Chapter 89

“We’ll be with Quin at the party. Iiwan namin siya sa ‘yo after.”

Napangiti si Amelia nang maalala ang sinabi ni Tita Joana kanina sa telepono. Taas-noong pumasok siya sa entrance ng Almeradez Hotel, suot ang mamahaling dress na ipinadala ni Kismo sa bahay niya. Kampanteng-kampante siya na dumalo sa party dahil naroroon ang bata.

Sigurado siyang hindi gagawa ng kahit anong kabalastugan si Kismo sa harap ng sarili nitong anak.

Naglalakihan ang mga chandelier sa event hall nang makapasok siya. Pakiramdam niya ay nasa royal ball siya kahit cocktail naman ang theme ng party.

Pagtitipon daw talaga iyon ng mga prominenteng at pinakamayayamang negosyante, hindi lang sa Pilipinas kundi maging sa mga karatig na bansa. Kaya naman ang mga nagsisimula at maliliit pa lamang na kompanya ay naroroon din sa pag-asang makasungkit ng investors.

Ipinagpalagay na lang niya na ganon din ang pakay niya kahit pa si Kism