[FACKLY] Part9.13: Chapter13: Command

NAALIMPUNGATAN ng hatinggabi si Edgar dahil sa malakas na kalabog na nagmula sa bubong. Alam niyang pusa iyon dahil minsan na siyang nagigising ng ganoong oras at nang tignan niya kung sino ang mga nasa bubong. Mga pusang naghahabulan. Malalim siyang nagpakawala ng buntonghininga, kapagkuwan ay bumangon siya ng tayo dahil nakaramdam siya ng inang kalikasan kung kaya't nagtungo siya sa banyo para magbawas ng maruming tubig.

Pagbalik niya sa kanyang kuwarto ay biglang tumunog ang phone niya na kanyang ipinagtaka. Napakamot pa siya sa likod ng kanyang ulo dahil des oras ng gabi ay may tumatawag sa kanya. Nang tignan niya ang nakarehistrong numero, unknown iyon kung kaya't in-off na lamang niya ang kanyang phone para walang mang-iistorbo sa kanya habang natutulog siya.

Kinabukasan, after ng class papunta na siya sa club room nang may magtext message sa kanya. Napakunot-noo siya nang mapamilyar niya ang numero. Sandali siyang nag-isip kapagkuwan ay nalaman niyang galing iyon sa tumatawag s