[FACKLY] Part9.14: Chapter14: Convince Suicide

NAPAPALUNOK si Edgar habang marahan ang paglapit niya sa kinaroroonan ni Fackly. At nang tuluyan siyang makalapit. Huminga siya ng malalim, kapagkuwan ay inilabas niya ang patalim na itinago niya pa sa likod ng kanyang damit kung saan nakasuksok iyon sa suot niyang patalon.

Kahit patuloy pa rin nanginginig ang kanyang mga kamay walang alinlangan niyang itinarak sa tiyan ni Fackly ang patalim. Dahilan para magising ito't pinigilan siya, nagulat man pero malakas niyang tinabig ang kamay nito. Kita niya sa mga mata nito ang pagmamakaawa na huwag niyang patayin ito. Ngunit pinagpatuloy niya, mas nananaig sa kanya na muling makita ang kanyang nakababatang kapatid kung kaya't tinadtad niya ng saksak sa kahit anong bahaging parte ng katawan nito dahilan para mawalan ito ng malay.

Muling nagulat siya nang bumukas ang pinto ng kuwarto kung saan iniluwal niyon ang dalawang niyang kaibigan, sina Yrannie at Mark. Sa pagkakataong iyon, bigla siyang natauhan at napagtantong mali ang kanyang ginawa.