Chapter 120

PERFECT MISTAKE 6

Pinainom niya agad ng gamot si Celine at pinagpahinga kaya hindi natuloy ang lagnat nito. May duplicate key ang bata sa backpack nito kaya nakapasok sila sa bahay.

“Daddy mo talaga si Daddy Cast?” Nakapangalumbaba si Celine sa countertop habang nakatingin sa kanya gamit ang bagong gising na mga mata.

“Yeah.”

“Bakit siya mabait tapos ikaw hindi?” prangka nitong tanong na muntik niya ng ikapaso.

Mabilis niyang binitawan ang siyanse. “Sh!t!”

“Kita mo na po? Nagmumura ka pa. Daddy Cast doesn’t say bad words.”

“I almost got burned.”

Lumabi ito na parang baby. “Si Mommy nga nagluluto pa ng fish tapos maraming oil ang tumatalsik, hindi nagmumura.”

Sumasakit yata ang ulo niya sa pangangatwiran ng bata. Palaging may sagot. Mana yata kay Castiel dahil no’ng bata siya ay ganon din siya.

Kapag pinapagalitan ng ina ay palaging naghahanap ng lusot. Kaya nga halimaw s