Chapter 10

"Hi, Jude!" masigla kong bati sa kaniya paglabas niya pa lang ng room. Napatigil ito at kunot noo akong pinasadahan ng tingin.

"Excuse me? Who are you?" tanong nito. Palihim ko siyang inirapan at nanatiling kalma.

May biglang umakbay dito na meztisong lalaki. "Ayos pre! May syota ka na pala!" Tinapik nito ang balikat habang nakatingin sa akin. Nang kumindat ito ay saglit kong nakalimutan ang pakay ko. Bakit ang gwapo ng nilalang na 'to?

Pero ano daw? Syota?!

"Hindi-"

"Whoop whoop~"

"Yieee, si Jude may girlfriend na!"

Hindi na ako nakapagsalita dahil sunod sunod na lumabas ang mga classmate niya na nang-aasar. Gano'n din siya, speechless. Ang epic nga ng mukha niya!

Nang makaalis na silang lahat ay doon lang ako nagkaroon ng pagkakataon para hilahin siya sa dulong hallway kung saan din siya dinala ni Yza kanina. Hindi naman siya agad nakatanggi dahil biglaan ang ginawa ko.