Chapter 86 (Part 1)

CHAPTER 86 (PART 1)

“You have a son?!”

Napabalikwas si Amelia sa pagkakahiga sa backseat ng kotse nang marinig ang malakas na boses na iyon.

Mag-isa na lang siya sa loob ng kotse. Nang sumilip siya sa bintana, nakita niya ang kumpol ng mga tao sa harap ng dalawang palapag na bungalow house.

“Bakit hindi ko alam?”

Napangiwi siya sa halos maghestirikal ng pamilyar na boses ng Tita Joana niya.

“My, tinatakot mo naman si Baby Quin. Saka duh!, know mo naman na ngayon.”

Nang balingan niya ng tingin si Quin, inosenteng kumukurap-kurap lang ito sa ina ni Kismo. Ngumuso si Tita Joana, inirapan ang mga anak bago itinaas ang dalawang kamay kay Quintano.

“Hi, Baby ko.”

That’s when Quin smiled at her. Agad na sumama sa lola nito at nagpabuhat.

“Ang bigat ng baby.”

“Hello pu.”

Napangiti siya nang kinuha ng anak niya ang kamay ni Tita Joana at nagmano roon.