Twelve

Pinagmaneho ako ng driver nina Ella, nasa loob ako ng sasakyan na napagkasunduan naming babayaran ko buwan-buwan. Nakaupo ako sa may passenger backseat, kahanay lamang ng upuan ng driver. 

"Okay ka lang po ba ma’am?" nag-aalalang tanong sa ‘kin ni Manong Roberto habang pinagmamasdan ako sa rearview mirror. Tumingin ako dito at isang tipid na ngiti lang ang itinugon ko. Marahil napansin n‘ya sigurong tulala ako sa kawalan.

Nakarating na kami sa parking lot ng gusali na tinitirhan ko. Bago ako lumabas ng kotse nagpasalamat muna ako sa paghatid sa ‘kin ni Mang Roberto, kasabay ng pag-abot din nito ng susi ng sasakyan. Ayon sa kanya magko-commute na lamang daw ito pabalik sa mansion nina Ella.

Naglalakad na ako patungo sa elevator, at may mga kasabay din akong mga kapwa ko residente dito, pa