Share

Chapter 3

Chapter 3

Masakit na ang mga paa ni Lyzza nang makarating siya sa bahay nila. Four inches kasi ang taas ng takong na kanyang suot-suot na sapatos. Ni-require sila na magsuot niyon para daw masanay sila kapag nasa field training na sila.

            Pasado alas-sais na nang gabi nang maka-uwi siya sa bahay nila. Nagkaroon pa kasi sila ng orientation para sa interview nila sa Vesarius airlines next week. Alas-singko na iyon natapos, at dahil rush hour na, na-stuck pa siya sa traffic.

            “Mommy,” masiglang bati sa kanya ni Summer nang hubarin niya ang kanyang suot na sapatos at ilagay iyon sa shoe rack nila na nasa likuran ng pintuan.

            Yumuko siya para maabot ni Summer ang kanyang pisngi. Kumunyapit ang anak sa kanyang leeg at hinalikan siya sa pisngi.

            “Kumusta ang school, hmnn?” malambing na tanong niya rito at tuluyan na itong kinarga matapos niyang ilapag ang kanyang school bag sa mumurahin nilang sofa sa sala.

            Ipinakita nito sa kanya ang mga star na nasa likod ng kamay nito hanggang kalahati ng bisg nito. “I’ve got eight stars, Mommy. Look oh. Tapos Tito Cai give me pasalubong,” binuntunan nito iyon ng hagikhik.

            At alam na alam niya kung ano ang pasalubong na tinutukoy nito rito ng kapatid niya. Kung hindi isang pack ng gummy bears, ay pink military stickers. Kadalasan ay mga baril na kulay pink at army uniform. Alam niyang mahal iyon dahil personalized. Binibili ni Caius sa kaklase nitong magaling gumuhit.

            At dahil dakilang spoiled ni Caius ang kanyang anak, wala itong paki-alam kung halos maubos ang allowance nito sa stickers na iyon.

            Nahagip ng kanyang paningin ang gummy bears na nakapatong sa center table nila katabi ng pad paper nito at lapis.

            “Baby, ‘di ba sabi ko, hinay-hinay lang sa matamis. Gusto mo bang masira lahat ng teeth mo? Open your mouth nga,” utos niya at nag-aktong sinisilip ang bibig nito.

            Ngumanga naman ang anak niya at tumingala pa para ipakita sa kanya ang bibig nito. Ngumuso siya at kunyaring naningkit ang mga mata.

            “Tingnan mo, wala na ang isa mong ngipin. Gusto mo bang lahat ‘yan mawala? Kapag marami kang kinain na matamis, pupunta diyan ang worms tapos diyan sila titira,” pananakot niya rito.

            Nanlalaki ang mga mata ni Summer at tinakpan ang bibig. “Really?”

            Mabilis siyang tumango bilang sagot dito.  “Tapos kakainin nila ang ngipin mo. Kapag wala ka ng ngipin, dila mo naman ang kakainin.”

            Muntik na siyang mapahalakhak nang mas nanlalaki ang mata nito dahil sa sinabi niya. Nilipat nito ang tingin sa gummy bears na nasa center table pagkatapos ay tumingin sa kisame at nag-aktong nag-iisip.

            Nakangiwi na ang mga labi nito nang muling ibalik sa kanya ang paningin. “But…but I like gummy bears. They’re soft.” Pinaglaruan nito ang mga daliri at gusto niyang panggigilan ang pisngi nito dahil sa ka-cute-an.

            Pero pinigilan niya ang sarili. Baka mahalata na tinatakot lang niya ito. Yeah, there is a part na pwedeng maubos ang ngipin ng kanyang anak dahil sa kakakain nito ng matamis. But her main concern is baka makasama iyon sa kalusugan nito. Baka madala nito sa paglaki ang matamis at maging obese ito.

            “Pero, I don’t like the worms to eat my teeth. My classmate will tease me.” Hinawakan nito ang magkabila niyang pisngi. “Can I still eat gummy bears, Mommy? Pero little amount na lang tapos magba-brush ako ng mabuti ng teeth ko para mawala ang sugars. Is that okay?”

            Summer bats her eyelashes and pout her lips. Nagpapaawa na naman sa kanya. Wala siyang nagawa kundi tumango tanda na pumapayag siya.

            Ngumiti nang malaki ang kanyang anak at muli siyang binigyan ng matunog na halik sa pisngi.

            “Bakit naglalambing na naman ang bubuwit na iyan?” tanong ng mama niya na lumabas ng kusina habang dala-dala pa ang sandok. Hula niya ay nagluluto ito ng hapunan nila.

            Nagpababa si Summer mula sa pagkakakarga sa kanya at tumakbo sa mama niya. Naglalambing na yumakap ito sa binti ng mama niya at nagpa-cute.

            Napa-iling na lang siya nang walang nagawa ang kanyang ina kundi halikan sa ulo si Summer.

            “Kumusta ang eskwela, Anak?” tanong nito nang bumalik si Summer sa harap ng pad paper nito. Nasilip niya na nagsusulat ito ng English alphabet.

            “Ayos lang po, Ma. Sasalang po kami next week sa interview para sa on-the job-training namin. May orientation po kami kanina kaya medyo ginabi na ako,” sagot niya.

            “Nabanggit nga sa akin ni Caius.” Si Caius kasi ang pinasundo niya kay Summer kanina nang ipagbigay alam sa kanila ni Quincy na may orientation sila.

            “Si Caius po?” she asked as she plant a softt kiss to her mother’s forehead and hugged her.

            “Nasa tindahan. Siya na muna ang pinagsara ko, medyo napagod kasi ako kanina, Anak.”

            Bahagya siyang naalerto sa sinabi nito. “May masakit po ba sa inyo?” Bahagya siyang tumikal mula sa pagkakayakap dito. “Sabi ko naman kasi sa ‘yo—”

            “Ayos lang ako, Anak,” putol nito sa kanya at bahagya pang natawa. Hindi naman siya nito masisisi kung ganon ang reaksyon niya. Nadala na niya yata ang takot at pag-aalala dahil sa nangyari noon. Bigla na lang natumba dahil inatake sa puso ng madaling araw. Wala silang pera. 

            “Ma, magsabi kayo sa akin o kay Caius kung may iba kang nararamdaman.” Medyo nakahinga siya nang maluwag nang tumango ito sa kanya.

            “Ako na po ang magluluto. Magpahinga ka na, Ma,” wika niya at tinangkang agawin dito ang sandok na hawak-hawak.

            Ngunit inilayo nito iyon sa kanya. “Ako na, Anak. Pinapalambot ko na lang ang karne sa sinigang. Madali na ‘yon. Ikaw ang magpahinga muna at magbihis. Mukhang pagod ka.”

            “I love your sinigang, Mamila,” singit ni Summer sa kanila.

            “Lahat naman ng luto ko, love mo.”

            Mabilis at sunod-sunod na tumango ang anak niya at bumingisngis habang hawak ang lapis nito.

            Napa-iling ang ina niya habang natatawa. Maya-maya pa ay nagpaalam na ito na babalik sa kusina. Habang siya naman ay pumanhik na sa itaas matapos niyang bigyan ng halik sa ulo ang anak.

            Pagod na ibinagsak niya ang sariling katawan sa ibabaw ng kama nila ni Summer at wala sa sarili napatitig sa kisame. Four years ago, wala pang second floor ang bahay nila. Maliit lamang iyon dati na tanging kusina, banyo at sala lamang.

            Tapos nangyari ang gabing iyon kung saan binenta niya ang sarili sa estranghero. Hindi lamang buhay ng ina niya ang nailigtas. Pati rin ang buhay nilang pamilya ay nabago.

***FLASHBACK***

            Ang liwanag na tumatagos glasswall ng hotel ang gumising sa kanya. Masakit at latang-lata ang kanyang katawan nang nagmulat siya nang kanyang mga mata.

            Pakiramdam niya ay nagwork-out siya maghapon ng walang stretching para sa Physical Education subject nila ng mga oras na iyon. Mahapdi din ang bagay na nasa pagitan ng kanyang mga hita. 

            Napaawang ang kanyang bibig nang matanto niya kung nasaan siya at kung ano ang nangyari nang nagdaang gabi. Pinilit niya ang sariling bumangon kahit halos mapa-iyak na siya sa hapdi ng kanyang kaselanan. 

            Wala ng bakas ng lalaking nakakuha ng kanyang virginity nang nagdaang gabi. Ngunit naa-amoy niya pa rin ang magkahalong natural na amoy nito at pabango sa loob ng suite na iyon. At ang pulang mantsa sa kobre kama ang nagpapatunay na hindi iyon panaginip lamang. 

            She gave her virginity—her body to the man who bought her for three million last night. Pumasok sa isip niya ang mama niya at si Caius na nasa hospital. Bumaba siya sa kama at nagmamadaling tinungo ang banyo upang maglinis ng katawan.

            Napa-iyak pa siya nang mabasa ang pagkababae niya dahil halos marindi siya sa hapdi niyon. Ngunit sinikap niyang magmadali para makapunta siya agad sa hospital. Baka kung ano na ang nangyari sa ina niya.

            May nakita siyang paperbag sa ibabaw ng sofa na naaroroon. May laman iyong damit at underwears. Agad niya iyon sinuot at hinagilap ang maliit na shoulder bag na dala-dala niya kagabi. 

            Binuksan niya ang kanyang mumurahing cellphone at nakita niya roon ang text sa kanya ni Danielle.

            ‘Nasa OR na ang nanay mo. Ako na ang nagbigay ng down payment gaya ng sinabi ni Mama Lovie.’ Text niyon sa kanya.

            Nakahinga siya nang maluwag nang mabasa iyon. Alas-tres nang madaling araw nito iyon ni-text sa kanya.

            Muli niyang binuksan ang pangalawang text nito. ‘Ang laki ng commission ko sau. Sa u2litin.’

            Napa-iling siya. Hindi na siya uulit. Tama na ang pagbibigay niya ng sarili kagabi sa estranghero kapalit ang malaking halaga.

            Ibinalik niya ang kanyang cellphone sa loob ng kanyang bag at akmang aalis na nang mahagip ng kanyang mga mata ang pulang sobre sa ibabaw ng bedside table, sa tabi ng lampshade.

            Nag-atubili pa siya no’ng una, ngunit dala na rin ng kuryusidad, kinuha niya iyon.

            Napaawang ang kanyang bibig nang makita ang isang cheque roon na naglalaman ng limang milyon. Bukod pa roon, may isang pang papel na naglalaman ng sulat.

            ‘Take the cheque. I know you just did that because you needed to. I need to leave early for emergency meeting. Don’t leave, wait for my driver. He will fetch you. We need to talk.’

            Iyon ang nakasulat doon. Medyo magulo ang penmanship ngunit naintindihan niya naman. Napa-iling siya, nagtataka kung bakit gusto siya nitong makausap. Para saan pa? Malinaw ang usapan na isang gabi lang ang serbisyo niya. 

            Isinuksok niya sa kanyang bag ang sobreng pula walang lingon-likod na lumabas ng hotel suite na iyon.

            Gaya ng sabi ni Danielle, na-operahan na ang kanyang ina nang dumating siya sa hospital. Nailipat na rin ito sa pribadong kwarto ngunit kailangan pang obserbahan.

            “Ate!” tawag sa kanya ni Caius nang makita siya nito. Sinalubong siya nito nang mahigpit na yakap. “Na-operahan na si Mama. Gagaling na siya.”

            Ngumiti siya rito. “Sabi ko naman sa ‘yo di ba? Si Ate ang bahala.”

            Nanatili pa ang kanyang ina sa hospital para sa pagpapagaling at obserbasyon. Katulad ng sabi ng doctor, malaki-laki din ang binayaran nila. 

***

            Ilang linggo lang matapos makalabas ng kanyang ina sa hospital, saka naman niya natuklasan na buntis siya. Saka na naghinala ang ina niya kung saan niya kinuha ang pampagamot dito.

            Nang magtapat siya sa kanyang ina, nag-iyakan sila. Sinisi nito ang sarili kung bakit niya nagawa ang bagay na iyon. Muntikan pa itong bumalik sa hospital. Mabuti na lang at nagawa niya itong pakalmahin at sabihin na hindi nito iyon kasalanan.

            Kung gagawin lahat ng ina para sa anak, ganon din dapat ang anak. The child must do anything for his or her mother. Mahal na mahal niya ito at hindi niya pa kayang mawala ito.

            Nagka-ayos silang mag-ina at pinangaralan siya nito tungkol sa batang dinadala niya. Sinabi nito sa kanya na karapatan ng ama ng batang nasa sinapupunan niya na malaman ang tungkol doon. Kaya naman ay bumalik siya sa hotel noon. Ngunit hindi nagbigay ng impormasyon ang management ng hotel. Confidential daw ang identity ng lalaking na sa pangalan lang niya kilala. Gideon.

            Halos magdadalawang linggo rin siya nagpapabalik-balik doon. Itinigil lang niya nang dinugo siya. At dahil wala na rin naman siyang mapapala roon, nagdisisyon siyang palakihin na lang ng mag-isa ang kanyang anak.  

            Tumigil siya sa pag-aaral. Mabuti na lamang at meron pang natirang pera galing sa pinapampa-ospital ng kanyang ina. Nagtabi siya para sa kanyang panganganak at ang natira pa ay ipinampatayo nila ng malaking tindahan sa kanilang bayan.

            Lumago iyon dahil iyon ang pinakamalaking tindahan sa barangay nila. Maging ang mga taga-kabilang barangay ay sa kanila dumadayo. Pina-ayos niya rin ang bahay nila, pinadagdagan niya ng palapag at kwarto. Ayaw niya kasing lumaki ang kanyang anak sa maliit na espasyo. Ayaw niyang magkulang dito.

            “Ate, kakain na raw,” narinig niya ang boses ni Caius sa may pintuan ng kwarto, nakasulpot ang ulo sa pinto. Naka-uwi na pala ito mula sa tindahan nila.

            Nilingon niya ito at iningusan. “Susunod ako. At bakit binigyan mo na naman si Summer ng gummy bears? Hindi ba sabi ko sa ‘yo, baka masobrahan ang batang ‘yon ng matamis.”

            Napakamot ito sa batok at hilaw na ngumisi sa kanya. “Hindi ko matanggihan, eh.”

            She rolled her eyes on her brother. “Umalis ka na nga, susunod na lang ako.”

            Tatawa-tawang iniwan siya nito. Napa-iling siya, ang lalaki talagang iyon, masyadong ini-ispoil ang anak niya. 

            SAKAY ng service van na ipinadala ng Vesarius Airlines, natatawa si Lyzza sa kakulitan ni Quincy Mae na nasa tabi niya. Panay ang tingin nito sa maliit na salamin na dala-dala nito at chi-ne-check ang sarili kung maganda at maayos ba ang mukha nito.

            Hindi niya alam kung ginagawa lang ba nito iyon to distract herself dahil kinakabahan din ito katulad niya o talagang may pinapagandahan ang babae?

            “Ate Lyzz, ayaw mo talagang make-upan kita?” tanong nito sa kanya matapos ibaba ang salamin na hawak-hawak. Pangtatlong beses na siya nitong tinanong niyon.

            “Hindi nga, ayos na ako. Presentable naman akong tingnan di ba?” Ngitian niya ito at ipinakita pati ang suot niyang white long sleeve at pencil skirt na pinaresan niya ng sapatos niyang four inches ang taas ng takong. Lipstick at blush on lang ang inilagay niyang kolorete sa mukha.

            “Oo, ang ganda-ganda mo nga, eh. Hindi halatang may super cute ka ng baby. Pero kasi,” pabebeng humagikhik ito at tinakpan pa ang bibig. “Ang gwapo daw ng may-ari ng airlines. Usap-usapan iyon sa buong batch natin.”

            “Baka naman may asawa na,” wika niya na ikinabusangot at tinampal siya sa braso.

            “Panira ka talaga ng moment, Ate Lyz. Kinikilig ako dito, eh.”

            “Paano nga kung meron? O kaya sabi-sabi lang na guwapo ang boss. Di ba kapag CEO, kadalasan ay experienced sa field na iyon? Ibig sabihin, matanda na at puti na ang buhok.”

            Nanghihilakbot na tiningnan siya ni Quicy Mae. “Mapanglait ka, Ate Lyz!”

            Natawa na lang siya sa reaksyon nito na nagmamaktol sa kanya. Kulang na lang ay maglupasay ito sa kinauupuan.

            Natigil lang ito nang pumasok ang sevice van na sinasakyan nila sa compound ng Vesarius Airlines. Pare-pareho sila ng naging reaksyon nang makita nila kung gaano kagara ang mga establisyemento ng Vesarius Airlines. Gawa sa salamin ang dingding ng building at kumikislap iyon sa bawat tama ng sinag ng araw.

            Nadaanan din nila ang mga naglalakihang eroplano na ang iba ay papalipad na.

            “Ang ganda!” patiling bulalas ni Quincy Mae na sinang-ayunan ng mga kasama nila. “Sasakay ako diyan! Ang sosyal.” Tinuro-turo pa nitong ang eroplanong nadaanan nila na nagtake-off.

Sosyal nga! At ang yaman din. Biro mo, nagpadala pa ng service van para sa kanila. Sa tantya niya, halos isang daan sila sa batch nila. Marami-rami din na service van ang ipinadala ng Vesarius Airline.

            Pinagbukas sila ng ng pinto ng isang guard. Nginitian sila nito at iginiya sila papasok.

            Nakabuntot lang siya kay Quincy at katulad nito ay panay ang masid niya sa paligid. Kung maganda na sa labas, mas maganda sa loob. Sa refreshener pa lang na unang sumalubong sa kanila nang pumasok sila, alam niyang hindi pangkaraniwan ang paliparan ng Vesarius.

            “Ay,” mahinang tili niya nang bigla na lang tumigil sa paglalakad si Quincy. At dahil nasa unahan niya ito, bumangga ang katawan at ulo niya sa likuran nito.

            “Bakit ka tumigil, Quincy Mae?” 

            Hindi siya nito sinagot bagkus ay nakatingin lamang ito sa kung saan habang nakanganga at halos maghugis puso ang mga mata.

            “Hoy,” untag niya rito at nakakunot ang noong sinundan ang direksyon na tinitingnan nito. Nagtataka siya dahil doon din nakatingin ang mga kaklase niyang babae.

            “Lumuluwag ang garter ng panty ko,” narinig niyang bulong Quincy Mae sa tabi niya. Ngunit hindi na niya iyon napagtuonan ng pansin dahil literal na natuod siya sa kinatatayuan nang makita niya kung sino ang tinitingnan ng mga ito.

            Standing firmly meters away from them was a man that she never expected to see at this moment.

            With his bossy aura and Olympian God physique, it was the man who bought her four years ago at the auction. Gideon.         

           

           

Mga Comments (38)
goodnovel comment avatar
柳 マリナ
Ganda talaga very interesting
goodnovel comment avatar
Leonor Divinagracia
super good,,,,,,,,,,,,,,,really really good
goodnovel comment avatar
Mylene Abrenica Del Rosario
sobra ganda po, next chapter pls
Tignan lahat ng Komento

Kaugnay na kabanata

Pinakabagong kabanata

DMCA.com Protection Status