinner date when you are not busy Hijo, just call Ivy tonight and explain everything to her. Baka magtampo sa iyo yon" sagot ng Mama nya sa kabilang linya."Yes Ma, don't worry I'll call her tonight. Enjoy the dinner and goodnight Ma" paalam nya sa ina at inilapag sa ibabaw ng mesa ang cellphone. Hinagod nya ang batok na kanina pa sumasakit sa dami ng trabahong kailangan nyang gawin."I'm not supposed to be
Carmella"Sino yon Mella?" Nakangusong tanong ng Ate Lanie nya ng salubungin sya nito sa pinto. "Sinong naghatid sa iyo?" usisa nito habang nagkanda haba-haba ang leeg nito sa pagtanaw sa labas."Kaibigan lang" matamlay na sagot nya at nagtuloy na sa pagpasok sa loob."Wala ka namang kaibigan ah" nakasunod na sabi nito. Nagkibit balikat lang sya at naramdaman ang jacket na nakasabit sa mga balikat."Kanino jacket yan? Mukhang mahal ah" tanong nito at mabilis na hinila ang jacket sa balikat nya."Ang bango pa ah" habang inaamoy-amoy ang jacket."Mayaman ba yong naghatid sa iyo? Lalaki yon no? Ano jowa mo?" Sunod-sunod na usisa nito habang hawak hawak parin nito ang jacket ni Aiden at inaamoy-amoy."Akin na nga yan!" Inis na sabi nya sabay hila sa jacket at naglakad na paakyat sa taas. Pinagpasalamat nyang ang Ate Lanie nalang nya
AidenPagpasok sa opisina hinihagis nya ang susi sa kotse at pabagsak na umupo sa swivel chair at inikot yon paharap sa salamin na bintana, kung saan nakikita nya ang halos kabuuan ng Del Castillo Resorts.Pagbalik nya kagabi sa Resorts kaagad nyang hinanap ang lalaking nambatos kay Carmella at kaagad pinalabas ng Resorts nya, kasama ang mga kasamaan nito, ayaw nya ng gulo kaya binalik na lang nya ang bayad naman mga ito para hindi na humaba pa ang usapan, basta ang nais nya mawala oras mismo ang taong nambastos kay Carmella. Kung hindi lang malakas ang pagpipigil na ginawa nya baka nabugbog pa nya ang dayuhan pero ginawa nya lahat ang pagpipigil dahil ayaw nyang madala sa eskandalo ang Resorts. At gaya ng sinabi nya kay Carmella ayaw nyang madikit ang pangalan nito sa Resorts nya. Alam nyang gulo ang dala ni Carmella sa Resorts nya kaya una palang pinapaalis na nya ito, pero matigas ang ulo at nagpupumilit na tapusin ang
Carmella"Bakit ka nakasakay sa kotse ni Aiden?" Mataray na tanong ni Liza habang nasa isang kubo at gumagawa sya ng report para ipasa mamaya sa HR."Hindi ba sinabihan na kita na huwag mong akitin si Aiden, dahil akin si Aiden!" Taas boses na sabi nito. Inikot lang nya ang mata at tinuloy ang pagsusulat."Sumagot ka pang kinakausap kita!" Sigaw nito sabay tabig sa mga gamit nya sa mesa."Ano bang problema mo!" Inis na sigaw rin nya at tinulak ito."Haba! Matapang ka ah!" Sabay tulak din nito sa kanya."Huwag ka ngang nagtatapang-tapangan dyan eh lahi naman kayo ng kaladkarin! Kaya ka nga nandito para masilaw mo si Aiden. Mga tulad ni Aiden ang tipo nyong magkakapatid hindi ba? Mayaman para maut-utan, tulad ni Grace peneraan ang Papa ni Aiden!" Sigaw nito na nagpawala sa pagtitimpi nya at malakas na sinampal ito sa pisngi. Tumagilid ang ulo n