Chapter 29

Tulad ng sinabi ni Lord Scion, nagsimula ang physical test ni Eiress kinabukasan. Iniwan na niya sa iba ang trabaho sa kwadra. Si Liam naman ay pansamantalang naiwan kay Tatay Norberto hanggat hindi dumadating ang magbabantay rito. Panatag naman siya dahil sinigurado ni Lord Scion na may limang lookout sa bata. Sinubukan na rin niya ang kakayahan ng mga ito. Masasabi niyang magaling ang lima at kayang makipagsabayan sa kanya.

Inaamin niyang nagpupuyos ang kanyang damdamin kagabi nang harapin ang lima. Hindi mawala sa kanyang isip ang pagtanggi ni William na alagaan si Liam. Kitang-kita niya ang pag-ayaw nito sa bata. Nang oras na iyon nagdesisyon siya. Hinding-hindi niya ipapakilala kay William si Liam bilang anak nito. Ayaw niyang masaktan ang bata kapag itinanggi ng Ama.

"Attention!" Sigaw ng Command leader na si Mr. Chan.

Nakapila ang lahat na tila mga sundalo. Nakasuot ng puting damit, camouflage na pants at isang pares ng combat boots. Halos mapuno ang malawak na oval ground s