Share

Chapter 4: First Day

Maaga akong pumasok ngayong araw. Kahapon ay napirmahan ko na ang bago kong kontrata at binigay na sa akin ang mga dapat basahin sa paghahanda sa bago kong role bilang Executive Secretary ni Mr. Montano.

Magkahalo ang kaba at excitement na nararamdaman ko. Kinakabahan dahil magiging Secretarya ako ng pinakamataas na posisyon sa kumpanya at excited dahil bagong experience ito para sakin.

Pagdating sa opisina ay agad akong nagtimpla ng kape. Maaga pa naman kaya wala pang ibang tao. Naupo ako sa pantry area at nagumpisang basahin ang isang booklet na inihanda nila para sa akin. Nandun ang lahat ang jobs and responsibilities ni Mary noon, ang mga dapat kong gawin at tandaan. Mukhang kayang kaya ko naman ang mga ito at hindi nalalayo sa ginagawa ko dati bilang Secretary ni Madam Ivy.

"Kumusta naman ang bagong Secretary ni Mr. Montano?" Nakangiting bungad ni Cherry sa akin ng makita ako nitong nagkakape na.


"Heto excited na." Natatawa kong sagot. "Unexpected talaga, pero masayang masaya ako." Naupo naman si Cherry sa tabi ko.

"Sobrang happy ako para sayo, beshy. Kahit naman sino ay maeexcite kung araw-araw ay makakasama ang isang tulad niya..." Sabay pangalumbaba nito na parang nagdaydreaming pa. Isa nga pala si Cherry sa patay na patay sa aming boss.

"Nako, hindi ako excited dahil dun. Masaya lang ako na napansin nila ang hard work ko."

"You deserve it naman kasi, beshy. Kayang kaya mo yan. Basta ha, update mo lang ako lagi sa latest happenings." Sabay kindat pa nito na parang may ibang ibig sabihin.

Nagsidatingan ang ibang officemates namin at isa-isa ding nagcongratulate sa akin.

Pinatawag ako ng HR Manager at nagsabing iintroduce niya na ako kay Mr. Montano para makapagstart sa bagong role ko ngayong araw.

Pagpasok namin sa opisina ay andun na si Mr. Montano at abala sa binabasang mga papeles. Tambak ang mga papel sa lamesa nito at mukhang aburido sa buhay.

"Good morning, Mr. Montano" Bati ng aming HR Manager na si Ms. Beth habang kasunod naman ako nito sa likod niya.

Seryosong mukha ang sinalubong nito sa amin. "Hindi ba ito marunong ngumiti?" Tanong ko sa sarili.

Nag-angat ito ng ulo at pormal na tumayo.

"Good morning, Ms. Beth." Ganting bati nito na walang kangiti-ngiti sa labi. Naghalukip ng mga kamay sa bulsa ng kaniyang slacks. Nakalight blue ito na long sleeves polo at nakasabit naman ang suit nito sa kaniyang swivel chair.

"I would like to formally introduce your new Secretary, Ms. Jenna Crisostomo."

"Good morning, Sir." Bati ko na nakangiti sabay yuko ng bahagya bilang paggalang dito.

Mataman akong tinignan nito na parang sinusuri. Ngayon ko lang nakita ito ng malapitan at ang itim na itim nitong mga mata. Parang blangko iyon, tulad ng dati ay parang nakakalunod tumitig dito.

"Nice meeting you, Ms. Jenna. I hope you will enjoy your new role." Sabi naman nito sa akin na diretsong nakatingin sa mga mata ko. Ewan ko ba pero parang nailang akong bigla.

"Thank you, Sir." Matipid ko na lang na sagot at nagbaba ng tingin. May inabot na papel si Ms. Beth dito na agad niitong pinirmahan at pagkatapos ay bumalik sa pagkakaupo.


Iginiya naman ako ni Ms. Beth sa bago kong desk. Nasa bungad iyon ng opisina, katapat ng pintuan. Hindi ko tanaw si Mr. Montano sa pwesto ko na yun dahil may frosted glass door pa bago makapasok sa mismong opisina nito.


"Dito na ang magiging pwesito mo mula ngayon. Kapag may kailangan si Mr. Montano ay tatawagan ka lang niya sa intercom." Pagpapaliwanag nito at nagpaalam na.

Agad akong naupo, chineck ang mga bagay na nasa lamesa at inayos ng bahagya. Saka ko binuksan ang laptop para umpisahang magbrowse ng emails at calendar ng bagong boss.


Ito ang main responsibility ko, to make sure na organized ang schedule ng boss.

Maya-maya ay nagring ang telepono. Sa kabilang linya ay ang isang lalaki at hinahanap si Mr. Montano. Hinold ko iyon at dinial ang extension ng boss.

"Hello sir, Mr. Kontreras of KLM Real Estate would like to speak to you." Medyo matagal itong sumagot.

"Yes, please." Tipid lang na sabi nito gamit ang napakalalim at malamig na boses. Agad kong tinransfer ang linya at nagpatuloy ako sa aking ginagawa.

Nang lunch break na ay inaantay kong lumabas ang boss, pero halos 10 minutes na ang nakalipas sa aming break time ay wala pa rin. Hindi ko tuloy alam kung pwede na ba akong magbreak o kailangan kong magpaalam. Nagaalangan ako dahil kung tatanungin ko ito ay maistorbo at baka magalit. Mukha pa namang tigre na anytime ay mambubulyaw.

Pero ng nadinig ko na ang sikmura ko na nagaalburoto, no choice na. Dinial ko ang extension nito at agad itong sumagot.

"Yes?" Parang galit ang boses.

"Sir, maglalunch break lang po ako." Diretso kong sabi.

"Go ahead." Matipid nitong sagot.

Magsasalita pa sana ko pero binaba na pala nito ang phone.

Ako naman ay lumabas na dahil gutom na talaga ko. Bahala siya malipasan ng gutom magisa noh!

At tulad ng inaasahan ay nagaantay si Cherry sa pantry na nakangiti.

"Uunahan na kita, wala." Natatawa kong bungad sa kaibigan.

"Paanong wala, beshy? Grabe naman, excited pa naman ako sa ikukwento mo."

Naginit na ako ng aking pagkain sa microwave at nasa likod ko ito na parang bata na nagaantay ng candy.

"Ano naman ang inaasahan mo na kwento? Eh nakaupo lang naman ako sa desk ko at siya sa opisina niya."

"Oh sige, ano na lang itsura niya sa malapitan? Mas gwapo ba pag close-up? Kinilig ka ba? Ano sabi niya sayo? May kinwento ba siya tunkol sa kanila ni Mary?" Sunod-sunod na tanong nito habang ako naman ay naupo na para magumpisang kumain.

"Hay nako, Cherry. Maniwala ka o hindi, wala talaga. Pinakilala lang ako ni Ms. Beth nung umaga and then wala na. Naupo lang ako sa desk ko para magtrabaho." Pagpapaliwanag ko naman sabay subo ng pagkain.

"Ay, ano ba naman yan! Ang boring nun, beshy." Kita ang disappointment sa mukha niito.

Natatawa ako na nagpatuloy na lamang sa pagkain. Ano ba ang inaasahan ng kaibigan? Magkukuwenito ng personal na buhay sa akin si Mr. Montano? Malabo iyon at sa totoo lang ay wala din naman akong pakielam. Nandun lang ako para magtrabaho at nagpapasalamat ako na napromote ako at tumaas ang sahod ko. Yun lang.

Comments (2)
goodnovel comment avatar
Arthur Olivar
maganda anf kwento at para kalanf nanonood ng live lalo kong tuloy tuloy sana.
goodnovel comment avatar
Salve Ragay
interesting story
VIEW ALL COMMENTS

Related chapters

Latest chapter

DMCA.com Protection Status